ನಡುಗಿತು ಭೂಮಿ ಹೈಟಿಯಲ್ಲಿ

ನಡುಗಿತು ಭೂಮಿ ಹೈಟಿಯಲ್ಲಿ 

ಹತ್ತು ಘಂಟೆ ರಾತ್ರಿಯಲ್ಲಿ

ಮೊರೆಯಿಡುತಿಹರು ಸಹಾಯದ ಹಸ್ತಕ್ಕಾಗಿ 

ಕಾಣದೆ ಹೋದ ತಮ್ಮ ಬಂಧು ಮಿತ್ರರಿಗಾಗಿ

ರಕ್ಷಣೆಗೆ ಬಂದವರ ಮನದಲ್ಲಿ ಮೂಡಿದ್ದೇನು ?

ಉಳಿದಿರುವವರ ಬದುಕಿಸಲೇನು, ಬದುಕಿರುವವರ ಉಳಿಸಲೇನು?

ಬೀದಿ ಬೀದಿಗಳಲಿ ರಾಶಿ ರಾಶಿ ಹೆಣಗಳು 

ಎತ್ತ ನೋಡಿರತ್ತ ಮುರಿದು ಬಿದ್ದ ಮನೆಗಳು

ಉಣ್ಣಲು ಅನ್ನವಿಲ್ಲ, ಕುಡಿಯಲು ನೀರಿಲ್ಲ ತಲೆ ಮೇಲೆ ಸೂರಿಲ್ಲ 

ಮಲಗಲು ಸ್ಥಳವಿಲ್ಲ ಹೆಣಗಳು ತಲೆದಿಂಬು ಆಗಲಾರದಲ್ಲ

ಊಟ, ನೀರು, ಔಷದಿಗಳು ಹರಿದು ಬರುತ್ತಿದೆ 

ದುಸ್ತರವಾಗಿದೆ ವಿಮಾನ ಇಳಿಯಲು ಸ್ಥಳವಿಲ್ಲದೆ

ಬಂದು ಸೇರಿದ ಅನ್ನಕ್ಕಾಗಿ ನೆಡೆದಿದೆ ಪೈಪೋಟಿ 

ಮಾರಾಮಾರಿ ತಡೆಯಲು ಅವರು ಎತ್ತಿದರೋ ಲಾಠಿ

ಗಂಡು, ಹೆಣ್ಣು ಭೇದವಿಲ್ಲ ಮುನಿದರೆ ಪರಿಸರ 

ಧರೆ ನಡುಗಿ ಕಳಚಿ ಬಿದ್ದಿದೆ ಅವರ ಜೀವನಾಧಾರ

ಎಲ್ಲ ಕಳಕೊಂಡು ಮಾಡೋದೇನಿದೆ, ಹೊಟ್ಟೆಗೂ ಇಲ್ಲದೆ 

ಊರ ಬಿಟ್ಟು ಹೋಗಲಾಗೋದಿಲ್ಲ ಕೈಯಲ್ಲಿ ಕಾಸು ಇಲ್ಲದೆ

ಊಟ, ವಸತಿ, ಬಟ್ಟೆಗಾಗಿ ಕಿತ್ತಾಡ್ತಿದ್ರೆ ಹೈಟಿಯಾ ಜನ 

ಕ್ರೂಸ್ನಲ್ ನಿಂತ್ಕೊಂಡ್ ಕಾಕ್ಟೈಲ್ ಕುಡ್ಕೊಂಡ್ ನೋಡ್ತಿದ್ರು ಆ ಜನ

ಎಲ್ಲೆಡೆ ನೆಡೆದಿದೆ ಇಂದು ಭರಾಟೆ ’ಪರಿಹಾರ ನಿಧಿ’ 

ಮೋಸದ ಜಾಲದ ಬಲೆಗೆ ಬಿದ್ದಲ್ಲಿ ಅದು ನಿಮ್ಮ ದುರ್ವಿಧಿ

ಉಸುರಿದರಾರೋ ಪ್ರಳಯಕ್ಕಿನ್ನೂ ಇದೆಯೆಲ್ಲ ಎರಡು ವರ್ಷ? 

ಕಾಯ್ಬೇಕೇಕೆ ಅಲ್ಲೀವರೆಗೂ ಆಗ್ತಿರೋದೇನು ಪ್ರತೀ ವರ್ಷ?