ಗಂಡು ಮಕ್ಕಳ ಕಥೆಯಿದು..

ವಯಸ್ಸಿಗೂ ಮೀರಿರುವ

ಜವಾಬ್ದಾರಿ ಹೆಗಲಿಗೇರಿಸಿ,

ಮನೆ ಬಿಟ್ಟು ಪಟ್ಟಣ ಸೇರಿ

ಊಟಕ್ಕೂ ಪರದಾಡುವ

ಗಂಡು ಮಕ್ಕಳ ಕಥೆಯಿದು..//

ಊರ ಅಗಸಿ ತಿರುವಿನಲ್ಲಿ

ಉಮ್ಮಳಿಸಿ ಬಂದ ದುಃಖ,

ಅಮ್ಮ ಕಟ್ಟಿದ ಬುತ್ತಿ ಸವರಿ

ದೀರ್ಘ ಉಸಿರಲ್ಲಿ ಮಿಲನ;

ಗಂಡು ಮಕ್ಕಳ ಕಥೆಯಿದು..//

ಎಷ್ಟು ತಡೆದರೂ ನೋವು

ತುಟಿಯಲ್ಲಿ ಬಂಧಿ ಆಗಿದೆ;

ಕಂಬನಿಯನು ಮರೆಸಿದೆ,

ಸಂಸಾರ ದಿನಸಿಗಳ ಪಟ್ಟಿ;

ಗಂಡು ಮಕ್ಕಳ ಕಥೆಯಿದು..//

ಎಲ್ಲದರಲ್ಲಿ ತನ್ನ ತ್ಯಾಗವು

ಕಾಣಿಸದೆಲ್ಲಿ ಹೊರಗಡೆಗೆ;

ಅಕ್ಕ, ತಂಗಿ, ತಮ್ಮ ದಡಕ್ಕೆ

ಹಗಲಿರುಳು ದುಡಿಯುವ;

ಗಂಡು ಮಕ್ಕಳ ಕಥೆಯಿದು..//

ಚಿಂತೆಯಲ್ಲಿಯೇ ಮುಳುಗಿ

ನರೆ ಮೂಡಿ ಕೇಶ ಕೃಶದಲಿ

ಬಾಚನಿಗೆಯಲ್ಲೇ ಆತ್ಮಹತ್ಯೆ!

ಮೊಟ್ಟೆಯಾಯ್ತು ತಲೆಯಿಲ್ಲಿ;

ಗಂಡು ಮಕ್ಕಳ ಕಥೆಯಿದು..//

-ದ್ಯಾವಪ್ಪ ಎಂ. @ಮುತ್ತತ್ತಿ 

ಚಿತ್ರ ಕೃಪೆ: ಇಂಟರ್ನೆಟ್ ತಾಣ