ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 28, 2024
ಗಝಲ್ ೧
ಹೊಳೆಯ ದಾಟಿದ ಸಮಯದಲ್ಲಿ ಅಂಬಿಗನ ಮರೆಯದಿರು ಗೆಳೆಯಾ
ದಡ ಸೇರಿದೆನೆಂದು ಸಂತಸದಲ್ಲಿ ನಾವಿಕನ ತೊರೆಯದಿರು ಗೆಳೆಯಾ
ಪ್ರೀತಿಯ ಮುತ್ತಿನ ನಂಬಿಕೆಯಲ್ಲಿ ದೋಣಿಯಲೇ ಸಾಗುತಿರುಯೆಂದೂ
ಒಳಿತು ಮಾಡಿದವರಿಗೆ ಕೆಡುಕನೆಂದೂ ಬಯಸಿ ಹೋಗದಿರು ಗೆಳೆಯಾ
ಕಣ್ಣಂಚಿನ ಹೊಳಪು ಮರೆಯಾಗದಂತೆ ನೀನೊಂದು ಪ್ರತಿಭೆಯಾಗಿರು
ಸಿಹಿ ನೆನಪುಗಳ ಮಹಾಪೂರಗಳ ನಡುವೆಯೇ ತಿರುಗದಿರು ಗೆಳೆಯಾ
ಜೀವನದ ಸುಖ ದುಃಖಗಳಲ್ಲಿ ಸತಿಯೊಲವಿನ ಜೊತೆಗೇ ನಡೆಯುತಿರು
ಕಲಿಸಿ ಪೋಷಿಸಿದ ತಂದೆತಾಯ ನುಡಿಯನ್ನು ದೂರದಿರು ಗೆಳೆಯಾ
…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 27, 2024
ದೇವ ಗಣಪತಿ ನೀಡು ಸನ್ಮತಿ
ಚರಣಕೆರಗುವೆ ಅನುದಿನ
ಗಿರಿಜೆ ತನಯಗೆ ಮಂಗಳಾರತಿ
ಬೆಳಗಿ ಪೂಜಿಪೆ ದೇವನ
ಸುಮುಖ ಗಣಪನ ಉದರ ನೋಡುತ
ನಕ್ಕ ಅಣಕಿಸಿ ಚಂದ್ರನು
ಅವನ ಕುಹಕದ ಚೇಷ್ಟೆ ಸಹಿಸದೆ
ರೋಷಗೊಂಡನು ಗಣಪನು
ದಂತ ಒಂದನು ಎಸೆದ ಚಂದ್ರಗೆ
ಸಹಿಸಲಾಗದ ರೋಷಕೆ
ಚೌತಿ ಚಂದ್ರನ ಮಾಡಿ ದರ್ಶನ
ಕೃಷ್ಣ ಸಿಲುಕಿದ ಕಷ್ಟಕೆ
ಇಲಿಯನೇರುತ ಬರುವ ದೇವನು
ಮೊದಲ ಪೂಜೆಗೆ ಅಧಿಪತಿ
ಏಕದಂತನು ವಿಘ್ನ ಕಳೆಯುವ
ಭಕ್ತಿಗೊಲಿಯುವ ಗಣಪತಿ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 26, 2024
ನನಗೋ ಇನ್ನಿಲ್ಲದ ನಿದ್ದೆ
ಎಬ್ಬಿಸಿದಂತಾಯ್ತ ಯಾರೋ
ನೋಡುತ್ತೇನೆ,ಇದೆಂತಹ ಅಚ್ಚರಿ!
ಗೋಡೆಗೆ ಸಣ್ಣ ಬಿರುಕು ಬಿದ್ದಿದೆ
ಬೆಳಕಿನ ಕಿರಣವೊಂದು ತೂರಿ
ಕೋಣೆಯ ಕತ್ತಲನು
ಶಲಾಕೆಯಾಗಿ ಸೀಳಿದೆ!
ಕೋರೈಸುವ ಖಡ್ಗದಂತಹ ಬೆಳಕು!
ಕತ್ತಲನೆ ಉಂಡು ಕತ್ತಲನೆ ಹೊದ್ದು
ಕತ್ತಲನೆ ಬಿತ್ತಿ ಕತ್ತಲನೆ ಬೆಳೆದು
ಆಳರಸರಾಗಿ ಮೆರೆದವರಿಗೆ
ಕತ್ತಲನು ಕಣ್ಣಿಟ್ಟು ಕಾದವರಿಗೆ
ಇಷ್ಟವಾದೀತು ಹೇಗೆ ಬೆಳಕು?
ಇರಿಸಿದ್ದು ಹಾಗೇ ಅಲ್ಲವೇ
ಎಲ್ಲರನೂ ಕತ್ತಲಲಿ
ಅನುಗಾಲದ ಮಂಪರಿನಲಿ
ಕತ್ತರಿಸುತ್ತಿದೆಯಲ್ಲ ಈಗ ಈ ಬೆಳಕು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 25, 2024
ಪಾಂಡು ಪುತ್ರರು ಸಮರಕಣದಲಿ
ತೋರಿ ತಮ್ಮಯ ಶೌರ್ಯವ
ಗೆದ್ದು ಯುದ್ಧವ ಕಾರ್ಯ ಮುಗಿಸಲು
ನೆರವನಿತ್ತನು ಕೇಶವ
ಬಂಧು ಬಾಂಧವರೊಡನೆ ಗುರುಗಳು
ಅಳಿದು ಹೋದರು ಸಮರದಿ
ಪಾಂಡು ಪುತ್ರರ ಬೆನ್ನಿಗಂಟಿತು
ಕೊಂದ ದೋಷದ ಬೇಗುದಿ
ಪಾಪ ಕಳೆಯಲು ಹರಿಯ ಬೇಡಲು
ದೇವನಿತ್ತನು ಗೋವನು
ಕಪ್ಪು ಬಣ್ಣದ ಗೋವನೊಯ್ಯಲು
ಮಾತನೊಂದನು ನುಡಿದನು
ಹಸುವು ಬೆಳ್ಳಗೆ ಬದಲಲಿರುವುದು
ಸ್ಥಳವ ಮರೆಯದೆ ಗುರುತಿಸಿ
ಭಕ್ತಿಯಿಂದಲಿ ಲಿಂಗ ಸ್ಥಾಪಿಸಿ
ನಿಷ್ಠೆಯಿಂದಲೆ ಪೂಜಿಸಿ
ಭಾವ ನಗರದ ಕಡಲ ತಡಿಯಲಿ
ದನದ ಬಣ್ಣವು ಬದಲಿತು
ಲಿಂಗ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 24, 2024
ಬೆತ್ತಲೆ ದೇಹಗಳ ನಡುವೆಯೇ ಹಾಳಾದವರು ಹಲವರು
ಸುತ್ತಲೂ ಹೇಸಿಗೆಯ ಮೆಟ್ಟಿಲುಗಳ ತುಳಿದವರು ಹಲವರು
ಜಾತಿ ಮತ ಅಂತಸ್ತುಗಳು ಯಾವತ್ತಿಗೆ ಸಾಯುವುದೋ ಇಲ್ಲಿ
ನಾರಿಯರ ಮಾನವನ್ನು ಹರಾಜು ಹಾಕಿದವರು ಹಲವರು
ಹಿಂಸೆಯೊಂದೇ ಈ ನೆಲದೊಳಗೆ ಶಾಶ್ವತ ಮಿತ್ರನಾಯಿತೇ ಹೇಗೆ
ಮಹಾತ್ಮನ ಅಹಿಂಸೆಯ ತತ್ವಗಳನ್ನೇ ಜರೆದವರು ಹಲವರು
ಯುದ್ಧಗಳ ನಡುವೆಯೇ ಕೋಮಲೆಯರ ಹೀಗೆಯೇ ಸುಡುವುದೆ
ದೇಹಗಳ ಮೃದುವಾದ ಭಾವನೆಗಳ ಮುಕ್ಕಿದವರು ಹಲವರು
ದೇವತೆಗಳ ದೇಶದಲಿ ದೆವ್ವಗಳು ಸೋಲದೆ ತಿರುಗುತ್ತಿವೆ ಈಶಾ
ಕೂಗಿನ ಎಡೆಯಲ್ಲಿಯೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 23, 2024
ಕುರುಕ್ಷೇತ್ರ
ಜಗದಲಿ
ಈ
ಜೀವನವೇ
ಒಂದು
ದೊಡ್ಡ
ಕುರುಕ್ಷೇತ್ರ...
ನಮ್ಮೆಲ್ಲರ
ಹೋರಾಟದ
ಸೋಲು-ಗೆಲುವು
ಇಲ್ಲಿ
ನಿಮಿತ್ತ
ಮಾತ್ರ!
***
ದುರಂತ!
ಇತಿಹಾಸದಿಂದ
ಈ
ಮನುಜ
ಕಲಿಯಲಾರ
ಎಂದೂ
ಪಾಠ...
ಮತ್ತೆ
ಅದೇ
ಅರಿಷ್ಡ್ವರ್ಗಗಳ
ಅಧೀನನಾಗಿ
ಆಡುತಿರುವ
ಆಟ!
***
ಕನ್ನಡ ತಾಯೇ
ಕನ್ನಡ ಮಕ್ಕಳಿಗೆ
ಬುದ್ಧಿಕೊಟ್ಟು
ನೀನು
ಕಾಯೇ
ಓ ನನ್ನ
ಕನ್ನಡ ತಾಯೇ...
ನಿನ್ನನವಮಾನ
ಗೊಳಿಸಿದವರಿಗೆ
ಬುದ್ಧಿಯ
ಕಲಿಸು;
ನೀ ಜಗದ
ಮಾಯೇ!
***
ಹರಿಕಾರ...!
ವಿಚಿತ್ರ
ಸುದ್ಧಿ-
ದಕ್ಷಿಣ
ಕೊರಿಯಾ
ರೋಬೊ
ಆತ್ಮಹತ್ಯೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 22, 2024
ವಯಸ್ಸಿಗೂ ಮೀರಿರುವ
ಜವಾಬ್ದಾರಿ ಹೆಗಲಿಗೇರಿಸಿ,
ಮನೆ ಬಿಟ್ಟು ಪಟ್ಟಣ ಸೇರಿ
ಊಟಕ್ಕೂ ಪರದಾಡುವ
ಗಂಡು ಮಕ್ಕಳ ಕಥೆಯಿದು..//
ಊರ ಅಗಸಿ ತಿರುವಿನಲ್ಲಿ
ಉಮ್ಮಳಿಸಿ ಬಂದ ದುಃಖ,
ಅಮ್ಮ ಕಟ್ಟಿದ ಬುತ್ತಿ ಸವರಿ
ದೀರ್ಘ ಉಸಿರಲ್ಲಿ ಮಿಲನ;
ಗಂಡು ಮಕ್ಕಳ ಕಥೆಯಿದು..//
ಎಷ್ಟು ತಡೆದರೂ ನೋವು
ತುಟಿಯಲ್ಲಿ ಬಂಧಿ ಆಗಿದೆ;
ಕಂಬನಿಯನು ಮರೆಸಿದೆ,
ಸಂಸಾರ ದಿನಸಿಗಳ ಪಟ್ಟಿ;
ಗಂಡು ಮಕ್ಕಳ ಕಥೆಯಿದು..//
ಎಲ್ಲದರಲ್ಲಿ ತನ್ನ ತ್ಯಾಗವು
ಕಾಣಿಸದೆಲ್ಲಿ ಹೊರಗಡೆಗೆ;
ಅಕ್ಕ, ತಂಗಿ, ತಮ್ಮ ದಡಕ್ಕೆ
ಹಗಲಿರುಳು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 21, 2024
ಅಳಿದಿರುವೆ ನಾನೆಂದು ನೀನಂದುಕೊಂಡಿರುವೆ
ಉಳಿದಿಹುದು ಜೀವವಿದು ಕೊಂಚ ಬುಡದಲ್ಲಿ
ಉಸಿರಿರಲು ನನ್ನಲ್ಲಿ ಕುಳಿತಿರೆನು ಬರಿಗೈಲಿ
ಬಸಿರನ್ನು ಹೊತ್ತಿರುವೆ ಸಫಲ ಯತ್ನದಲಿ
ದಾರಿಯಲಿ ಅಡ್ಡವಿದು ಬೇಡೆಂದು ಕಡಿದಿರುವೆ
ಬೇರನ್ನು ಉಳಿಸಿದ್ದೆ ನಿನ್ನ ಮರೆವಲ್ಲಿ
ಸಾಕಾಯ್ತು ನನಗಷ್ಟು ನೆಲದ ಋಣ ತೀರಿಸಲು
ಈ ಕಾಯಿ ನಿನಗಾಗಿ ಬಳಸು ಸೊಗಸಾಗಿ
ಗುಟ್ಟೊಂದು ನುಡಿಯುವೆನು ವೃಕ್ಷಗಳ ಆ ದೇವ
ಇಟ್ಟಿರುವ ಜೀವಿಗಳ ಬದುಕು ಸುಖಕಾಗಿ
ಮಾನವನು ಕೆಡಿಸಿರುವ ವಾಯುವಿನ ಕೊಳೆ ತೆಗೆದು
ನಾನದನು ಮರಳಿಸುವೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 20, 2024
ಮಡಿಲನು ತುಂಬಲು ಕುಡಿಯನು ಬಯಸಿದೆ
ಪಡೆಯದೆ ಹೋದೆನು ಬಾಳಿನೊಳು
ಬಿಡುವರೆ ನೆರೆಹೊರೆ ಕಿಡಿಯನು ಹಚ್ಚುವ
ನುಡಿಗಳು ಕೂತಿವೆ ಮನಸಿನೊಳು
ಬಂಜೆಯು ಎನುವರು ರಂಜನೆ ಅವರಿಗೆ
ಗಂಜಿಯು ಸೇರದು ಗಂಟಲೊಳು
ಅಂಜುತ ಕುಳಿತಿಹ ಪಂಜರ ಪಕ್ಷಿಗೆ
ನಂಜನು ಉಣಿಸುವ ಕೃತ್ಯಗಳು
ತಂದಿಹ ಗಿಡಗಳ ಚೆಂದದಿ ನೆಡುವರು
ಹೊಂದಲು ಪರಿಮಳ ಹೂಗಳನು
ಚೆಂದದ ಹೂಗಳ ಹೊಂದದ ಗಿಡಗಳ
ಮಂದಿಯು ಜರೆವುದು ತರವೇನು?
ಬಂಧುಗಳಾದರು ಕಂದನು ನೀಡರು
ಕುಂದಿಹ ಬಂಜೆಯು ನಾನಂತೆ
ಕಂದನ ಹಡೆಯದ ನೊಂದಿಹ ಮನವನು
ಕೊಂದರು ಮಾತಲಿ ಇರಿವಂತೇ||
-…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
July 19, 2024
ಬೂಟು ಕೊಡಿಸಲು ಹೊರಟಿದ್ದನು
ತನ್ನ ಚಪ್ಪಲಿ ಸವರುತ್ತ ಎಳೆಯುತ್ತಿದ್ದ
ಕಿತ್ತಿದ ಉಂಗುಟಕ್ಕೆ ಬಡಿದ ಮೊಳೆಗೆ
ಬೆರಳಿಗಾದ ಗಾಯವ ಮರೆಯುತ್ತಾ...
ಸಮವಸ್ತ್ರ ಕೊಡಿಸಲು ಹೊರಟಿದ್ದನು
ಮಂದಹಾಸ ಮುಖದಲ್ಲಿತ್ತು; ಸದ್ಯಕ್ಕೆ
ಸಾವಿರ ತೂತಿನ ಒಳಾಂಗಿ ಮುಚ್ಚಿತ್ತು;
ತೇಪೆ ಹಾಕಿದ ಬಿಳಿ ಘಮಲಿನ ಅಂಗಿ..!
ಪುಸ್ತಕಗಳ ಕೊಡಿಸಲು ಹೊರಟಿದ್ದನು
ಮಸ್ತಕದಲಿ ಭವಿಷ್ಯದ ಕನಸ ಕಂಡು;
ತನ್ನ ಬದುಕಿನ ಪುಟಗಳ ಬರೆಯಲಿಲ್ಲ,
ಖಾಲಿ ಹಾಳೆಗೆ ದಿನ ದೂ(ದು)ಡಿದವನು..!
ಮಗನ ಕಾಣಲು ಶಾಲೆಗೆ ಹೊರಟಿದ್ದನು,
ವಿಶ್ರಾಂತಿಗೆ…