ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 27, 2023
ಜಾತ್ಯಾತೀತರು...
ರಾಜಕೀಯ ಸಂಪೂರ್ಣ
ಜಾತಿಮಯ...
ಓಟು-ಸ್ಥಾನ-ಹುದ್ದೆ-ಹಣ-
ಎಲ್ಲವೂ ಜಾತಿಯೆಂಬ
ಸಮುದ್ರ ಮಥನದ
ಉತ್ಪನ್ನಗಳೇ...
ಆದರೆ ಗುಡಿಸಿ-ಸಾರಿಸಿ
ರಂಗೋಲಿಯನು
ಹಾಕುವುದು
ಮಾತ್ರ
ಜಾತ್ಯಾತೀತವೆಂಬ
ರಂಗೋಲಿಯೇ!
***
ಪಾರದರ್ಶಕ
ಸಿನಿಮಾ ನಾಟಕಗಳಲಿ
ಆದರ್ಶ ಪಾತ್ರಗಳ
ಮಾಡಿ ಸೈ
ಎನ್ನಿಸಿಕೊಂಡ
ನಟ-ನಟಿಯರು
ಬಲು ಆಕರ್ಷಕ...
ನಿಜ ಜೀವನದ
ಪಾತ್ರಗಳಲಿ
ಸೋಲುತಿರುವುದನು
ಕಣ್ಣಾರೆ ಕಾಣುತಿರುವೆವು...
ಜೀವನ ಯಾರನ್ನೂ
ಬಿಡದು ಪಾರದರ್ಶಕ!
***
ಕನ್ನಡದ ದೌರ್ಭಾಗ್ಯ...
ಓ ಅಪ್ಪಟ
ಕನ್ನಡದ …
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 26, 2023
ಇಡೀ ವಿಶ್ವಕೆ ಭಯ ಹುಟ್ಟಿಸಿರುವ ರೋಗವು
ಕೊರೊನಾ ಎಂಬ ಮಹಾಮಾರಿಯ ತಲ್ಲನವು
ಹೆದರಬೇಡಿ ಹೆದರಿಸಬೇಡಿ ಮನಕುಲವು
ಸಾಮಾಜಿಕ ಅಂತರದಿ ಬದುಕೋಣ ನೀವು ನಾವು
ಚೀನಾ ದೇಶದಿಂದ ಬಂದಿದೆ ಕೊರೋನಾ ವೈರಸ್ಸು
ಕದ್ದಿದೆ ಭೂಮಿಯ ಮೇಲೆ ಎಲ್ಲರ ಉಮ್ಮಸ್ಸು
ಯಾರ ಬಳಿಯು ಇಲ್ಲ ಲವಲವಿಕೆಯ ತೇಜಸ್ಸು
ಚಳಿಗಾಲದಲ್ಲಿ ಮಾತ್ರ ನಡೆಯುತ್ತೆ ಇದರ ಸರ್ಕಸ್ಸು
ಬಳಸಿರಿ ನಿತ್ಯ ನೂತನ ಸ್ಯಾನಿಟೈಸರ್
ಮಾಸ್ಕಗಳಿಂದ ಆಗಲಿ ನಿಮ್ಮ ಮುಖವು ಕವರ್
ಕೊರೋನ ರೋಗಕ್ಕೆ ತೋರಿಸಿ ನಿಮ್ಮ ಪವರ್
ಬಳಸಿರಿ ಪ್ರತಿನಿತ್ಯ ಬೆಳಿಗ್ಗೆ ಬಿಸಿಯ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 25, 2023
ಮಾಧವನ ಶಿರದಿ ನಿತ್ಯ ಕಾಣುತ
ಮೆರೆಯುವುದು ನವಿಲುಗರಿ
ಹೃದಯಕೆ ತಟ್ಟಿ ಮುದ ನೀಡುತ
ಕರೆಯುವುದು ನವಿಲುಗರಿ
ಕದವ ತೆರೆಯಲು ಗೋಪಾಲನ ಬಳಿ
ಇಟ್ಟು ನೆನೆಯಲಿಲ್ಲವೇ
ರಾಧೆಯ ಮನದಿ ಮಿಂಚು ಕೊಡುತ
ಕೊರೆಯುವುದು ನವಿಲುಗರಿ
ಇಷ್ಟ ಪಡುವರು ಪುಟಾಣಿ ಮಕ್ಕಳು
ಪುಸ್ತಕದಿ ಇರಿಸಲು
ನಷ್ಟ ಆಗಲು ಬಿಡದೆಂದು ಅಂಗಡಿಯಲಿ
ಬೆರೆಯುವುದು ನವಿಲುಗರಿ
ಮನೆಯಲಿ ಕೂಡಿ ಶನಿ ದೋಷವ
ನಿವಾರಿಸುವ ನಂಬಿಕೆ
ಮನದಲಿ ತುಂಬಿದ ದುಗುಡ ಸರಿಸಿ
ಮರೆಯುವುದು ನವಿಲುಗರಿ
ಗುರುವಿಗೆ ಪ್ರೀತಿಯ ಕಾಣಿಕೆ ತೋರುತ
ಚಂದ್ರನು ಅರ್ಪಿಸುವನು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 24, 2023
ವಾನರ ದೇವ ವೀರ ಹನುಮನೆ
ದೃಢಭಕುತಿಗೆ ಹೆಸರಾದವನೆ/
ಕೇಸರಿ ಅಂಜನಾ ಮಾತೆಯ ಪುತ್ರನೆ
ಅದ್ವಿತೀಯ ಮಹಿಮಾತೀತನೆ//
ಪುರುಷೋತ್ತಮನ ಚರಣ ಸೇವಕ
ಶಕ್ತಿ ಸಾಮರ್ಥ್ಯ ಬ್ರಹ್ಮಚರ್ಯದ ಪ್ರತೀಕ/
ಹನ್ನೆರಡು ನಾಮಗಳಿಂದ ಮೆರೆವ ಧೀಮಂತ
ಸಪ್ತ ಚಿರಂಜೀವಿಗಳಲ್ಲಿ ಸ್ಥಾನಪಡೆದಾತ//
ರಾಮಾಯಣದ ಪರಮ ಧೀರ ಮೇಧಾವಿ
ಸಂಜೀವಿನಿಯ ಹೊತ್ತು ತಂದ ಸಾಹಸಿ/
ಇಚ್ಛಾರೂಪಿ ಕುಶಲಮತಿ ಮಹಾಶಕ್ತಿ
ಸುಗ್ರೀವ ಸಖ್ಯಕೆ ಕಾರಣವಾದ ಭಕ್ತಿ//
ಚೈತ್ರಮಾಸದಿ ಉದಯಿಸಿ ಖ್ಯಾತಿ ಪಡೆದವ
ಹನುಮ ಜಯಂತಿಯ ಶುಭದಿನವು/
ಕೆಂಪು ವಸ್ತ್ರ ಧಾರಣೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 24, 2023
ಹೊಸತಿದು ಚಪ್ಪಲಿ ತಂದಿಹ ದಿನವೇ
ಕಡಿದೇ ಬಿಟ್ಟಿತು ನಾಯಿಮರಿ
ಮೌಲ್ಯವ ನೀಡಿದ ಕೈಬಿಸಿ ಆರದೆ
ಚಪ್ಪಲಿ ಹರಿದುದು ಹೊಟ್ಟೆಯುರಿ
ಹೊಡೆಯುವೆನೆಂದರೆ ಮನವೇ ಬಾರದು
ಮರಿಯದು ಇನ್ನೂ ಬಲುಎಳಸು
ಶಿಕ್ಷೆಯ ನೀಡದೆ ಬಿಟ್ಟರೆ ನನ್ನಲಿ
ನನಗೇ ಬರುವುದು ಅತಿ ಮುನಿಸು
ಚಪ್ಪಲಿ ಜೋಡಿಯ ಒಂದನು ಕಳೆದರೆ
ಏತಕೆ ಬೇಕದು ಮತ್ತೊಂದು?
ನಾಯಿಯ ಮುಸುಡಿಗೆ ಬಂಧಿಸಿ ಬಿಟ್ಟೆನು
ಕೋಪವು ತಣಿಯಲು ನಾನಿಂದು
ಅರಿತಿದೆ ತಪ್ಪನು ದೈನ್ಯದ ನೋಟವು
ಸಾರುತಲಿರುವುದು ಸತ್ಯವನು
ಮನಸಿದು ಕರಗಿತು ಕಟ್ಟನು ಬಿಚ್ಚಿದೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 23, 2023
ಕಹಿಯಾದರೇನು ಗುಣವಿಲ್ಲವೇನು
ತಿನಲಾರೆ ಎಂದೂ ನೀ ನುಡಿವೆಯೇನು
ಈ ಶಂಕೆ ದೂರಾ ತಳ್ಳಿರಿ||ಪ||
ಬೆಂಡೆ ರುಚಿಯಾದರೇನು
ತೊಂಡೆ ಬಳಿ ಇದ್ದರೇನು
ಹಾಗಲದ ಗುಣವ ಮರಿಬಾರದಲ್ಲ ದೂರದಿರು ಸಾರವನ್ನು
ರುಚಿಯು ಕಹಿಯಾದರೇನು
ಖಾದ್ಯ ಹಿತವಾಗದೇನು
ಸೇರಿಸಲು ಉಪ್ಪು, ಹುಳಿ,ಮೆಣಸು,ಬೆಲ್ಲ
ಆ ತಿನಿಸ ಮರೆವೆಯೇನು?
ಔಷಧ ಗುಣವಿದೆ, ಒಮ್ಮೆ ತಿನಬಾರದೇನು||೧||
ಬೀಜ ಎಸೆದಲ್ಲೆ ತಾನು
ಮೊಳೆತು ಫಲ ನೀಡದೇನು
ಹೆಚ್ಚೇನು ಕಷ್ಟ ಪಡುವಷ್ಟು ಇಲ್ಲ ನೀಡುವುದು ಕಾಯಿಯನ್ನು
ಇತರ ತರಕಾರಿಯಂತೇ
ಬಳಸೆ ನಿನಗೇಕೆ ಚಿಂತೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 22, 2023
ಸರ್ ಎಂದರೇ ಶುಭವು
ಸರ್ ಎಂದರೇ ಕೀರ್ತಿ
ಸರ್ ಎನುತ ಸ್ಪಂದಿಸಿದರೆ ಪ್ರೀತಿ ಒಲವು
ಮೇಡಂ ಎಂದರೇ ಖುಷಿಯು
ಮೇಡಂ ಎಂದರೇ ನಲಿವು
ಮೇಡಂ ಎನುತ ಹೇಳಿದರೆ ಜೀವ ಗೆಲುವು
ಅಣ್ಣಾ ಎಂದರೆ ಬಲವು
ಅಣ್ಣಾ ಎಂದರೆ ಸವಿಯು
ಅಣ್ಣಾ ಎನುತ ಸಾಗು ಆಶೀರ್ವಾದದ ಜಯವು
ಅಕ್ಕಾ ಎಂದರೆ ಮಮತೆ
ಅಕ್ಕಾ ಎಂದರೆ ಸಮತೆ
ಅಕ್ಕಾ ಎನುತ ಹೇಳು ಭವವೆಂದೂ ಸೋಲವು
***
ಗಝಲ್
ನಾನು ಭಿಕಾರಿಯಲ್ಲ ಆದರೂ ತಿರುಗುತ್ತಿದ್ದೇನೆ
ನಾನು ಸಂಸಾರಿಯಲ್ಲ ಆದರೂ ತಿರುಗುತ್ತಿದ್ದೇನೆ
ನಾನು ವಿವೇಕಿಯಲ್ಲ ಆದರೂ ತಿರುಗುತ್ತಿದ್ದೇನೆ
ನಾನು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 21, 2023
ಅರ್ಧ ಬಿರಿದಿಹುದೇಕೆ
ಪೂರ್ತಿ ಅರಳದೆ ಉಳಿದೆ
ಲಜ್ಜೆ ಮುಸುಕಿತೆ ಮನದೆ ಏತಕೀ ಬಿಗುಮಾನ
ಭಯವು ಕಾಡಿತೆ ನುಡಿಯೆ
ಯಾರದಂಜಿಕೆ ನಿನಗೆ
ಬೆದರು ನೋಟದಲಿರುವೆ ಏನಿದೀ ಅನುಮಾನ
ರವಿಯು ಬಂದನು ನೋಡು
ಅತ್ತ ಮುಖವನು ಮಾಡು
ಲಜ್ಜೆ ಭಯವನು ತೊರೆದು ಅರಳಿ ಬಿಡು ನೀ ಪೂರ್ತಿ
ನಿನ್ನ ಅಂದವ ಕಂಡು
ಮನದೆ ಸಂತಸಗೊಂಡು
ತಂದುಕೊಡುವುದು ಎನಗೆ ಕವನ ಬರೆವಾ ಸ್ಪೂರ್ತಿ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 20, 2023
ಮುರಳಿಯ ನಾದವ ಕೇಳುತ ಸುಮ್ಮನೆ
ಕುಳಿತಿರಲಾರದೆ ಚಡಪಡಿಕೆ||
ಕೊಳಲನು ನುಡಿಸುವ ಶ್ರೀಹರಿ ಮಾಧವ
ಅವನೇ ಕಾರಣ ತಳಮಳಕೆ||೧||
ಧರ್ಮವನುಳಿಸಲು ಧರೆಯಲಿ ಉದಿಸಿದ
ದನುಜರನಳಿಸಿದ ದನುಜಾರಿ||
ತುರುಗಳ ರಕ್ಷಿಸೆ ಬೆರಳಿನ ತುದಿಯಲಿ
ಗಿರಿಯನು ಎತ್ತಿದ ಗಿರಿಧಾರಿ||೨||
ಕೃಷ್ಣನ ಆಲಿಸಿ ತನುವಿರೆ ದೂರದಿ
ಮನವಿದು ಸೇರಿದೆ ಕೇಶವನ||
ವೇಣುವ ನಾದದಿ ಜಗವನೆ ಕುಣಿಸುವ
ಕರುಣಾಮಯನಾ ಮೋಹನನ||೩||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 19, 2023
ಪರಶಿವನ ಆತ್ಮಜನೆ ಷಣ್ಮಖ ಸ್ವಾಮಿಯೇ/
ದುರಿತಗಳ ಪರಿಹರಿಸು ಕಾರ್ತಿಕೇಯನೇ//
ಸುಬ್ರಹ್ಮಣ್ಯದಲಿ ನೆಲೆನಿಂತ ಸುಬ್ಬಪ್ಪನೇ/
ಭಕ್ತರು ನಮಿಪರು ನಿನ್ನಂಘ್ರಿಗೆ ಸ್ಕಂದನೇ//
ದುಷ್ಟ ತಾರಕನ ಅಟ್ಟಹಾಸವ ಮೆಟ್ಟಿದವನೇ/
ಕಷ್ಟಗಳ ನಿವಾರಿಸಿ ಅನವರತ ಪೊರೆಯುವವನೇ//
ಪೂಜೆ ಉಪವಾಸ ವ್ರತ ನೇಮ ನಾಗರಾಜನೇ/
ಹಾಲು ಮೊಸರು ತುಪ್ಪ ಹೂಗಳ ನೈವೇದ್ಯ ಗೊಂಬವನೇ //
ಬ್ರಹ್ಮ ರಥೋತ್ಸವ ಪಲ್ಲಕ್ಕಿ ಮೆರವಣಿಗೆ ವಿಶೇಷನೇ/
ಕರ್ಮಗಳ ನಿವಾರಿಸಿ ಹರಸಿ ಪೊರೆಯುವವನೇ//
ಪಲ್ಲಪೂಜೆ ಬೀದಿ ಮೆರವಣಿಗೆ ವೈಭವ ಗುಹನೇ/…