ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 10, 2023
ಎಲ್ಲಿ ನಾನಿಹೆನೀಗ ಎಂಬ ಅರಿವಿಲ್ಲೆನಗೆ
ಇದ್ದ ಜಾಗವೆ ನನಗೆ ನಿನ್ನ ಹೆಗಲು
ಬಾಲ್ಯವಿದ್ದಿರಲಾಗ ಮನವು ಬಯಸುತಲಿತ್ತು
ಸಗ್ಗ ಎನಿಸುತಲಿತ್ತು ತಾಯ ಮಡಿಲು
ಎಲ್ಲ ಬದಲಿದೆ ಈಗ ಏನು ಮೋಡಿಯೊ ಹುಡುಗ
ಮನದೊಳಗೆ ನೀನಿರದ ವೇಳೆಯಿಲ್ಲ
ನಿನ್ನೊಳಗೆ ಒಂದಾಗಿ ಬದುಕಿ ಬಾಳುವ ಆಸೆ
ಬಯಕೆಯಲೆಗಳ ಮೊರೆತ ಬಿಡದು ನಲ್ಲ
ಮಾತು ಮರೆತಿಹೆ ನಾನು ನಿನ್ನ ಕನಸುಗಳಲ್ಲಿ
ನಿನ್ನತ್ತ ಸುತ್ತುತಿದೆ ನನ್ನ ಚಿತ್ತ
ಕಣ್ಣು ಮುಚ್ಚಿದರೇನು ತೆರೆದು ನೋಡಿದರೇನು
ನಗುಬೀರಿ ನಿಂತಿರುವ ನಿನ್ನ ಚಿತ್ರ
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
(…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 09, 2023
ಆತುರ ತುಂಬಿದೆ ಶ್ಯಾಮನ ಕಾಣಲು
ಕಾತರವರಿಯನೆ ಶ್ರೀಹರಿಯೂ
ಚಾತಕ ಪಕ್ಷಿಯ ತರದಲಿ ಕಾದಿಹೆ
ಮಾತಿಗೆ ನಿಲುಕದ ಭಾವನೆಯೂ
ಮುರಳಿಯ ನಾದವು ಕೇಳುತಲಿರುವುದು
ಮರೆಯಲಿ ನಿಂತನೆ ಕಾಣಿಸದೆ
ಕರುಣೆಯ ಮೂರುತಿ ಮಾಧವಗೀದಿನ
ತರುಣಿಯ ಪ್ರೇಮವು ಮರೆತಿಹುದೆ
ಹುಣ್ಣಿಮೆ ಚಂದ್ರನ ಕಾಂತಿಯು ಚೆಲ್ಲಿದೆ
ತಣ್ಣನೆ ಗಾಳಿಯು ಬೀಸುತಿದೆ
ಕಣ್ಣಿಗೆ ಕಾಣದೆ ಕೇಶವನವಿತಿಹ
ಸಣ್ಣನೆ ವೇದನೆ ಕಾಡುತಿದೆ
ಬಾರನೆ ಈದಿನ ಯಮುನೆಯ ತೀರಕೆ
ಕಾರಣವರಿಯದೆ ಬೆಂದಿರುವೆ
ತೋರುತ ಕರುಣೆಯ ಬೇಗನೆ ಬಾರೆಯ
ದಾರಿಯ ಕಾಯುತ ನೊಂದಿರುವೆ||
-…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 08, 2023
೧. ತರ್ಜುಮೆ
ಇನಿಯ ಬರೆದ ಪ್ರೇಮಪತ್ರ
ಇಂಗ್ಲೀಷ್ ನಲ್ಲಿ
ತರ್ಜುಮೆ ಮಾಡಿಸಲಿ ಯಾರ ಹತ್ರ
೨. ಕಡ್ಡಾಯ
ದ್ವಿಚಕ್ರ ವಾಹನದಲ್ಲಿ ಕಡ್ಡಾಯ ಶಿರಸ್ತ್ರಾಣ
ತಪ್ಪಿದರೆ
ಅನ್ಯರಿಗೆ ಅಡವಿಟ್ಟಂತೆ ನಿನ್ನ ಪ್ರಾಣ
೩. ಫರ್ಮಾನು
ತಡೆಯದಿರೆಂದು ನನ್ನಾಕೆಯ ಫರ್ಮಾನು
ಇಲ್ಲ
ಬಸ್ ತನಕ ಬಂದು ಬೀಳ್ಕೊಡುವೆ ನಾನು
೪. ರಾಜಕೀಯ
ಒಂದು ಸಮಾಜಸೇವೆ ರಾಜಕೀಯ
ಬದಲಾಗಿದೆ
ಈಗ ಸ್ವಹಿತಾಸಕ್ತಿಯೇ ಮೊದಲ ಧ್ಯೇಯ
೫. ಹೆಂಡತಿ
ಹೆಂಡತಿ ನಕ್ಕರೆ ಮನೆಯೇ ನಾಕ
ಮುನಿದರೆ
ಎಲ್ಲಾ ಇದ್ದರೂ ಬರಿಯ ನರಕ
೬. ಬಹುಮಾನ
ಬಹುಮಾನ ದೊರೆತು ಹೂವಾಯ್ತು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 07, 2023
ಸಫಲತೆಯೊಂದಿಗೆ ಪಯಣವು ಸಾಗಿರೆ
ವಿಫಲತೆ ಅವಿತಿಹ ಹಾಗೆ
ಚಪಲದಿ ಮನಗಳು ಗೆಲುವಿಗೆ ಕಾದಿರೆ
ಅಪಜಯ ಬಂದಿದೆ ಹೀಗೆ
ದಶ ದಿನ ಔತಣ ನೀಡಿದೆ ತಂಡವು
ವಿಷಮದ ದಿನದಲಿ ಕೂಡ
ಕಸಿವಿಸಿಯೇತಕೆ ಸೋತಿಹ ದಿನದಲಿ
ಕುಸಿಯದೆ ಮುಂದಕೆ ನೋಡ
ಒಂದಿನ ಸೋತರೆ ಜರೆಯುವುದೇತಕೆ
ಹಿಂದಿನ ವಿಜಯವ ಮರೆತು
ಕುಂದದೆ ಸೋಲಿಗೆ ಬೆಂಬಲ ನೀಡುವ
ಮುಂದಿನ ಗೆಲುವಿನ ಕುರಿತು
ಕಂಬವು ಬಾಗದೆ ಸುಂಟರಗಾಳಿಯ
ಜಂಭದ ದಾಳಿಗೆ ಸೋತು
ತುಂಬುವ ಶಕ್ತಿಯ ಸೋತಿಹ ಮನಸಿಗೆ
ಬೆಂಬಲ ಗೆಲುವಿಗೆ ಹೇತು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 06, 2023
ತಾವರೆಯ ವದನದಲಿ ಜೋಡಿ ಕಣ್ಗಳು ಕಮಲ
ಸಾವಧಾನದಲಿಂತು ಬಂದೆಯಲ್ಲ
ಯಾವ ಯೋಚನೆಯೊಳಗೆ ನೀನಿರುವೆ ನಾನರಿಯೆ
ಭಾವಗಳ ಮರೆಮಾಚಿ ನಿಂತೆಯಲ್ಲ
ಯಾರ ಕಾದಿಹೆ ನೀನು ನಲ್ಲ ಬರುತಿಹನೇನು
ಮೋರೆಯಲಿ ಕಾತರದ ಎಳೆಯ ಕಂಡೆ
ಮೇರೆ ಮೀರಿದ ತುಮುಲ ಮರೆಸಬಲ್ಲುದೆ ಕಮಲ
ದಾರಿಯುದ್ದಕೆ ಒಲವ ಹಾಸಿ ನಿಂದೆ
ಕರದಿ ಹಿಡಿದಿಹ ಗುಚ್ಛ ಇನಿಯಗೀಯುವ ಇಚ್ಛೆ
ಬರಲವನು ಕಾದಿರುವ ಕುಸುಮಬಾಲೆ
ಭರಪೂರ ಪ್ರೇಮದಲಿ ಇನಿಯಗರ್ಪಿಸಿಕೊಳುವೆ
ಶರಣೆನುವ ಭಾವವಿದು ಒಲವ ಲೀಲೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ : ಅಂತರ್ಜಾಲ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 05, 2023
ಕಷ್ಟಕಾಲ ಬಂದಿತೆಂದು ಸುಮ್ಮನೆ
ಕೂತರೆ ಆಗುವುದಿಲ್ಲ
ನಷ್ಟವಾಯಿತೆಂದು ದುಃಖಿಸಿ
ಪ್ರಯೋಜನವೂ ಇಲ್ಲ
ಅಪಕ್ತಾಲದಲ್ಲಿ ಆಗುವನು ನಿನಗೆ
ಅಂತವರು ಯಾರು ಇಲ್ಲ
ಸುಖವಿದ್ದರೆ ಬರುವರು ನಿನ್ನ ಬೆನ್ನ
ಹಿಂದೆ ಓಡೋಡಿ ಬರುವರೆಲ್ಲ
ಕಷ್ಟಗಳಿಗೆ ಎದೆಯೊಡ್ಡಿ ನಿಲ್ಲು
ಸುಖವು ದೊರಕುವುದು
ದುಡಿಯಲು ಮುನ್ನುಗ್ಗಿ ಹೋಗು
ಸಂತಸ ಅಲ್ಲೇ ಕಾಣುವುದು
ನಿನಗಾಗಿ ಇಲ್ಲಿ ಯಾರು ಬರಲು
ಇಲ್ಲವೆಂದು ತಿಳಿದುಕೋ
ಹಿಂದೆ ಮುಂದೆ ಮಾತನಾಡುವರು
ಯಾರಿರುವರು ಅರಿತುಕೋ.
-ಚಂದ್ರಶೇಖರ ಶ್ರೀನಿವಾಸಪುರ, ಕೋಲಾರ
ಚಿತ್ರ ಕೃಪೆ:…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 04, 2023
ನೋಡು, ನನಗಿಹರು ಬಂಧುಗಳು --- ಚೆಲುವಾಗೇ ಇಹರವರು
ನನಗಿಂದು ಬಡತನ,ಬಾಳಲಾರದ ಸ್ಥಿತಿಯು -- ನೆಲ ಅಸೆಯೇ ಒಡಲು !
ಸೊರಗಿರುವ ಜೀವಕ್ಕೆ , ಚರ್ಮವಂಟಿದೆ -- ನೋವ ನುಂಗಿ !
ಸಾಯಲಾರೆ ದಿಟ, ಒಳ್ಳೆಯ ಮನ ಇರುವವಗೆ -- ಇಲ್ಲಿ ಸಾವಿಲ್ಲ
ಕಿರಿಯರಿಗೆ ಬೇಕಾಗಿ, ದುಡಿ ದುಡಿದು ಹಣ್ಣಾದೆ-- ಕೊಳೆತು ಹೋದೆ
ಕಿರಿಯರೆಲ್ಲ ಸಿರಿಯ ಕಂಡರು, ನಾನು ದಟ್ಟ ದರಿದ್ರನಾದೆ !
ನನ್ನ ಮಕ್ಕಳು ,ಹಲಸಿನ ಹಪ್ಪಳ ತಿನ್ನುತ್ತಾ ಬೆಳೆದರು
ಅವರ ಮಕ್ಕಳು ಮಸಾಲೆದೋಸೆ ತಿಂದು - ಸವಿದು ಬಾಳಿದರು
ನನ್ನ ಹಾಡು ಹಾಡಾಗಲಿಲ್ಲ
ಅವರ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 03, 2023
ಕನ್ನಡ ನಾಡಿನ ಹೆಮ್ಮೆಯ ಪುತ್ರರು
ನಾಡಿನ ಸಂಸ್ಕೃತಿ ಸಂಪ್ರದಾಯ ಆಚರಿಸುವರು
ಹಲವಾರು ಭಾಷೆ ಮಾತನಾಡುವರು
ಕನ್ನಡಮ್ಮನ ದೇವಾಲಯ ಮನದಲ್ಲಿ ಕಟ್ಟಿದವರು
ನಾಡಿನ ಭವ್ಯತೆಯ ಬಗ್ಗೆ ಸಾರಿದವರು
ನುಡಿ ಕನ್ನಡ ನಡೆ ಕನ್ನಡವ ಹೊನ್ನುಡಿಗಾರರು
ಕನ್ನಡ ತಾಯಿಗೆ ನಮನ ಸಲ್ಲಿಸಿದವರು
ಕನ್ನಡ ಬಾವುಟ ಹಾರಿಸಿ ಮೆರೆದ ಚೆನ್ನುಡಿಗಾರರು
ಹೆತ್ತ ತಾಯಿಗಿಂತ ಹೊತ್ತ ನಾಡೆ ಶ್ರೇಷ್ಠವೆಂದರು
ತಾಯಿಯ ಮಡಿಲಲ್ಲಿ ತೂಗಿ ನಂದಾದೀಪವಾದರು
ಕನ್ನಡಿಗರ ಮನಸಲ್ಲಿ ಹಚ್ಚೆಯಾಕಿಸಿದರು
ನಕ್ಷತ್ರಗಳಂತೆ ಮಿನುಗಿ ದೃವತಾರೆಯಾದವರು
…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 02, 2023
ಜಗಮಂಡಲಕ್ಕೆ ಆಹಾರ ಪೂರೈಸುವ
ಸೂರ್ಯನೇ ನಿನಗಾರು ಸಾಟಿ
ಬೆಳದಿಂಗಳ ಕಾಂತಿಯ ಬೆಳಗಿಸುವ
ಚಂದ್ರನೇ ನಿನಗಾರು ಸಾಟಿ
ಆಕಾಶದಲ್ಲಿ ಮಿಣ ಮಿಣ ಮಿನುಗುವ
ನಕ್ಷತ್ರವೇ ನಿನಗಾರು ಸಾಟಿ
ಕಪ್ಪು ಮೋಡಗಳಿಂದ ಮಳೆ ಸುರಿಸುವ
ವರುಣನೇ ನಿನಗಾರು ಸಾಟಿ
ಮಾನವನಿಗೆ ಉಸಿರು ನೀಡುವ
ಮರವೇ ನಿನಗಾರು ಸಾಟಿ
ನಿಸರ್ಗದ ಮಡಿಲಲ್ಲಿ ಹರಿಯುವ
ನೀರೇ ನಿನಗಾರು ಸಾಟಿ
ಅಮೃತದ ಸುರಪಾನ ಕೊಡುವ
ಗೋಮಾತೆ ನಿನಗಾರು ಸಾಟಿ
ವೈವಿಧ್ಯಮಯ ಪ್ರಕೃತಿ ಸೃಷ್ಟಿಸಿರುವ
ದೇವನೇ ನಿನಗಾರು ಸಾಟಿ
ದೃಷ್ಟಿಯ ನೋಟವು ಕಾಣುವ
ಕಂಗಳೇ ನಿನಗಾರು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 01, 2023
ಕುರುಬರ ಕುಲದಲಿ ಜನಿಸಿದರಿವರು
ಬೀರಪ್ಪ ಬಚ್ಚಮ್ಮ ಉದರದಲಿ
ತಿಮ್ಮಪ್ಪ ನಾಯಕ ನಾಮವು ಇವರದು
ದಂಡನಾಯಕರಾದವರು
ಸಮರದ ಕಣದಲಿ ಸೋಲನು ಕಾಣುತ
ಬದುಕಲಿ ಬಂದಿತು ವೈರಾಗ್ಯ
ದೇವರ ಮೇಲಿನ ಭಕ್ತಿಯು ತಂದಿತು
ಕೃಷ್ಣನ ಒಲುಮೆಯ ಸೌಭಾಗ್ಯ
ಉಡುಪಿಯ ಕೃಷ್ಣನ ದರ್ಶನ ಪಡೆಯಲು
ಬಂದರು ತುಂಬಿದ ಕಾತರದೆ
ಜಾತಿಯ ನೆಪದಲಿ ದೇಗುಲದೊಳಗಡೆ
ಹೋಗಲು ದೊರೆಯದ ಬೇಸರದೆ
ಹಿತ ಕೂತರು ಕನಕದಾಸರು
ಪಠಿಸುತಲಿದ್ದರು ಹರಿನಾಮ
ಭಕ್ತಿಗೆ ಮೆಚ್ಚಿದ ಕೇಶವನೊಲಿದನು
ತಿರುಗಿಸಿ ತನ್ನಯ ಮೊಗವನ್ನ
ಕನಕದಾಸರ ಹೆಸರದು ಮೆರೆದಿದೆ…