ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 26, 2024
ಯಾರು ಇಲ್ಲಿ ಇಲ್ಲದಿರಲು
ನನ್ನ ಒಡಲ ಬೇನೆಗೆ
ಮುರುಟಿಕೊಂಡು ಮಲಗೆ ಇರಲು
ನನ್ನ ಬಾಳ ದೀವಿಗೆ
ಅತ್ತು ಕರೆದೆ ಸುತ್ತ ಹೊರಳಿ
ಬರದೆ ಇರಲು ನೊಂದೆನೆ
ಬದುಕಿನೊಳಗೆ ಜೀವ ಸೋತು
ಹಸಿವೆಯಿಂದ ಬೆಂದೆನೆ
ವೇಷ ಮರೆಸಿ ದೂರ ಸರಿದೆ
ಕೋಶದೊಳಗೆ ತಿರುಗಿದೆ
ಜಂಗಮರ ರೀತಿಯಲ್ಲೆ
ನಾಡಿನಗಲ ಸುತ್ತಿದೆ
ಒಂಟಿ ದೇಹದೊಳಗೆ ಭಂಟ
ಇರಲು ದುಡಿಮೆ ಕಂಡಿದೆ
ನನ್ನ ಮಾತು ನಡೆಯ ನುಡಿಗೆ
ಪ್ರೀತಿ ಸಿಗಲು ಬಾಳಿದೆ
ಹೆಜ್ಜೆ ಹಾಕಿ ಬಂದಳಿಂದು
ನನ್ನವಳ ಪ್ರೀತಿ ಒಸಗೆ
ಸವಿಯ ಕಂಡು ನಲಿದೆನಿಂದು
ನನ್ನವರ ಹರುಷದೊಳಗೆ
…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 25, 2024
ನಾನು ಏನು ಎನ್ನುವುದ ಅವನು ತಿಳಿಸಲೇ ಇಲ್ಲ
ಗೊತ್ತಿದ್ದರೂ ದ್ವೇಷವ ಎಂದಿಗೂ ಥಳಿಸಲೇ ಇಲ್ಲ
ಒಳ್ಳೆಯ ಚಿಂತಕ ಆದರೂ ಕಲ್ಲಿನಿಂದ ಹೊಡೆದರೇಕೆ
ವಜ್ರ ವೈಡೂರ್ಯದ ಮಾಲೆಯನ್ನು ಧರಿಸಲೇ ಇಲ್ಲ
ಒಲುಮೆಯ ಬಲವು ಕೆಲವೊಮ್ಮೆ ಹಳ್ಳ ಹಿಡಿಸುತ್ತದೆ
ಹುಟ್ಟು ಸಾವಿನ ನಡುವೆ ಪಾಪಗಳನು ಗುಡಿಸಲೇ ಇಲ್ಲ
ಪ್ರಕೃತಿ ಸಾಯಬಾರದು ಎಂದಾದರೆ ಹೋರಾಡಲೇ ಬೇಕು
ಮತಿಗಳ ಜೊತೆಗೆ ಸಾಗಬೇಕು ಎಂದರೂ ಸೇರಿಸಲೇ ಇಲ್ಲ
ಬೆಲೆಯ ಕಳಕೊಂಡವರ ಕೈಹಿಡಿದು ನಡೆವೆ ಏಕೋ ಈಶಾ
ಸಾಧಿಸಬೇಕೆಂದು ಹೊರಟರೂ ನೀನೆಂದೂ ಗಳಿಸಲೇ ಇಲ್ಲ
-ಹಾ ಮ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 24, 2024
ಏರಿಕೆ...
ಸಿಹಿ ಸುದ್ಧಿ-
ಕರ್ನಾಟಕ
ರಾಜ್ಯದಲ್ಲಿ
ಹೆಣ್ಮಕ್ಕಳ
ಸಂಖ್ಯೆ
ಏರಿಕೆ...
ಮತ್ತೆ-
ಗಂಡ್ಮಕ್ಕಳ
'ವಧು ಅನ್ವೇಷಣೆ'
ಪ್ರಕ್ರಿಯೆ
ಇನ್ನು ಮುಂದೆ
ಚುರುಕೇ...?
***
ಸಕ್ಕರೆಯ ನಾಡಿನ ಅಕ್ಕರೆಯ ಸಂಭ್ರಮ....
ಸಕ್ಕರೆಯ
ನಾಡಿನಲಿಂದು-
ಕನ್ನಡ
ಸಂಭ್ರಮದ
ಒಡ್ಡೋಲಗವ
ನೋಡುವ ಬಾರಾ...
ಕನ್ನಡದ ಮಕ್ಕಳು
ನಾವೆಲ್ಲ ಸೇರಿ
ಎಳೆಯೋಣ-
ಅಕ್ಕರೆಯ
ಕನ್ನಡಮ್ಮನ
ಸಂಭ್ರಮದ ತೇರಾ!
***
ಕನ್ನಡಮ್ಮನ ದೇವಾಲಯ
ಬಾಡೂಟ-
ನಿಜಕ್ಕೂ
ಆರೋಗ್ಯಪೂರ್ಣ;
ಇದು ಊಟದ ಸಂಸ್ಕೃತಿ
ಇರಬಹುದು
ಪ್ರಗತಿಪರರೇ...
ಸಾಹಿತ್ಯ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 23, 2024
ನೀನೆ ರಾಧೆಯು ನಾನೆ ಮೋಹನ
ಸನಿಹ ನಿಂತರೆ ಮಧುವನ
ಒಲವ ಚುಂಬನ ಸುತ್ತಲೆಲ್ಲವು
ಬಯಕೆ ತೋಟದಿ ಹೂಮನ
ನೂರು ತಾರೆಯು ಚಂದ್ರ ಬೆಳಕಲಿ
ನಾಚಿ ದೂರಕೆ ನಿಲ್ಲಲು
ಬರಲು ಹತ್ತಿರ ಮೋಹ ಸುತ್ತಲು
ಕೈಯ ಹಿಡಿಯುತ ಸಾಗಲು
ಮೈಯ ವರ್ಣಕೆ ತುಂಬು ಯೌವನ
ಬಳುಕಿ ನಿಲ್ಲುತ ಅಪ್ಪಲು
ಮದನ ಬೆಸುಗೆಗೆ ರತಿಯ ರೀತಿಯೆ
ಮಧುವ ಚೆಲ್ಲುತ ರಮಿಸಲು
ಜಲದ ಹೊಳಪಿಗೆ ನಿನ್ನ ಕಂಗಳು
ನನ್ನ ನೋಡುತ ನಗುತಿವೆ
ರಾತ್ರೆಯಾಗುತ ತಂಪ ಚೆಲ್ಲಿದೆ
ಸುಖದ ಮತ್ತಲಿ ತೇಲಿವೆ
ಪ್ರೀತಿ ಆಸರೆ ಹೀಗೆ ಸಿಗುತಿರೆ
ಸವಿಯು ಏಳಿಗೆ ಕಾಣಲಿ
ಬಾಳ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 22, 2024
ಲೋಕದ ಜನ
ಡೊಂಕೆನ್ನದಿರಿ
ನಮಗೆ ನಾವೇ
ಡೊಂಕು ಬಾಳಲಿ !
***
ಕೊಡು ಬೆಳಕ
ಕರ್ಪೂರದಂತೆ,ಈಶಾ
ಜಗದೊಳಗೆ !
***
ಕಾಮ ಜ್ವರಕೆ
ಮದ್ದಿಲ್ಲವೊ ನೀ ತಿಳಿ
ಸಂನ್ಯಾಸಿಯಾಗೊ !
***
ಬಡ ಕವಿಯು
ಸಿರಿವಂತ ಕವಿಯ
ಗುಲಾಮನಯ್ಯಾ !
***
ಕವಿಗಳಲ್ಲೂ
ಎರಡು ವಿಧವಯ್ಯಾ
ಜಾತಿ ವಿಜಾತಿ !
***
ಕಪ್ಪೆಗಳಂತೆ
ವಟಗುಟ್ಟುತ್ತಲಿರೇ
ಕವಿಪುಂಗವ !
***
ಮಣ್ಣಿನಡಿಯೆ
ಬೆಳ್ಳಿ ಬಂಗಾರ ಸಿಗೆ
ನಮಗೆ ಹೊಗೆ !
***
ಗಝಲ್
ನಾದವಿರದ ಕೊಳಲಿಂದ ಏನು ಪ್ರಯೋಜನ
ಪ್ರೀತಿಯಿರದ ಸವಿಯಿಂದ ಏನು ಪ್ರಯೋಜನ
ಕಚ್ಛೆಯನ್ನು ಕಟ್ಟಿದರೂ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 21, 2024
ಬಾಳಿನ ನೆಮ್ಮದಿ ದೂರದಿ ನಿಂತಿದೆ
ಕಾಣದೆ ಹೋಗಿದೆ ಹುರುಪೆ
ಜೀವನ ಪಯಣದಿ ಗೆಲುವದು ಇಲ್ಲದೆ
ಸೋಲುತ ಸಾಗಿದೆ ಬದುಕೆ
ಮಾತಿನ ಚಕಮಕಿ ಮನೆಯೊಳು ತುಂಬುತ
ಮನದಲಿ ಶಾಂತಿಯು ಸವೆಯೆ
ಕರುಣೆಯ ಹೊಸಿಲದು ಸಿಡುಕಲಿ ಹೊತ್ತುತ
ಹೃದಯದ ಒಲವದು ಕರಗೆ
ಕೈಯನು ಹಿಡಿದಿಹ ತಪ್ಪಿಗೆ ಮರುಗುತ
ನೆಮ್ಮದಿ ಹೋಗುತ ಮಲಗೆ
ಸ್ನೇಹದ ಪಲ್ಲವಿ ಮೌನಕೆ ಜಾರುತ
ಚಾಡಿಯು ಬೆನ್ನಿಗೆ ಬಡಿಯೆ
ಹೊಂದಿಕೆ ಮುರುಟುತ ಸಂಶಯ ಮೂಡಲು
ಹಿಂಬದಿ ಬಾಗಿಲು ತೆರೆಯೆ
ನವಿರಿನ ಭಾವನೆ ಸುಡುತಲಿ ಸಾಗಲು
ಮುಂದಿನ ಜನುಮಕೆ ನಡೆದೆ
-ಹಾ ಮ ಸತೀಶ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 20, 2024
ಭತ್ತದ ಗದ್ದೇಲಿ ತೆನೆ ತುಂಬಿ ತೂಗ್ಯಾವೋ
ನನ್ನ ಎದೆಯೊಲದಾಗ ನೀ ತುಂಬಿ ॥ ನನ ಗೆಳೆಯಾ
ಒಲವು ಹಣ್ಣಾಗಿ ಮಾಗೈತೆ ॥
ಕೈ ಮೇಲಿನ ಹಚ್ಚೇಲಿ ಹೆಸರಾಗಿ ಉಳಿದೋನೆ
ಬೆಚ್ಚಗೆ ಮನದೊಳಗೆ ಉಳಿಬಾರೋ ॥ ನನ ಗೆಳೆಯಾ
ಇಚ್ಚೆಯ ಪೂರೈಸು ಬಾರಯ್ಯ ॥
ದೇವರ ಗುಡಿಯಲ್ಲಿ ಕರ್ಪೂರ ಘಮಲಂತೆ
ನನ್ನೊಡಲ ಗುಡಿಯಲ್ಲಿ ನೀ ಘಮಲು ॥ ನನ ಗೆಳೆಯಾ
ಗಂಧದ ಕೊರಡೇನೋ ನಿನ್ನ ಪ್ರೀತಿ ॥
ಬಳ್ಳಿಯ ಹೂವೆಲ್ಲ ವಾಲಾಡಿ ಬಿರಿದಾವೋ
ಚೆಲುವು ಮೈತುಂಬಿ ನಿಂತಾವೋ ॥ ನನ ಗೆಳೆಯಾ
ಮಲ್ಲಿಗೆ ಮಾಲೆಯ ಮುಡಿಸಯ್ಯ ॥
ಹಟ್ಟಿಯ ಮುಂದೆ ಹಸಿರು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 19, 2024
ಹಣದ ಬಿಡ್ಡಿಂಗ್!
ಆಮ್ ಆದ್ಮಿ
ಪಕ್ಷದಿಂದ
ದಿಲ್ಲಿ
ಮಹಿಳೆಯರಿಗೆ-
ಮಾಸಿಕ
ಎರಡು ಸಾವಿರದ..ನೂರು...
ಬಂಪರ್
ಮಹಿಳೆಯರೇ ಬಂಪರ್-
ರಾಜಕೀಯ ಹಣದ
ಬಿಡ್ಡಿಂಗ್ನಲಿ ನೀವೆಲ್ಲಾ
ಹತ್ತಬಹುದು
ಕನಸಿನ ತೇರು!
***
2050ರಲ್ಲಿ....
ಫ್ಲೈಯಿಂಗ್
ಪಾರ್ಟಿ
ಸರ್ಕಾರದಿಂದ-
ಹೆಣ್ಣು ಮಕ್ಕಳಿಗೆ
ವಿಮಾನ ಪ್ರಯಾಣ
ಫ್ರೀ.. ಫ್ರೀ.. ಫ್ರೀ....
ಬ್ರೆಕಿಂಗ್ ನ್ಯೂಸ್-
ಹೆಣ್ಣು ಮಕ್ಕಳೇ ಇಲ್ಲದ
ಕರ್ನಾಟಕ!
ಅವರನು ಹುಡುಕಲು
ಫ್ಲೈಟ್ ಹತ್ತಿದ ಗಂಡಸರು-
ಥ್ರಿಲ್.. ಥ್ರಿಲ್.. ಥ್ರಿಲ್!!
***
ಥಿಯರಿ ಮತ್ತು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 18, 2024
ಗಝಲ್ ೧
ಮಧು ಭಾವವೇ ಕೊಚ್ಚಿತೆ ಗೆಳತಿ
ಮನದ ಕಾಮವೇ ಚಚ್ಚಿತೆ ಗೆಳತಿ
ಮೌನ ಇಲ್ಲದೆ ಚಿಂತೆಯು ಇಹುದೆ
ಕಾಣದ ಕನಸಿಂದು ಚುಚ್ಚಿತೆ ಗೆಳತಿ
ಪ್ರೀತಿಯ ಮೈಯಿಗೆ ಬೀಗವು ಬಿದ್ದಿತು
ಪಾಠದಾಚೆ ಪ್ರೇಮವೇ ಬೆಚ್ಚಿತೆ ಗೆಳತಿ
ಬೆಳ್ಳನೆ ಹೊಳಪು ಬಾನೊಳು ಎಲ್ಲಿದೆ
ಚಂದ್ರನ ಮೋಡವೇ ಮುಚ್ಚಿತೆ ಗೆಳತಿ
ಸನಿಹಕು ಬಾರದೇ ಹೋದನೆ ಈಶಾ
ತನುವಿನ ಮೋಹವೂ ಕಚ್ಚಿತೆ ಗೆಳತಿ
***
ಗಝಲ್೨
ಒಳಗೊಂದು ಧ್ವನಿಯು ಉಸಿರಾಡುತಲೇ ಕೂಗುತಿದೆ ಜಾತಿ
ಇದ್ದವರ ಹೃದಯವು ರಕ್ತದ ಜೊತೆಗಿಂದು ಅರಚುತಿದೆ ಜಾತಿ
ಸರಕಾರಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 17, 2024
ರೂಪ ಒಪ್ಪಲು
ತಾಳ ತಪ್ಪಿತು
ಸೂರ್ಯ ರಶ್ಮಿಯು ಮುಳುಗಲು
ಹೆಣ್ಣು ಮಾಯೆಯೊ
ಮಾಯೆ ಹೆಣ್ಣದೋ
ನನಸ ಉಣ್ಣುತ ಮಲಗಲು
ಬಾನ ಸೆರಗಿಗೆ
ಚಂದ್ರ ಬಂದನು
ಮೋಹವುಣ್ಣುತ ನಲಿದನು
ತಾರೆ ಜಾರುತ
ತಂಪು ಏರುತ
ಮೈಯ ಮದವದ ಉಂಡನು
ಬೆಂಕಿ ಜ್ವಾಲೆಗೆ
ತುಪ್ಪ ಹೊಯ್ಯುತ
ಮತ್ತೆ ಹುರುಪನು ಕೊಟ್ಟನು
ಬಯಲಿನೊಳಗಡೆ
ಯಾರು ಇಲ್ಲವು
ಚೆಲುವನೆಲ್ಲವ ಸವಿದನು
ಸಾಗುತಿರಲದು
ಪ್ರೀತಿ ಕ್ಷಣಗಳು
ಸೂರ್ಯ ಪೂರ್ವದಿ ಬಂದನು
ಪ್ರಖರ ಕಾಂತಿಯ
ಬಿಡುತ ಸಾಗಲು
ಚಂದ್ರ ದೂರಕೆ ಸರಿದನು
ಹೊತ್ತು ಮೂಡಲು
ಮುಗುದೆಯೆದ್ದಳು
ಹುಸಿಯ ನಗುವಲಿ…