ಸಚಿತ್ರ ಚೈತ್ರ!.....

ಯಾವ ಮೋಡಿಕಾರ ಬಂದ ಯಾವ ಕುಂಚವನ್ನು ತಂದ

ಬೋಳು ಬೋಳು ಮರ ಬರೀ ಅಸ್ಥಿಪಂಜರ|

ಬಣ್ಣ ಬಳಿದು ಜೀವ ತುಂಬಿ ಎಲ್ಲಿ ನೋಡೆ ಅಲ್ಲಿ ಹಸಿರು

ನಲಿದು ತೊಟ್ಟು ಬಣ್ಣ ಬಣ್ಣದ ಪೀತಾಂಬರ||

ಬೇಂದ್ರೆ ಅಜ್ಜ ನುಡಿದ ಮಾತು ಎಷ್ಟು ದಿಟ

ಹೂತ ಹುಣಸಿ ಒಂದು ಸಾಲದೆ ನಿನ್ನ ಭಾವ ಜಲ ಉಕ್ಕಲು|

ಅರಳ ಹೊರಟ ಮೊಲ್ಲೆ ಗಮಲು ಸಾಲದೆ

ಜಡವ ಕಳೆದು ಜೀವ ಸೆಲೆಯು ಒಡೆದು ಚೈತ್ಯ ತುಂಬಲು||

ಆಟ ಊಟ ಬೇಟ ಕೂಟ ಮಾಟ ಮಾಡಿದೆ

ಮಣ್ಣ ಕಣದಿ ರಕ್ತ ಚಿಮ್ಮಿ ಮುಗುಳು ಅರಳಿದೆ|

ಏನು ಲೀಲೆ ಏನು ಜಾಲ ಏನನರಿಯೆ ನಾನು

ಕೈಯ ಹಿಡಿದು ನನ್ನ ನಡೆಸು ಬೇಡಿಕೊಳುವೆನು||

-ನಾಸೋ