ಚಿಂತೆ
ಚಿಂತೆ| ಚಿಂತೆ| ಚಿಂತೆ|
ಜಗದ ಮಂದಿಗೆಲ್ಲ ಇದು, ಆಪ್ತಮಿತ್ರನಂತೆ.
ಚಿಂತೆ ಗೆದ್ದ ಮಂದಿ, ಬಹೂ ವಿರಳವಂತೆ.
ಚಿಂತೆ ಇರದ ಜಗದ ಊಹೆ, ಬರೀ ಭ್ರಾಂತಿಯಂತೆ.
ಇದರ ಮೊದಲ ಆಗಮನವು, ಎಚ್ಚರಿಕೆ ಗಂಟೆಯಂತೆ.
ಮನವು ಎಚ್ಚೆತ್ತಿಕೊಳಲು, ಅದು ಚಿಂತೆಮುಕ್ತವಂತೆ.
ಚಂಚಲ ಮನವು ಪ್ರೇರೇಪಿಸಿದೆ, ಚಿಂತೆ ಮತ್ತೆ ಮರಳುವಂತೆ.
ಭಿನ್ನ ರೂಪ ತಾಳಿ ಮನವನಂಟಿದೆ, ಬಿಡದ ಜಿಗಣೆಯಂತೆ.
ಇದರ ಬತ್ತಳಿಕೆಯಲಿ ಇಹುದು, ಹಲವು ಬಾಣವಂತೆ.
ಶಕ್ತಿಯಲಿ ಒಂದನೊಂದು ಮೀರುವ, ಸಾಮರ್ಥ್ಯವಿರುವುದಂತೆ.
ದುರ್ಬಲ ಮನಗಳು ಇದಕೆ, ಸುಲಭ ಬೇಟೆಯಂತೆ.
ಗಟ್ಟಿ ಮನಗಳನೂ ಹೊಕ್ಕಲು, ಬಾಣವು ಶಕ್ತವಾದುವಂತೆ.
- Read more about ಚಿಂತೆ
- Log in to post comments