ಒಂದಿಷ್ಟು ಹನಿಗಳು...
ಜಾತ್ಯಾತೀತರು...
ರಾಜಕೀಯ ಸಂಪೂರ್ಣ
ಜಾತಿಮಯ...
ಓಟು-ಸ್ಥಾನ-ಹುದ್ದೆ-ಹಣ-
ಎಲ್ಲವೂ ಜಾತಿಯೆಂಬ
ಸಮುದ್ರ ಮಥನದ
ಉತ್ಪನ್ನಗಳೇ...
ಆದರೆ ಗುಡಿಸಿ-ಸಾರಿಸಿ
ರಂಗೋಲಿಯನು
ಹಾಕುವುದು
ಮಾತ್ರ
ಜಾತ್ಯಾತೀತವೆಂಬ
ರಂಗೋಲಿಯೇ!
***
ಪಾರದರ್ಶಕ
ಸಿನಿಮಾ ನಾಟಕಗಳಲಿ
ಆದರ್ಶ ಪಾತ್ರಗಳ
ಮಾಡಿ ಸೈ
ಎನ್ನಿಸಿಕೊಂಡ
ನಟ-ನಟಿಯರು
ಬಲು ಆಕರ್ಷಕ...
ನಿಜ ಜೀವನದ
ಪಾತ್ರಗಳಲಿ
ಸೋಲುತಿರುವುದನು
ಕಣ್ಣಾರೆ ಕಾಣುತಿರುವೆವು...
ಜೀವನ ಯಾರನ್ನೂ
ಬಿಡದು ಪಾರದರ್ಶಕ!
***
ಕನ್ನಡದ ದೌರ್ಭಾಗ್ಯ...
ಓ ಅಪ್ಪಟ
ಕನ್ನಡದ
ನಿರ್ದೇಶಕರೇ-
ನೀವು ತೆಗೆಯುವಿರಿ
ಇಂಗ್ಲೀಷ್ ಶೀರ್ಷಿಕೆ ಕೊಟ್ಟು
ಕನ್ನಡದ ಸಿನಿಮಾ...
ಇದೇನಿದು
ಕನ್ನಡದ ದೌರ್ಭಾಗ್ಯ...
ನಿಮಗದಷ್ಟು ಸಾಮರ್ಥ್ಯವಿದ್ದರೆ
ತೆಗೆದುಬಿಡಿ
ಕನ್ನಡ ಶೀರ್ಷಿಕೆಯ
ಇಂಗ್ಲೀಷ್ ಸಿನಿಮಾ!
***
ಶ್ರೇಷ್ಠ ತಂದೆ-ತಾಯಿ!
ನಿನಗಿದೋ
ಈ ಜಗದ ಶ್ರೇಷ್ಠ
ತಂದೆ-ತಾಯಿಯರ
ಪರಿಚಯಿಸಿ
ಬಿಡುವೆ
ಓ ನನ್ನ ಗೆಳೆಯಾ....
ಅವರೇ- ಹೆಮ್ಮೆಯಲಿ
ಹುತಾತ್ಮ ಸೈನಿಕ ಮಗನ
ಸಂಸ್ಕಾರದಲಿ ಕಣ್ಣೀರ
ಸುರಿಸದೆ ಸೆಲ್ಯೂಟ್ ಹೊಡೆದು
ಶ್ರೇಷ್ಠ ತಂದೆ-ತಾಯಿ ಎನ್ನಿಸಿ
ಪಡೆದರು ಅತ್ಯುನ್ನತ ಗರಿಯಾ!
***
ಪತ್ರಿಕಾ ಮೌಲ್ಯ
ಸೆಲೆಬ್ರಿಟಿಗಳ
ವೈಭವದ ಮದುವೆ;
ರಾಜಕಾರಿಣಿಗಳ
ದೊಂಬರಾಟ
ದಿನ ಪತ್ರಿಕೆಯ
ಮುಖ ಪುಟಕೆ...
ಅಯ್ಯೋ.. ದೇಶಕಾಗಿ
ಪ್ರಾಣ ತೆತ್ತ
ಹುತಾತ್ಮ
ವೀರಯೋಧನ
ಸಂಸ್ಕಾರದ ವಿಷಯ
ಕೊನೆ ಪುಟಕೆ!
***
ಶುದ್ಧ-ಅಶುದ್ಧ
ನಿಮ್ಮ
ಉದ್ದೇಶ್ಯಗಳು
ಶುದ್ಧ ಹಾಗೂ
ಪರಿಪೂರ್ಣವಾಗಿದ್ದರೆ
ನೀವಾರನ್ನೂ
ಕಳೆದುಕೊಳ್ಳಲಾರಿರಿ..
ಅಶುದ್ಢ ಹಾಗೂ
ಪರಿಪೂರ್ಣರಲ್ಲದ
ಜನರೇ
ನಿಮ್ಮನ್ನು
ಕಳೆದುಕೊಂಡು
ಪರಿತಪಿಸುವರು!
-ಕೆ ನಟರಾಜ್, ಬೆಂಗಳೂರು
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
