ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

**** ಎಲ್ಲರಿಗೂ ಸರ್ವಧಾರಿ ಸಂವತ್ಸರ ಯುಗಾದಿ ಶುಭಾಶಯಗಳು. ****

ವಸಂತ ಗೀತ
-----------

ವಸಂತ ಋತುರಾಜ
ಒಲಿದು ಬರುತಿಹನೆಂದು
ಚೆಲುವ ಚಪ್ಪರವಾಯ್ತು
ಭೂರಮೆಯ ಒಡಲು.

ಹೊಸ ಚಿಗುರ ಹಸೆಯಿಟ್ಟು
ಹೊಸ್ತಿಲಲಿ ಕಾದಿಹಳು.
ನಸುಗೆಂಪು ಹೂಬಳೆ ತೊಟ್ಟು
ಆರತಿಯ ಬೆಳಗುವಳು.

ಉಷೆಯ ಓಕುಳಿಯಲ್ಲಿ
ಎಳೆಬಿಸಿಲ ಹಣತೆ.
ಮಿಡಿಯರಳಿ ನಾಚಿದ
ಮಾವು ಹೂವಿನ ಅಕ್ಷತೆ.

ಹೊಸಯುಗದ ಹೊಸಗೀತ

ಯುಗಯುಗಾದಿ ಕಳೆದರೂ
ಮಾಸದ ಸವಿಗಂಪಿನೊಂದಿಗೆ ಹೊಸಹೊಸದಾಗಿರುವ ದ ರಾ ಬೇಂದ್ರೆಯವರ ಈ ಕವನವನ್ನು ಮರೆಯಲು ಸಾಧ್ಯವೇ ಇಲ್ಲ.
ಮರೆತವರಿಗಾಗಿ ಇಲ್ಲಿ ಮತ್ತೊಮ್ಮೆ ಹಾಕಲಾಗಿದೆ.

ಯುಗ ಯುಗಾದಿ ಕಳೆದರೂ ಯುಗಾದಿ ಮರಳಿ ಬರುತಿದೆ

ಹೊಸ ವರುಷಕೆ ಹೊಸ ಹರುಷವ ಹೊಸತು ಹೊಸತು ತರುತಿದೆ

ಯುಗಾದಿ ...

ಹೊಸ ವರುಷ...
...ತರಲಿ ಹೊಸ ಹರುಷ
ಬೇವು ಬೆಲ್ಲಗಳು...
...ಸಿಹಿ-ಕಹಿಗಳು ಸಮವಾಗಿ
ಅನುಭವಿಸುವ ಶಕ್ತಿ...
ನಿಮಗೆ ಬರಲಿ....."
......ಯುಗಾದಿ ಹಬ್ಬದ ಶುಭಾಶಯಗಳು

ಜೀವದ ಚೈತ್ರದ ಸ್ವಾಗತ ಕೋರುತ,
ಭಾವದ ಮೈತ್ರಿಯ ಮುನ್ನುಡಿ ಬರೆಯುತ,
ಬಂತೋ ಯುಗಾದಿ,
ತಂತೋ ಮನ ನೆಮ್ಮದಿ.

ಬಾಳ್ವೆಯ ಬೇವಿಗೆ ತುಂಬುತ ಒಲವು,
ನಲ್ಮೆಯ ಹೂವಿಗೆ ತೋರುತ ಗೆಲುವು,
ಬಂತೋ ಯುಗಾದಿ,
ತಂತೋ ಹೂ-ಹಾದಿ.

ಬಂಧದ ನೇಗಿಲ ಉಳುಮೆಯ ಮಾಡುತ,
ನೊಂದಿದ ಹೆಗಲ ಒಲುಮೆಯ ಬೇಡುತ,
ಬಂತೋ ಯುಗಾದಿ,
ತಂತೋ ಜೀವ ಬುನಾಧಿ.

ಪ್ರೀತಿಯ ಬೆಳಕಿಗೆ,ತೆರೆಯುತ ಕಂಗಳ,