ವಿರಾಗಿಯ ಸ್ವಗತ!
ಕೂಡುತಿದೆ ಅಂತರ
ನಿನ್ನೆ - ಇಂದಿನ ನಡುವೆ.
ಕಳೆಯುತಿದೆ ಅಂತರ
ಇಂದು - ನಾಳಿನ ನಡುವೆ.
ವರುಷಗಳು ನಿಮಿಷಗಳಂತೆ
ಉರುಳುತಿಹುದು ನನ್ನ ಬಾಳಿನಲಿ;
ಕಳೆದ ದಿನಗಳೇ ಹೆಚ್ಚು
ಕಳೆಯಲಿರುವುದಿನ್ನು ಕಡಿಮೆ
ನನ್ನ ಬಾಳಿನಲಿ.
ಮುದುಕನಾಗಿಲ್ಲ ನಾನು
ಆದರೂ, ಮುಗಿದುಹೋಗಿದೆ
ಎಲ್ಲವೂ ಎನ್ನುವ ಭಾವನೆ
ನನ್ನ ಮನದಲ್ಲಿ.
ಯಾವುದನ್ನೂ ಸಾಧಿಸಿಲ್ಲ ನಾನು,
ಆದರೂ, ಇನ್ನೇನನ್ನೂ
ಸಾಧಿಸಲಾರೆ ಎನ್ನುವ
ಭಾವನೆ ನನ್ನ ಮನದಲ್ಲಿ.
ಕೂಡುತಿದೆ ಅಂತರ
ನಿನ್ನೆ - ಇಂದಿನ ನಡುವೆ.
ಕಳೆಯುತಿದೆ ಅಂತರ
ಇಂದು - ನಾಳಿನ ನಡುವೆ.
(ನಿನ್ನೆ ನನ್ನ ಹುಟ್ಟು,
ನಾಳೆ ನನ್ನ ಸಾವು)!
***********
Rating
Comments
ಉ: ವಿರಾಗಿಯ ಸ್ವಗತ!
ಉ: ವಿರಾಗಿಯ ಸ್ವಗತ!