ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಹತ್ತಿ, ನಮ್ಮ ಭಾರತದ ಉದ್ಯೋಗ ಕ್ಷೇತ್ರದಲ್ಲಿ ಮಾಡಿರುವ 'ಛಾಪು ' ಅಮೋಘ ! ಇದು ನಮ್ಮ ಜನರ ಜೀವನವನ್ನು ರೂಪಿಸುವಲ್ಲಿ ಕೃಷಿ, ಮೊದಲನೆಯದಾದರೆ, ಇದು ಎರಡನೆಯದು. ಒಟ್ಟು ಹತ್ತಿಗೆ ಸಂಬಂಧಪಟ್ಟ ಉದ್ಯೋಗಗಳಲ್ಲಿ ನಿರತರಾಗಿರುವವರ ಸಂಖ್ಯೆ ೬೦ ಮಿಲಿಯನ್ ಎಂದು ಅಂದಾಜುಮಾಡಲಾಗಿದೆ. ಸುಮಾರು, ೮೫ ಲಕ್ಷ ಹೆಕ್ಟೇರ್ ಗಳಲ್ಲಿ ಹತ್ತಿ ಕೃಷಿಯನ್ನು ಮಾಡಲಾಗುತ್ತಿದೆ. ಅನಂತಾನಂತಕಾಲದಿಂದಲೂ ಮನುಷ್ಯನಿಗೆ ತೀರ ಬೇಕಾದ ಅಗತ್ಯಗಳಲ್ಲಿ ಮೊದಲು ಅನ್ನ, ಎರಡನೆಯದು ವಸ್ತ್ರ, ಮೂರನೆಯದು ಮನೆ. ಬಟ್ಟೆಯ ಅಗತ್ಯ ಪ್ರಾಚೀನ ಕಾಲದಲ್ಲಿ ಮೈಮುಚ್ಚುವ ಸಾಧನವಾಗಿದ್ದರೆ, ಆಧುನಿಕ ಕಾಲದಲ್ಲಿ ಅದರ ಪ್ರತಿರೂಪ ಬೇರೆಯೇ ಯಾಗಿದೆ. ಇಂದಿನ ಫ್ಯಾಶನ್ ಯುಗದಲ್ಲಿ ಅತ್ಯಂತ ಕಡಿಮೆ ವಸ್ತ್ರದ ಬಳಕೆ ಅನಿವಾರ್ಯವೇನೋ ಅನ್ನುವಷ್ಟು ಸಹಜ [ಅಸಹಜವಾದರೂ] ಸ್ಥಿತಿಯನ್ನು ನಾವು ಮುಟ್ಟಿದ್ದೇವೆ. ಇಲ್ಲೂ ನಾವು, "ಅಶ್ಲೀಲ ಪ್ರದರ್ಶನಗಳ ಪರಿಧಿ" ಯಿಂದ ಹೊರಬಂದು ಮಿಂಚಲೂ ಸಾಧ್ಯ !

ಹತ್ತಿಯ ಉಪಯೋಗಗಳು ನೂರಾರು. ದೇವರು ಕರುಣಿಸಿದ ಮತ್ತೊಂದು ಕಲ್ಪ ವೃಕ್ಷದ ಹೆಸರು- ಹತ್ತಿ ! ಹತ್ತಿ ಮೊದಲು ವೃಕ್ಷವಾಗಿಯೇ ಇತ್ತು. ಈಗಲೂ ಪೆರು, ಮೆಕ್ಸಿಕೋ ದೇಶಗಳಲ್ಲಿ ಹತ್ತಿ ಮರಗಳನ್ನು ನಾವು ಕಾಣಬಹುದು. ಅದನ್ನು ಸಂಸ್ಕರಿಸಿ ಅದರ ಎತ್ತರವನ್ನು ಅನುಸಂಧಾನಗಳಿಂದ ಈಗಿರುವಂತೆ ಪೊದೆಹತ್ತಿ, ಅಥವಾ ಗಿಡಹತ್ತಿಯ ರೂಪ ಕೊಡಲು ವಿಶ್ವದ ನೂರಾರು ಸಂಶೋಧಕರ ಅನವರತ ಪರಿಶ್ರಮದ ಫಲದಿಂದಾಗಿ ಈಗಿನ ರೂಪ-ಗುಣಗಳನ್ನು ಪಡೆದಿದೆ. ಅವಿನಾಶಿಯಾದ ಹತ್ತಿ, ತನ್ನ ಅಸ್ತಿತ್ವದಿಂದ ತನ್ನ ಸೋದರ 'ತೆಂಗಿನಂತೆ' "ಕಲ್ಪವೃಕ್ಷ" ದ ಪದವಿಯನ್ನು ಪಡೆದಿದೆ. ಪೆಟ್ರೋಲಿಯಮ್ ಮೂಲದಿಂದ ತಯಾರಾಗುತ್ತಿರುವ ಹಲವಾರು ಫೈಬರ್ ಗಳು ಮುಂದಿನ ನೂರುವರ್ಷಗಳಲ್ಲಿ ಪೆಟ್ರೋಲ್ ಮುಗಿಯುತ್ತಿದ್ದಂತೆ ಮಾಯವಾಗುತ್ತವೆ. ಆದರೆ ಹತ್ತಿಗೆ ಅದರ ಯಾವ ಭಯವೂ ಇಲ್ಲ. ವಿಶ್ವದ ಎಲ್ಲಾ ದೇಶಗಳಲ್ಲೂ ಹತ್ತಿ ಬೆಳೆಯಬಹುದು. ಕೆಲವು ದೇಶಗಳು ಇದಕ್ಕೆ ಅನುಕೂಲವಾದ ವಾತಾವರಣ ಹೊಂದಿವೆ. ಇನ್ನು ಕೆಲವು ಜಾಗಗಳಲ್ಲಿ ನಾವು ಬೆಳೆಸಲು ವಿಜ್ಞಾನ ತಂತ್ರಜ್ಞಾನಗಳ ಸಹಾಯದಿಂದ ಹೊಸ ವಿಧಾನಗಳನ್ನು ಬಳಸಿ ಕೃಷಿಮಾಡಬಹುದು.

ಎಲ್ಲಿಂದಲೊ ಬಂತು ಸುದ್ದಿ,

ಬರ್‍ತಾರಂತೆ ಪ್ರಭುಗಳು,

ಓಟು, ಸೀಟೂ ಕೇಳಿಕೊಂಡು,

ಬರ್‍ತಾರಂತೆ ಪ್ರಭುಗಳು!

ತಣ್ಣಗಿದ್ದ ಸಣ್ಣ ಹಳ್ಳಿ, ಬಣ್ಣ ಬಳ್ಕೊಂಡು ನಿಂತ್ಕೊಳ್ಳುತ್ತೆ,

ಎಲ್ಲರ್ ಬಾಯಲ್ಲೂ ಒಂದೇ ಮಾತು, ಪ್ರಭುಗಳು ಬರ್‍ತಾರಂತೆ!

ಧೂಳು ತುಂಬಿದ್ ದಾರಿಯೆಲ್ಲ ಡಾಂಬಾರು ಮೆತ್ಕೊಂಡು ಮೆರೀತಾವೆ,

ಇಸ್ಕೂಲ್ಗ್‍ಹೋಗೊ ಹಳ್ಳಿ ಹೈಕ್ಳು, ಓದು ಪಾಠ ಮರೀತಾವೆ!

ಹಳ್ಳಿ ತುಂಬ ಹೊಸ ಮಂದಿ, ನಗ್ತಾರೆ ಗುರ್ತಿರೋರಂತೆ,

ಕೈಕೈ ಮುಗಿದು ಮಾತ್ನಾಡಿಸ್ತಾರೆ, ಪ್ರಭುಗಳ ಚೇಲಗಳಂತೆ!

ಒಡ್ಡರ ಓಣಿ, ಊರಿನ ಬಾವಿ, ಎಲ್ಲ ಕಡೆ ಒಂದೇ ಮಾತು,

ಗುಂಪು ಗುಂಪಾಗಿ ನಿಂತ್ಕೊತಾರೆ, ಪಕ್ಕದೂರಿನ್ ಸಂತೆ ಮರೆತು!

ನನ್ನ ಜೀವನವೊಂದು ದೇವರಿತ್ತ ವರವೆಂದು ನಾನು ಭಾವಿಸುತ್ತೇನೆ. ಹಲವಾರು ಕಾರಣಗಳನ್ನು ನಾನಿದಕ್ಕೆ ಕೊಡಬಲ್ಲೆ. ಈಗಿನ ದಿನಗಳಲ್ಲಿ ನಾವು ಬಯಸುವ ಪರಿಸರದಲ್ಲಿಯೇ ಕೆಲಸ ಸಿಗುವುದು ಮತ್ತು ಕೆಲಸವನ್ನು ಮನದಣಿಯೇ ಆಸ್ವಾದಿಸುವುದು ಪೂರ್ವಜನ್ಮದ ಸುಕೃತವಿದ್ದಲ್ಲಿ ಮಾತ್ರ ಸಾಧ್ಯವೆಂಬುದು ನನ್ನ ಅಚಲವಾದ ನಂಬಿಕೆ. ೯೦ ಪ್ರತಿಶತ ಮಂದಿಗೆ ಇದು ಅನುಭವಕ್ಕೆ ಬಂದಿರಬಹುದು. ಉದಾಹರಣೆಗೆ: ಸಮುದ್ರದೊಂದಿಗೆ ಸ್ನೇಹ ಮಾಡಲಿಚ್ಚಿಸಿದವನಿಗೆ ನೌಕಾಪಡೆಯಲ್ಲಿ ಸೈನಿಕನ ಕೆಲಸವೇನೋ ಸಿಕ್ಕರೂ ದೆಹಲಿಯಲ್ಲಿ ಕೇಂದ್ರಕಚೇರಿಯಲ್ಲಿ ಪೋಸ್ಟಿಂಗ್ ಆದರೇನು ಮಾಡುವುದು? ಪರ್ವತಾರೋಹಣದಲ್ಲಿ ಆಸಕ್ತಿಯಿರುವ ವ್ಯಕ್ತಿಗೆ ಗುರಗಾಂವಿನಲ್ಲೆಲ್ಲೋ ಸಾಫ್ಟ್ವೇರ್ ಇಂಜಿನಿಯರ್ರಾಗಿ ಕೆಲಸ ಸಿಕ್ಕರೆ ಹೇಗಿರುವುದು? ಈ ಮಟ್ಟಿಗೆ ನಾನು ಸಂತಸದಿಂದಿರುವ ವ್ಯಕ್ತಿ. ನನಗೆ ಪರ್ವತಗಳು, ವೇಗವಾಗಿ ಹರಿಯುವ ನದಿ, ರುದ್ರರಮಣೀಯವೆನಿಸುವ ಪ್ರಕೃತಿ ಇವೆಲ್ಲವೂ ಅತ್ಯಂತ ಪ್ರೀತಿ. (ಯಾರಿಗಿಷ್ಟವಿಲ್ಲ ಹೇಳಿ) ದೇವರ ದಯೆಯಿಂದ ನಾನು ದೇವಭೂಮಿಯೆಂದೇ ಪ್ರಖ್ಯಾತವಾದ ಉತ್ತರಾಂಚಲದಲ್ಲಿ ವರ್ಷಕ್ಕೆ ಹಲವಾರು ಬಾರಿ ಕೆಲಸದ ಮೇಲೆ ಸಂಚರಿಸುತ್ತೇನೆ.

ಪ್ರೀತಿ ಗೀತಿ ಶ್ಯಾನೆ ಬ್ಯಾನಿ...
ಬುಟ್ ಬುಡಿ ತಂದಿ ನನ್ನ ಸುಮ್ನೆ...
ಮಾಡ್ಬೇಡಿ ಅನ್ನೋಕೆ ನಾ
ಏನ ದೊಣ್ಣೆನಾಯಕನೇ..?
ಮಾಡೊರಿಗೆ ಒಳ್ಳೆದು ಆಗ್ಲಿ,
ನಂಗದ್ರ ಸುದ್ದಿ ಬ್ಯಾಡ..
ಎಲ್ಲ ಕುಸಿಯಾಗಿದ್ರೆ ಸಾಕು,
ನಂಗಿನ್ನೇನು ಹೆಚ್ಗೆ ಬ್ಯಾಡ.
ಹೇಳ್ಬೆಕು ಅನಿಸ್ದ್ನ ಹೇಳ್ದೆ ಹೋದ್ರೆ
ಎದಿ ಮ್ಯಾಲ ಚಪ್ಪಡಿ ಭಾರ.
ಪ್ರೀತಿ ಬದ್ಕೊಕೆ ದಾರಿ ಸರಿ,
ಕಾಲ ಕೆಟ್ಟದು ಹುಸಾರ..