ಮುಂದಿನ ಪಯಣ

ಬಾಳಿನ ನೆಮ್ಮದಿ ದೂರದಿ ನಿಂತಿದೆ

ಕಾಣದೆ ಹೋಗಿದೆ ಹುರುಪೆ

ಜೀವನ ಪಯಣದಿ ಗೆಲುವದು ಇಲ್ಲದೆ

ಸೋಲುತ ಸಾಗಿದೆ ಬದುಕೆ

ಮಾತಿನ ಚಕಮಕಿ ಮನೆಯೊಳು ತುಂಬುತ

ಮನದಲಿ ಶಾಂತಿಯು ಸವೆಯೆ

ಕರುಣೆಯ ಹೊಸಿಲದು ಸಿಡುಕಲಿ ಹೊತ್ತುತ

ಹೃದಯದ ಒಲವದು ಕರಗೆ

ಕೈಯನು ಹಿಡಿದಿಹ ತಪ್ಪಿಗೆ ಮರುಗುತ

ನೆಮ್ಮದಿ ಹೋಗುತ ಮಲಗೆ

ಸ್ನೇಹದ ಪಲ್ಲವಿ ಮೌನಕೆ ಜಾರುತ

ಚಾಡಿಯು ಬೆನ್ನಿಗೆ ಬಡಿಯೆ

ಹೊಂದಿಕೆ ಮುರುಟುತ ಸಂಶಯ ಮೂಡಲು

ಹಿಂಬದಿ ಬಾಗಿಲು ತೆರೆಯೆ

ನವಿರಿನ ಭಾವನೆ ಸುಡುತಲಿ ಸಾಗಲು

ಮುಂದಿನ ಜನುಮಕೆ ನಡೆದೆ

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ