ಶುಭಾಶಯ:
ಬರಹ
ಶುಭಾಶಯ:-
ನನ್ನೆದೆಯ ಪದಪುಂಜವೇ ಏಕೆ ನೀ ಅಡಗಿರುವೆ?
ಸಲಿಲ ಕ್ಷೀರ ಧುಮ್ಮಿಕ್ಕಲು ಒಡನೆ ಅದನು ಚಿತ್ರಿಸಿದೆ,
ಹೃದಯದೊಲವು ಭೋರ್ಗರೆಯುತೆ ಹೊರಹೊಮ್ಮಲು ತಡವೇಕೆ?
ಓ ನನ್ನೆದೆಯ ಪದಪುಂಜವೇ
ಹೊಸಕಾಂತಿ ತುಂಬಿ ಕಂಗೊಳಿಸಿದೆ ಹೂಬಳ್ಳಿ.
ಮಂದಸ್ಮಿತವು ಮನೆಮಾಡಿದೆ ಮನದಲ್ಲಿ
ನನ್ನೆದೆಯ ಪದಪುಂಜವೇ ಏಕೆ ನೀ ಅಡಗಿರುವೆ?
ಆಕಾಂತಿಯ ವರ್ಣಿಸಲು ಆ ಬಳ್ಳಿಗೆ ಶುಭ ಕೋರಲು
ಪದಗಳು ಸಾಲದೇ ನಾಚಿರುವೆ ಅಲ್ಲವೇ?
ಸುಖಸಂತೊಷದಿ ಮಿಂದು ಸಾರ್ಥಕವಾಗಿ ಬಾಳೆಂದು ಹಾರೈಸು.
ನನ್ನೆದೆಯ ಪದಪುಂಜವೇ ಏಕೆ ನೀ ಅಡಗಿರುವೆ?