ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ವಸಿಷ್ಠರು ಮತ್ತು ವಾಲ್ಮೀಕಿಯರು

ರೈಧುನ್ನಲ್ಲಿ ಮಧುರವಾದ ವೀಣೆಯ ನಾದ ತೇಲಿ ಬರುತ್ತಿತ್ತು. ಕಲ್ಯಾಣಿ ರಾಗದ ಆಲಾಪನೆ ಮನಮೋಹಕವಾಗಿ ನನ್ನ ಕಿವಿಗಳಿಗೆ ಜೇನನ್ನು ಸುರಿಸುತ್ತಿತ್ತು. ಪಿಚ್ಚುಮಣಿ ಅಯ್ಯರ್ ವೀಣೆ ಕೇಳುತ್ತಲೇ ನನ್ನ ವೀಣೆಯ ಕಡೆ ಒಮ್ಮೆ ಕಣ್ಣು ಹಾಯಿಸಿದೆ. ಈಗ್ಗೆ ಒಂದು 15 ವರ್ಷಗಳ ಕೆಳಗೆಲ್ಲಾ ಆಸೆಯಿಂದ ನುಡಿಸುತ್ತಿದ್ದ ವೀಣೆ ಮುಸುಕು ಹಾಕಿ ನಿಶ್ಚಲವಾಗಿ ಕೂತಿತ್ತು. ಸ್ಕೂಲ್ ಕೆಲಸಗಳ ನಡುವೆ ಬಿಡುವು ಆಗದೇ ನುಡಿಸುವುದೇ ಬಿಟ್ಟು ಹೋಗಿತ್ತು. ಈಗ ನುಡಿಸಲು ಹೋದರೆ ಒಂದು ಗೀತೆ ಕೂಡ ನುಡಿಸಲು ಸಾಧ್ಯವಾಗುತ್ತದೋ ಇಲ್ಲವೋ ಎಂಬ ಅನುಮಾನ ಬಂತು. ಪರೀಕ್ಷಿಸಿಕೊಳ್ಳಲು ಧೈರ್ಯವಾಗದೇ ಸುಮ್ಮನೆ ಕುಳಿತೆ. ವೀಣೆಯನ್ನು ನೋಡುತ್ತಾ ಕುಳಿತಿದ್ದಾಗ ಪಿಚ್ಚುಮಣಿ ಅಯ್ಯರ್ ಅವರು ತಾರ ಸ್ಥಾಯಿಯಲ್ಲಿ ಆಲಾಪನೆ ಮಾಡುತ್ತಿದ್ದರು. ತಾರಸ್ಥಾಯಿಗೆ ಹೋದ ಹಾಗೂ ನಮ್ಮ ಎರಡು ಕೈಗಳ ನಡುವಿನ ಅಂತರ ಕಡಿಮೆ ಆಗುವುದನ್ನೂ ಕೆಳಗಿನ ಸ್ಥಾಯಿಗೆ ಬರುವಾಗ ಅಂತರ ಹೆಚ್ಚುವುದನ್ನೂ ನೆನೆಯುತ್ತಾ ವಿಜ್ಞಾನಿ ಸರ್ ಸಿ.ವಿ.ರಾಮನ್ ಅವರ ನೆನಪಾಯಿತು. ಅವರೇ ತಾನೆ ಸಂಗೀತ ವಾದ್ಯಗಳಲ್ಲಿ ಉಂಟಾಗುವ ನಾದದ ಬಗ್ಗೆ ಪ್ರಯೋಗಗಳನ್ನು ನಡೆಸಿ ಸಂಗೀತದಲ್ಲಿ ವಿಜ್ಞಾನವನ್ನು ನುಸುಳಿಸಿದವರು! ಅವರು ತಮ್ಮ ಗಮನವನ್ನು ಮೊದಲು ಕೇಂದ್ರೀಕರಿಸಿದ್ದು ಪಿಟಿಲಿನ ಕಡೆಗೆ. ಅವರ ಗಮನ ಹೀಗೆ ಕಂಪನ ತರಂಗಗಳ ಮತ್ತು ಧ್ವನಿ ವಿಜ್ಞಾನದ ಕಡೆ ತಿರುಗಲು ಎರಡು ಕಾರಣಗಳು. ಮೊದಲನೆಯದು ಅವರ ಚಿಕ್ಕ ವಯಸ್ಸಿನಲ್ಲೇ ಜೆರ್ಮನ್ ವಿಜ್ಞಾನಿ ಹೆಲ್ಮ್ಹೋಲ್ಟ್ಸ್ (Scientist Helmholtz) ಅವರು ಧ್ವನಿ ವಿಜ್ಞಾನದಲ್ಲಿ (acoustics) ಮಾಡಿದ ಪ್ರಯೋಗಗಳ ಬಗ್ಗೆ ಓದಿದ್ದು. ಮತ್ತೊಂದು ಅವರ ತಂದೆ ಶ್ರೀಯುತ ಚಂದ್ರಶೇಖರ ಅಯ್ಯರ್ ಅವರು ಅತ್ಯದ್ಭುತವಾಗಿ ವಯೋಲಿನ್ ನುಡಿಸುತ್ತಿದ್ದುದು.

ನಮ್ಮ ಕಷ್ಟ ಹೇಳಿಕೊಳ್ಳುವುದಕೆ ಯಾವ ದೇವರಾದರೇನು?
ನಮ್ಮ ಹೊಟ್ಟೆ ತುಂಬಿಸುವಾತ ಯಾವ ಮತದವನಾದರೇನು?

ಅಂಗಡಿಗೆ ಬರುವ ಗಿರಾಕಿಗಳ ಜಾತಿ ಕೇಳುವವರುಂಟೇನು?
ನಮ್ಮ ಸಂಪಾದನೆಯ ಹಣಕ್ಕೆ ಯಾವುದೇ ಜಾತಿ ಉಂಟೇನು?

ಇಲ್ಲಿ ಹುಟ್ಟಿ ದೇವರು ಎನಿಸಿಕೊಂಡವರ, ಪೂಜಿಸುವವರೇ ಎಲ್ಲ,
ಆದರೆ ಅವರಾಡಿ ಹೋದ ಮಾತನಿಂದು ನೆನೆಸುವವರೇ ಇಲ್ಲ;