ಸುಧೆಯಾದ ಹೃದಯ
ಮರೆಯೆ ನಾ ತೊರೆಯೆ ಈ ಧರೆಯ,
ಪರ್ಯಾಯವಿಲ್ಲದ ಕಾರಂಜಿಯ ಸುಧೆಯ.
ಅಂಬರದ ಬಿಳಿಯ ಮೋಡದ ಹೃದಯ,
ಸುರಿಸುವೆ ನಲ್ಮೆಯ ಜೇನಿನ ಮಳೆಯ,
ತುಂಬುವೆ ಪನ್ನೀರಿನ ಧಾರೆಯ,
ಕಾದಿರುವೆ ಹಾದಿಯ, ನೀ ಬಾರೆಯ ?
ಮರೆಯೆ ನಾ ತೊರೆಯೆ ಈ ಹೃದಯ,
ಸಾಟಿಯಿಲ್ಲದ ಕಾರುಣ್ಯದ ಸುಧೆಯ.
ತೂಗುವೆ ಜೀವನದ ತೂಗುಯ್ಯಾಲೆಯ,
ಜೀವವೆ ಕಾದಿದೆ ಬಂದಿಲ್ಲಿ ನೆಲೆಸೆಯ,
ಹಾಕುವೆ ಅಂಬರಕೆ ಚಿತ್ತಾರದ ರಂಗೋಲಿಯ,
- Read more about ಸುಧೆಯಾದ ಹೃದಯ
- Log in or register to post comments