ಕವನಗಳು

ಹನಿ ಹನಿಯ ನೀರು ಸುತ್ತೆಲ್ಲ ಹರಿದು ನದಿಯಾಗಿ ಜೀವ ತಳೆಯೆ ಜಲ ಜಲದ ರೂಪ ಮಣ್ಣಿನಲಿ ಬೆರೆತು ಮುದದಿಂದ ಮುಂದೆ ಸಾಗೆ   ನೀರಾಟವಾಡಿ ಜಲಚರಕೆ ಖುಷಿಯು ಇಳೆಗೀಗ ಹಸಿರೆ ಉಸಿರು ಹೊಲದಲ್ಲಿ ಬೆಳೆಯು ನಳನಳಿಸುತಿರಲು ವರುಣನಿಗೆ ಮತ್ತೆ ಗೆಲುವು   ಹೊಂಗನಸು ತೇಲಿ ರೈತನಿಗೆ ತಾಗೆ ಹರುಹರುಷ ಮನಸಿನೊಳಗೆ ಕನಸೆಲ್ಲ ಕರಗಿ ನನಸೊಳಗೆ ಬರಲು ಮನೆಯೊಳಗೆ ಪ್ರೀತಿ ತೊಡುಗೆ   ಬಂತದೋ ಮಳೆಯು ವೈಯಾರದೊಳಗೆ ಸುತ್ತೆಲ್ಲ ಮಿಂಚು ಸಿಡಿಲೆ ಆಗಸದ ತುಂಬ ಹೊಂಗಿರಣದುಡುಗೆ ಪ್ರಕೃತಿಯೊಳು ಸವಿಯ ಸಂಜೆ *** ಸಾಹಿತ್ಯವು ಬೆಳಗಲಿ…

ಪ್ರಕೃತಿಯ ಮಡಿಲಲಿ ಬೆಳೆದಿಹ ಮರವದು ಇಂದಿಗೆ ಕೇವಲ ನೆನಪಿನಲಿ ಮನುಜನ ಕ್ರೌರ್ಯದ ಕೊಡಲಿಯ ದಾಳಿಗೆ ಬೆಳೆದಿಹ ವೃಕ್ಷವು ಧರೆಗುರುಳಿ   ಉಳಿದಿಹ ಕಾಂಡವ ಬಿಸಿಲಿನ ತಾಪವು ಇರಿಸಿದೆ ನಡುವಲಿ ಅದಸೀಳಿ ಯಾವುದೊ ಸಸ್ಯದ ಬಲಿತಿಹ ಬೀಜವ ತಂದಿದೆ ಬೀಸಿದ ತಂಗಾಳಿ   ಸೀಳಲಿ ಉಳಿದಿಹ ಬೀಜವ ನೆನೆಸಿತು ಮೇಘವು ಮಳೆಯನು ತಾ ಸುರಿಸಿ ಇದ್ದೆಡೆಯಲ್ಲಿಯೆ ಮೊಳಕೆಯನೊಡೆಯಿತು ಚಂದದಿ ನಗುತಿದೆ ಅದು ಚಿಗುರಿ   ಜೀವವ ಕಳೆದಿಹ ವೃಕ್ಷವು ಕಾಂಡವ ದಾನವ ಮಾಡಿತೆ ತ್ಯಾಗಮಯಿ? ಮಾನವಗಿತ್ತಿದೆ ಮಾದರಿ ಪಾಠವ ಸಾರ್ಥಕ ಬದುಕಿನ…

ಯಾರೂ ಕು-ಕವಿಗಳು ನಾಡಿನಲಿಲ್ಲ  ಬರೆದವನಿಗೆ ತಲೆ ಸರಿ ಇಲ್ಲ ! *** ಕಣ್ಣ ಸನ್ನೆಗೆ ಬಂದಳು ಬಾಹು ಬಂಧನಕೆ ಸಿಕ್ಕಳು ತಾಳಿ ಹಿಡಿದು ನಿಂತಳು ನೋಡುವುದೇನು ಈಗ ಅವಳ ಸುತ್ತಲೂ ಮಕ್ಕಳು ! *** ಜೀವನದ ದಾರಿಯಲಿ ಹಲವಾರು ತೊಂದರೆಯು ಪಾತಾಳ ಸೇರಿದರೂ ಬಿಡದಾದ ಚಂದಿರೆಯು ಹರಿದಿರುವ ಮನಸ್ಸಿನ ಹಿಂದೆಯೇ ಬರುವಳು ಬೇಡವೆಂದರೂ ನನ್ನನ್ನೇ ನೋಡುತಲೆ ತಬ್ಬುವಳು *** ನನ್ನ ಮನೆಯಂಗಳದ ರಾಣಿ ಬಲ್ಲವರಿಗೆ ಗೊತ್ತು ಅವಳ ವಾಣಿ ರಾತ್ರಿಯಾದರೆ ಬೊಬ್ಬೆ ಹಗಲಲ್ಲಿ ಬರಿ ನಿದ್ದೆ ಉಳಿದವರಿಗೆ ದಿನ ದಿನವು ಜಾಗರಣಿ ***…

ಬಿಸಿಲಿನ ಬೇಗೆಗೆ ಬಸವಳಿದೀಜಗ ಕಸಿವಿಸಿಗೊಳ್ಳುತ ಕುಳಿತಿರಲು ನಸುಕಲಿ ಬಿರಿದಿಹ ಕುಸುಮವು ಮುದುಡಿದೆ ವಸುಧೆಯು ದಾಹದೆ ನೊಂದಿರಲು   ಮುತ್ತಿದ ಬೇಸಿಗೆ ಕುತ್ತನು ತಂದಿದೆ ಕತ್ತಲಿನಲ್ಲಿದೆ ಧರೆ ಜೀವಿ ಶಿಸ್ತನು ಕಾಯದೆ ಹೊತ್ತಿಗೆ ಸುರಿಯದೆ ಬತ್ತಿದೆ ಸುತ್ತಲ ಕೆರೆ ಬಾವಿ   ಹಕ್ಕಿಯು ಕುಳಿತಿದೆ ಕೊಕ್ಕನು ತೆರೆದಿದೆ ರೆಕ್ಕೆಯು ಸೋತಿದೆ ದಾಹದಲಿ ದಕ್ಕಿದ ಕಾಳನು ಮುಕ್ಕಲಿಕಾಗದು ದಕ್ಕದೆ ಜಲಹನಿ ಸನಿಹದಲಿ   ಜಗದಲಿ ಜೀವಿಯ ಮುಗಿಯದ ನೋವಿಗೆ ಸಿಗುವುದೆ ಶೀಘ್ರದೆ ಪರಿಹಾರ? ಮುಗಿಲಿದು ಬಂದಿತು ಗಗನದ…

ನಮ್ಮ ಅವ್ವನ ರಟ್ಟಿ  ರೊಟ್ಟಿ ಬಡಿಯಾಕ ಗಟ್ಟಿ ಜ್ವಾಳ ಹಸನಮಾಡಿ ಇಟ್ಟಿ ತೊಗೊಂಡು ಗಿರಣಿಗೆ  ಹೊಂಟಿ    ಒಲೆಮ್ಯಾಲೆ ಹೆಂಚು ಇಟ್ಟಿ ಅದರೊಳಗೆ ನೀರು ಹಾಕಿ ಇಟ್ಟೆ ಒಲೆಯಲ್ಲಿ ಕಟ್ಟಿಗೆ ಇಟ್ಟೆ ಹಿಟ್ಟು ಕೊನಂಗಿಯಲ್ಲಿ ಹಾಕಿ ಇಟ್ಟೆ   ರೊಟ್ಟಿ ಬಡಿಯ್ಯಾಕ ಕುಂತಿ ಕೊನಂಬಿಗಿಯೊಳಗೆ ಡೋಣಿ ಮಾಡಿ  ಹಿಟ್ಟಲಿ ನೀರು ತಿರುಗಿಸಿ ತಿರುಗಿಸಿ  ಹಿಟ್ಟಿಗೆ ಜಿಗುಟು ಹಾಕಿ ಬಿಟ್ಟೆ ಅವ್ವ    ಹದಕ್ಕೆ ಕಲಸಿಕೊಂಡು ಬಿಟ್ಟು ಅದನ್ನು ಕೈಯಿಂದ ಮಿಜ್ಜಿ ಮಿಜ್ಜಿ ಹದಕ್ಕೆ ಹಿಟ್ಟು ಮಾಡಿ ಕೊಂಡೆವ್ವ ಸರಿಯಾಗಿ ಹಿಟ್ಟು…

ದುಡಿಮೆಯಲಿ ನಾ ಸಾಗಿ ಗಡಿಬಿಡಿಯ ಬಾಳಲ್ಲಿ ಬಿಡುವನ್ನು ಬಯಸಿ ಮನ ರೋಸಿ ಹೋಗಿ ಕಡಲತ್ತ ಸೆಳೆದಿರಲು ದಡದಲ್ಲಿ ನಡೆದಿರಲು ತಡೆಯೊಡ್ಡಿ ಕರೆದಿತ್ತು ನನ್ನ ಕೂಗಿ   ನಡುವಿನಲಿ ಕರವಿಟ್ಟು ಬೆಡಗಿನಲಿ ಕುಳಿತಿರುವ ಹುಡುಗಿಯನು ನಾ ಕಂಡೆ ದಂಡೆಯಲ್ಲಿ ಕಡು ನೀಲಿ ಪೋಷಾಕು ಮುಡಿಯಲ್ಲಿ ಹೂವಿಟ್ಟು ಚಡಪಡಿಕೆ ಇಣುಕಿತ್ತು ಮೋರೆಯಲ್ಲಿ   ನಿಡುಸುಯ್ದು ಉಸಿರಲ್ಲಿ ನಡುಗುತಿಹ ಧ್ವನಿಯಲ್ಲಿ ನುಡಿದಿಹಳು ವೃತ್ತಾಂತ ಅಳೆದು ತೂಗಿ ಬಡತನದ ಬಾಳಲ್ಲಿ ಕಡೆಗಣಿಪ ಜನರೊಡನೆ ಹೊಡೆದಾಡಿ ಬಂದಿಹಳು ಸೋತುಹೋಗಿ   ಮಿಡಿಯುತಿಹ…

ಕಿಟಕಿಗಳಿಂದಾಚೆ ಕಣ್ಣೋಟ ಭಾವ ಹೇಳತೀರದು...! ಕಿವಿಗೆ ಅಪ್ಪಳಿಸುತ್ತಿದೆ ಸಂಭಾಷಣೆಯ ಅಲೆ....   ಎಷ್ಟೊಂದು ಚಂದ,ಸುಂದರ ಆಹಾ.... ಹೇಳತೀರದು ಆ ಸೆಳೆತ... ಬೆಂಡಾಗಿ ಮಾಗಿದ  ಚಿತ್ರ.. ನೋಟದಲ್ಲೇ ಮರುಳು..   ಆ ಹುಡುಗನಿಗೆ ಗೊತ್ತಾಗುವುದಾದ್ರೂ ಹೇಗೆ...! ಮಾತಿನ ಭರದಲ್ಲಿ ಹೇಳಿದ್ದಾಯಿತು ಎಲ್ಲಾ...! ಆ ಕಡೆಯಿಂದ ನಿಶಬ್ದ ಛೇ.... ಏನಪ್ಪಾ ಹೀಗಾಯ್ತು...!!   ವಾಸ್ತವದಲ್ಲಿ ಶೂನ್ಯ... ಉದರದ ಪೋಷಣೆಯಲ್ಲಿ! ದೃಷ್ಟಿಯಿಂದ ಇಬ್ಬರೂ ಬಹುದೂರ... ಕಣ್ಣಿಲ್ಲದ ಊರಲ್ಲಿ ಕನ್ನಡಿಯ ಮಾರಿದಂತೆ...!   ಅದೇ…

ರಂಗ ನಿನ್ನ ಸಂಗದಿಂದ ರಾಧೆ ಬಾಳು ಪಾವನ ದೇವ ನಿನ್ನ ನಾಮ ಸ್ಮರಣೆ ಎಂಥ ಸೊಗಸು ಜೀವನ   ಮರಳುಗಾಡಿನಲ್ಲಿ ನಡೆಯೆ ದಾಹ ಎನಿಸಲಾರದು ದಟ್ಟ ಅಡವಿ ನಡುವೆ ಸಿಲುಕೆ ಭಯವು ಇನಿತು ಕಾಡದು   ಭೂಮಿಯಲ್ಲಿ ನನ್ನ ಬಾಳು ನೀನು ಇತ್ತ ಬಳುವಳಿ ನಿನ್ನ ಕೂಡಿ ಸುಖವ ಪಡೆವೆ ಆಡಿ ರಂಗಿನೋಕುಳಿ   ಕರುಣೆ ಕಿರಣ ಹರಿಸು ಹರಿಯೆ ಪೊರೆಯೊ ಭಕ್ತ ಬಾಂಧವ ನಿತ್ಯ ನಿನ್ನ ಸ್ಮರಣೆ ಗೈವೆ ಕಾಯೊ ದೇವ ಮಾಧವ||   -ಪೆರ್ಮುಖ ಸುಬ್ರಹ್ಮಣ್ಯ ಭಟ್  ಚಿತ್ರ ಕೃಪೆ: ಇಂಟರ್ನೆಟ್ ತಾಣ

ಸ್ಮಾರಕ  ಈ ಮನುಜ- ಇರುವಾಗ ಬದ್ಧತೆ ಹೋರಾಟ ತರ್ಕಗಳ ತಾರಕ...   ಅವನು  ಅಳಿದ ಮೇಲೆಯೇ- ಅವನಿಗೊಂದು ಮೌನದ ಸ್ಮಾರಕ! *** ಕೆರೆಯ ನೀರನು.... ಜಯಲಲಿತಾ ಆಭರಣ ಪಡೆಯಲು ತಮಿಳುನಾಡು ಸರ್ಕಾರ ಸೂಚನೆಯ ನೋಡಿರೋ...   ಕೆರೆಯ ನೀರನು ಕೆರೆಗೆ ಚೆಲ್ಲಿ ವರವ ಪಡೆದ ರಾಜಕಾರಣಿಗಳಿವರು ಕಾಣಿರೊ! *** ಮಾನವೀಯತೆ  ಕಾನೂನಿನಂತೆ ನಡೆಯುತ್ತೇನೆ ಎಂದು ಎದೆಯುಬ್ಬಿಸಿ ಹೋಗದಿರಿ ಕೈಕೊಟ್ಟುಬಿಡುತ್ತೆ...   ಮಾನವೀಯತೆಯ ನೆಲೆಗಟ್ಟಿನ ಮೇಲೇ ನಡೆದುಬಿಡಿ- ಇತಿಹಾಸ ನೆನಪಿಟ್ಟುಕೊಳ್ಳುತ್ತೆ! *** ಲೂಟೀ-ಪಲ್ಟೀ  ಎಲ್ಲ…

ಕರಿಮಣಿಯ ಮಾಲಿಕನು ನೀನಲ್ಲ ಎನ್ನದಿರು ಇರಬಹುದು ನಮ್ಮೊಳಗೆ ಕಲಹ ನೂರು ಪ್ರೇಮದಲಿ ಕಲಹಗಳು ಅತಿ ಸಹಜ ಎನ್ನುವರು ಸಂಯಮವು ಬೇಕೀಗ ಒಂದು ಚೂರು   ಸಂಸಾರ ಎಂದಾಗ ಮಾತೊಂದು ಬರಬಹುದು ಅದನೊಂದು ವಿಪರೀತ ಎಣಿಸಬಹುದೆ? ಅನುರಾಗ ತುಂಬಿರಲು ಒಂದಿಷ್ಟು ಜೊತೆಯಲ್ಲಿ ಕಳೆದಾಗ ಮುನಿಸೆಲ್ಲ ಮರೆಯದಿಹುದೆ   ನಿನಗಾಗಿ ನಾನೆಂದು ನನಗಾಗಿ ನೀನೆಂದು ನೀನುಡಿದ ಮಾತುಗಳು ಮರೆತು ಹೋಯ್ತೆ ಸತಿ ಪತಿಯ ಬಂಧವದು ಬೆಸೆಯುವುದು ಸಗ್ಗದಲಿ ಒಂದಾಗಿ ಬರೆಯೋಣ ಬಾಳ ಕವಿತೆ||   -ಪೆರ್ಮುಖ ಸುಬ್ರಹ್ಮಣ್ಯ ಭಟ್  ಚಿತ್ರ ಕೃಪೆ:…