ಗುರಿಗಿಂತ ದಾರಿಯೇ ಮುಖ್ಯ ಎಂಬಂತೆ ಶಿಕ್ಷಣಕ್ಕೆ ಮಾಧ್ಯಮವೇ ಮುಖ್ಯವಾಗುತ್ತದೆ.
ಬದುಕಿಗೆ ಪ್ರಸ್ತುತವಲ್ಲದ ಶಿಕ್ಷಣ ನಮ್ಮದೆಂಬುದು ಬಹುಹಿಂದಿನಿಂದಲೂ ತಿಳಿದಿರುವ ಸಂಗತಿಯೆ. ಅದಕ್ಕೆ ನಮ್ಮ ಶಿಕ್ಷಣ ತಜ್ಞರು ತೀವ್ರವಾಗಿ ಚಿಂತಿಸಬೇಕಿದೆಯಷ್ಟೇ..
ಆದರೆ, ಒಂದನೇ ತರಗತಿಯಿಂದ ಕಾನ್ವೆಂಟ್ ನಲ್ಲಿ ಶಿಕ್ಷಣ ಪಡೆದವರೆಲ್ಲರೂ ಇಂಗ್ಷೀಷ್ ತಜ್ಞರಾಗಲಾರರು. ಅದೇ ಒಂದನೇ ತರಗತಿಯಿಂದ ಕನ್ನಡ ಮಾಧ್ಯಮದಲ್ಲೇ ಓದಿ ಆನಂತರ, ಒಂದು ಹಂತದಲ್ಲಿ ಇಂಗ್ಸೀಷ್ ತಜ್ಞರಾದವರೂ ಇದ್ದಾರೆ.
ಈಗ ಪ್ರಸ್ತುತದಲ್ಲಿರುವುದೇನೆಂದರೆ, ಇಂಗ್ಷೀಷ್ ಭಾಷೆಯನ್ನು ಒಂದನೇ ತರಗತಿಯಿಂದಲೇ ಪರಿಚಯಿಸುವುದಷ್ಟೇ ಆದರೆ ಬೇಡವೇಕೆ ಎಂಬುದು. ಇಂದಿನ ಮಕ್ಕಳು ತುಂಬಾ ಚುರುಕು. ಅವರಿಗೆ ಎಲ್ಲವನ್ನೂ ತಿಳಿಯುವ ಕಲಿಯುವ ಕುತೂಹಲ ಚಿಕ್ಚಂದಿನಲ್ಲಂತೂ ಬಹಳ. ಅವರ ಪರಿಸರದಲ್ಲಿಯೆ ಇಂಗ್ಲೀಷ್ ಪದಗಳನ್ನು ನಿತ್ಯ ಬಳಸುವವರನ್ನು ನೋಡಿ ಹಾಗೆಂದರೇನು? ಹೀಗೆಂದರೇನು? ಎಂಬುದಾಗಿ ಕೇಳುವುದಕ್ಕಿಂತ ಒಂದನೇ ತರಗತಿಯಿಂದಲೇ ಅದು ಆರಂಭವಾದರೆ ತಪ್ಪೇನಿಲ್ಲ ಅಲ್ಲವೇ...? ಪ್ರತಿಭಾವಂತ ಮಕ್ಕಳು ಚಿಕ್ಕಂದಿನಿಂದಲೇ ತಮ್ಮ ಬುದ್ಧಿ ಮತ್ತೆಯನ್ನು ಹೆಮ್ಮೆಯಿಂದ ಮೆರೆಯುವಂತಾಗುತ್ತದೆ.
ನಮ್ಮ ಮಕ್ಕಳು ಭವಿಷ್ಯದಲ್ಲಿ ಮುಂದೆ ತಜ್ಞರಾಗುವುದು ಅಥವಾ ಸರ್ವಜ್ಞರಾಗುವುದನ್ನು ಆದಿಯಿಂದಲೇ ಯಾವ ಮಾಧ್ಯಮದಲ್ಲೂ ನಿರ್ಧರಿಸಲು ಸಾಧ್ಯವಿಲ್ಲವಲ್ಲ.. ಯಾರು ಯಾವ ವಯಸ್ಸಿನಲ್ಲಿ ಯಾವ ಹಂತದಲ್ಲಿ ಏನಾಗುತ್ತಾರೆ ಯಾರು ಬಲ್ಲರು...?
-ಎಚ್.ಶಿವರಾಂ