ನೀ ನಿಂತಾಗೆನಗೆ ದೇವ ದರ್ಶನವಾಯ್ತು

ನೀ ನಿಂತಾಗೆನಗೆ ದೇವ ದರ್ಶನವಾಯ್ತು

ಸಖೀ,

ನಿನ್ನ ನಗುವಲ್ಲೇ ನಾ ಚಂದಿರನ ಚೆಲುವ ಕಂಡೆ,
ಚಂದಿರನ ಚೆಲುವಲ್ಲಿ ನಾ ನಿನ್ನ ಮೊಗವ ಕಂಡೆ;

ನಿನ್ನ ಒಯ್ಯಾರ ನನ್ನ ಮನದಲಿ ಚಿತ್ತಾರವಾಯ್ತು,
ನಾ ಬಿಡಿಸಿದ ಚಿತ್ರದಲಿ ನಿನ್ನನ್ನೇ ಕಂಡಂತಾಯ್ತು;

ನಡೆಯಲ್ಲಿ ನೀ ಆ ಹಂಸವನೇ ನಾಚಿಸಿದುದ ಕಂಡೆ,
ಹಂಸದ ಆ ನಡೆಯಲ್ಲಿ ನಿನ್ನ ನಾ ನೆನಪಿಸಿಕೊಂಡೆ;

ನನ್ನ ನೀ ಕೂಗೆ ಕೋಗಿಲೆಯೇ ಕೂಗಿದಂತಾಯ್ತು,
ಕೋಗಿಲೆ ಕುಹೂ ಎನಲು ನೀನೇ ಕರೆದಂತಾಯ್ತು;

ದೇವನಿಗಾಗಿ ಧ್ಯಾನಿಸಲಲ್ಲಿ ನಿನ್ನನ್ನು ಕಂಡಂತಾಯ್ತು,
ನೀ ಕಣ್ಮುಂದೆ ನಿಂತಾಗೆನಗೆ ದೇವ ದರ್ಶನವಾಯ್ತು;

ನನ್ನ ಮನದೊಳಗಿಲ್ಲಿ ನಾನಿಲ್ಲ, ಬರೇ ನೀನೇ ನೀನು,
ನಿನ್ನ ಕಣ್ಣೊಳಗಣ ಬಿಂಬದಲಿ ಬರೇ ನಾನೇ ನಾನು!
*-*-*-*-*-*-*-*-*-*-*-*-*-*-*-*