ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಈ ನೋವುಗಳೆಂದೂ ನಿನ್ನೆಗಳನ್ಯಾಕೆ ಮರೆಯೋದಿಲ್ಲ

ನಾ ಹೊರಗೆ ಬಂದಾಗ ಆ ನಕ್ಷತ್ರಗಳ್ಯಾಕೆ ಮಿನುಗೋದಿಲ್ಲ

ಕಲ್ಲೆಸೆದು ಕತ್ತರಿಸಿದರೂ ಮರದಂತೆ ನಾನೇಕೆ ನಿಶ್ಚಲ ?

ಬುಡಕಳಚಿಕೊಂಡು ಅವರ ಕಾಲಡಿ ಬಿದ್ದರೂ ನಿಮಿಷವಷ್ಟೇ ವಿಲವಿಲ!

ಎಲ್ಲೆಯಿಲ್ಲದ ಬಾನ ಕಾಮನಬಿಲ್ಲೇ,ಕೆಳಗಿಳಿಯಬೇಡ ಅಲ್ಲೇ ಇರು

ಬಂದರೆ ನನ್ನಪ್ಪನಂತೆ ನಿನ್ನನ್ನೂ ಜನ ಕತ್ತರಿಸಿ ಮಾರಿಬಿಟ್ಟಾರು

ಇಡೀ ಸ್ಥಬ್ಧ ಜಗದಲ್ಲಿ ಅಮ್ಮ , ನೀ  ನೆನಪಾಗಿಯೇ ಇದ್ದುಬಿಡು

ಹೃದಯ ಪುಷ್ಪವಾಗಿಸಿ,ನದಿ ತೀರದಲ್ಲಿ ನಿನ್ಯಾರೂ ಇಲ್ಲಿ ಪೂಜಿಸರು .

ಕೊಟ್ಟ ಹಿಂಸೆಗಳು ಗೋಡೆಯಾಚೆ ಹೋಗಿ ಸುದ್ದಿಯಾಗಬಹುದು

ಅದಕ್ಕೆ ಕಣ್ರೆಪ್ಪೆಯ ಕಾವಲಿರಿಸಿ ಒಳಗೆ ಜೋಪಾನವಾಗಿರಿಸಿದ್ದು

<ಸಂಪದ ಬಳಗದ ಗೆಳೆಯ ಗೆಳತಿಯರಿಗೆ ಕವನ ಬರೆಯುವ ಕಲೆ ನನಗೆ ಒಲಿದಿಲ್ಲ ಆದರು ಸ್ನೇಹಿತರಾದ ಜಯಂತ್ , ಗೋಪಿನಾಥರು , ನಾವಡರು , ಸುರೇಶ್ ಹೆಗ್ಡೆಯವರು ವಾಣಿಯವರು ಮತ್ತು ಎಲ್ಲರು ಕವನ ಬರೆಯುವುದು ಕಂಡು ನಾನು ಒಂದು ಬರೆಯಲೇ ಬೇಕು ಅಂತ ತೀರ್ಮಾನ ಮಾಡಿ ಬರೆದಿದ್ದೇನೆ ನಗದೆ ಹೇಗಿದೆ ಅಂತ ತಿಳಿಸಿ>

.................

ನನ್ನ ಬಾಲ್ಯದ ಗೆಳತಿ ಹೆಸರು ಸಿರಿಗೌರಿ

ನೆನಪು ಸದಾ ಹಸಿರು

ಕಣ್ಣು ಮುಚ್ಚಿ ನೆನೆಯಲು ಎದೆಯ ಸ್ಪರ್ಶಿಸುವುದು

ಈಗಲು ಅವಳ ಉಸಿರು

ಅರಳು ಕಂಗಳಲ್ಲೇನೊ ಮುಂಗಾರಿನ ಮಿಂಚಿನ ಸೆಳವು

ಕೆನ್ನೆ ಗಲ್ಲಗಳಲ್ಲಿ ಸದಾ ಅರುಣರಾಗದ ಸಂಜೆಯ ಹೊಳವು

ನಕ್ಕರದು ಮುಂಜಾವಿನ ಪಾರಿಜಾತದ ಹೂವಿನ ಮಳೆಯು

ಮುನಿದರೆ ಸಹ್ಯಾದ್ರಿಯ ನಾಡಿನ ಜಿನುಗು ಮಳೆಯ ಪರಿಯು