ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 14, 2024
ಅಪ್ಪನು ಹೋದರು ಸ್ನಾನವ ಮಾಡಲು
ನಂತರ ಪೂಜೆಯ ಮಾಡುವರು
ಅಣ್ಣನು ತಂಗಿಯು ಹೂಗಳ ಕೀಳಲು
ಹೂವಿನ ತೋಟಕೆ ನಡೆದಿಹರು
ಘಮ್ಮನೆ ಪರಿಮಳ ಬೀರುವ ಹೂಗಳು
ಮಲ್ಲಿಗೆ ಸಂಪಿಗೆ ಹೂವುಗಳ
ತುಳಸಿಯ ದಳಗಳ ಕಿತ್ತಿಹ ಸಂತಸ
ತುಂಬಿದೆ ಈ ಎಳೆ ಮನಸುಗಳ
ಕಿತ್ತಿಹ ಹೂಗಳ ಬುಟ್ಟಿಯಲಿರಿಸುತ
ನಡೆದರು ಮನೆಕಡೆ ಜೊತೆ ಸೇರಿ
ಬುಟ್ಟಿಯ ಹಿಡಿಯಲು ತನ್ನಲಿ ನೀಡಲು
ಕೇಳಿದ ತಂಗಿಯು ಹಟಮಾರಿ
ಎಡವಿದ ತಂಗಿಯ ಬುಟ್ಟಿಯ ಒಳಗಿನ
ಹೂಗಳು ಬಿದ್ದಿತು ಮಣ್ಣಿನಲಿ
ತಂಗಿಯ ನೋವನು ಅರಿತಿಹ ಅಣ್ಣನು
ಅಳದಿರು ಎಂದನು ಪ್ರೀತಿಯಲಿ||
-…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 13, 2024
ಮೌನವಾಗಿಯೆ ಮನವ ಸೇರಿದೆ
ಉಳಿದು ಮೆರೆಯುವೆ ಅಲ್ಲಿಯೇ||
ಮರೆತು ನನ್ನನೆ ನೆನೆವೆ ನಿನ್ನನೆ
ನೀನು ಮಾಡಿದ ಮೋಡಿಯೇ||೧||
ಕಣ್ಣಿನಲ್ಲಿಯೆ ಕಾವ್ಯ ಬರೆಯುವೆ
ನನ್ನ ಹೃದಯದ ಪುಟದಲಿ||
ನಿತ್ಯ ಪಠಿಸುತ ಮುದವಗೊಳ್ಳುವೆ
ಜೇನ ಸವಿಯಿದೆ ಅದರಲಿ||೨||
ನಿನ್ನ ನೆನಪಲಿ ಹಿಗ್ಗಿ ಮನವಿದು
ಅರುಣನೆದುರಿನ ತಾವರೆ||
ಬಾಳ ಪಯಣವು ಹಿತದ ಯಾನವು
ನನ್ನ ಜೊತೆಯಲಿ ನೀನಿರೆ||೩||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 12, 2024
ಮುದ್ದು ಕಂದ ಮುದ್ದು ಕಂದ
ನಿನ್ನ ಅಂದ ನೋಡಲೆಂತು ಚಂದ/
ಅಮ್ಮನ ಕಣ್ಣು ತಪ್ಪಿಸಿ ಬಂದ
ಆಡಲೆಂದು ತುಂಬಿದ ಮನದಿಂದ//
ತೆವಲಿ ತೆವಲಿ ಬಂದು ನಿಂದ
ಅಪ್ಪ ನಿಗೆ ಸಿಕ್ಕಿದ ನರಿ ಮರಿ ಯೊಂದ/
ಸಾಕಿದರು ಪ್ರೀತಿಯಲಿ ಬಹುದಿನದಿಂದ
ಸ್ನೇಹವು ಬೆಳೆಯಿತು ದಿನ ದಿನದಿಂದ//
ಒಟ್ಟಿಗೆ ಆಡುತ ಕುಳಿತಿಹ ಸೊಬಗದು
ಮೇಲಕೆ ನೋಡಲು ಕಂಡಿತು ಕಿವಿಯದು/
ಕೋಟಲಿರುವುದೆಂದು ತಿಳಿಯದಿರುವುದು
ಪ್ರಾಣಿಯೆಂದು ಹೆದರಿ ಕುಳಿತಿಹುದು//
ಆಡುವುದ ನಿಲ್ಲಿಸಿ ಓಡುವ ತರದಲಿಹುದು
ಅಮ್ಮನು ಹಾಕಿದ ಉಡುಪದು/
ಕಂದನಿಗೆಂದು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 11, 2024
ಗಝಲ್ - ೧
ಮೆಲ್ಲುಸಿರಿನ ಗಾಯನದಲ್ಲಿ ಅರಳಿಬಿಡೆ ನನ್ನವಳೆ
ಚೆಲುವಿನ ಅಪ್ಪುಗೆಯಲ್ಲಿ ನರಳಿಬಿಡೆ ನನ್ನವಳೆ
ಬೆಸುಗೆಯ ಬಂಧನದಲ್ಲಿ ಪ್ರೀತಿಯಿಲ್ಲವೆಂದೆ ಏಕೆ
ಹಿತವಾಗಿಯೆ ಬಿಗಿದಿರುವೆ ಕೆರಳಿಬಿಡೆ ನನ್ನವಳೆ
ತಂಪು ಹನಿಸುವ ಚಂದ್ರ ಇನ್ನೂ ಮುಳುಗಿಲ್ಲ ನೋಡು
ಹಾಸಿಗೆಯ ತುಂಬೆಲ್ಲ ಹೊರಳಿಬಿಡೆ ನನ್ನವಳೆ
ಆಲಿಂಗನ ಚೆನ್ನಾಟ ಕುಡಿನೋಟದ ಪ್ರೇಮದೊಸಗೆ
ಮುತ್ತುಗಳ ಮತ್ತಿನಲ್ಲಿ ಸುರುಳಿಬಿಡೆ ನನ್ನವಳೆ
ಕೈಹಿಡಿದ ಚೆಲುವನೀಗ ಬಿಡುವನೇನು ಹೇಳು ಈಶಾ
ಹಗಲು ಕಳೆದು ರಾತ್ರಿಗೆಲ್ಲ ಮರಳಿಬಿಡೆ ನನ್ನವಳೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 10, 2024
ತಮ್ಮಯ ಮರಿಗಳು ವಿದ್ಯೆಯ ಕಲಿಯಲಿ
ಎಂದನು ಕೋತಿಗಳೆಜಮಾನ
ಕಾಡಿನ ನಡುವಲಿ ಶಾಲೆಯ ತೆರೆಯಲು
ಮರ್ಕಟ ರಾಜನ ತೀರ್ಮಾನ
ಕೋತಿಯ ಮರಿಗಳು ಶಾಲೆಗೆ ಸೇರುತ
ವಿದ್ಯೆಯ ಚಂದದಿ ಕಲಿತಿಹವು
ವರ್ಷವು ಉರುಳಿತು ಈದಿನ ನಡೆವುದು
ಶಾಲೆಯ ವಾರ್ಷಿಕ ಉತ್ಸವವು
ನಾನಾ ಸ್ಪರ್ಧೆಯು ನಡೆಯುತಲಿರುವುದು
ಮರ್ಕಟ ಮರಿಗಳ ನಡುವಿನಲಿ
ಛದ್ಮ ವೇಷದ ಸ್ಪರ್ಧೆಗೆ ಮರಿಯಿದು
ಸಿದ್ಧವಿದಾಗಿದೆ ಹುರುಪಿನಲಿ
ಮಾನವ ವೃದ್ಧನ ವೇಷವ ಧರಿಸಿದೆ
ಉಡುಪಲಿ ಮೈಯನು ಮುಚ್ಚಿಹುದು
ವೃದ್ಧರ ತರದಲಿ ಊರುವ ಕೋಲನು
ಚಂದದಿ ಕರದಲಿ ಹಿಡಿದಿಹುದು
…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 09, 2024
ಸ್ನೇಹವೆಂಬ ಬೆಳಕ ಚೆಲ್ಲಿ ಸೂರ್ಯ ಮೂಡಿಲಿ
ರೋಷ ದ್ವೇಷ ಅಳಿಸಿ ಹಾಕಿ ಶಾಂತಿ ಮೂಡಲಿ
ಪ್ರೀತಿ ಎಂಬ ಕಿರಣದಿಂದ ಜೀವ ತುಂಬಲಿ
ಕೋಪವನ್ನು ತೊಡೆದು ಹಾಕಿ ಸ್ನೇಹ ಮೂಡಲಿ
ಅಂದವಾದ ಪ್ರಕೃತಿಯಿಂದ ಜಗವು ಬೆಳೆಯಲಿ
ಚಂದವಾದ ಹಕ್ಕಿ ಕೂಗಿ ಹರುಷ ನೀಡಲಿ
ಚಿನ್ನದಂತ ಕಿರಣದಿಂದ ಹೂವು ಅರಳಲಿ
ಬಣ್ಣ ಬಣ್ಣದ ಚಿಟ್ಟೆ ಕೂಡ ನಲಿದು ಕುಣಿಯ
ಮಧುರ ಕಂಠದಿಂದ ಕೋಗಿಲೆ ಹಾಡು ಹಾಡಲಿ
ಚದುರಿ ಹೋದ ಮನಸುಗಳನ್ನು ಒಂದು ಮಾಡಲಿ
ಎಂಥ ಚಂದ ಸೃಷ್ಟಿ ಸೊಬಗು ನೀವು ಕಾಣಿರಿ
ದೇವನಿತ್ತವರವನೆಂದು ಒಲ್ಲೆ ಎನದಿರಿ.
-ಕೆ.…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 08, 2024
ಮಂದಿ ವಾಸಕೆ ಸೂರು ನಿರ್ಮಿಸೆ
ಅರಸಿ ಜಾಗವ ಒಂದೆಡೆ
ಅಲ್ಲಿ ಬೆಳೆದಿಹ ವೃಕ್ಷ ಕಡಿವರು
ಸಸ್ಯಕೊದಗುವ ಹಿನ್ನಡೆ
ಅದುವೆ ಮರಗಳ ಕಾಂಡ ಬಳಸುತ
ಕಿಟಿಕಿ ಬಾಗಿಲು ಸಕಲವ
ಸಾಲದಾದರೆ ಉಳಿದ ಮರಗಳ
ನಡೆಸಿ ಮಾರಣ ಹೋಮವ
ಇಲ್ಲಿ ಓರ್ವನು ಮರವನುಳಿಸುತ
ಕಟ್ಟಿಕೊಂಡನು ಕಟ್ಟಡ
ಅವನ ಋಣವನು ಸಲಿಸುತಿರುವುದು
ಬಿಟ್ಟು ರುಚಿಕರ ಕಾಯ್ಗಳ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 07, 2024
ಕಾಡಿನ ನಡುವಲಿ ಹಾದಿಯು ತಪ್ಪಿತು
ನಾಡಿಗೆ ಬಂದಿತು ನರಿಯ ಮರಿ
ತಾಯಿಯ ಕಾಣದೆ ಚಿಂತೆಯು ಕಾಡಿತು
ನೋಡಿತು ಸುತ್ತಲು ಅದು ಹೆದರಿ
ಉದರದ ಒಳಗಡೆ ಹಸಿವಿನ ವೇದನೆ
ಎಳೆಮರಿ ತಿನ್ನುವುದೇನನ್ನು
ಪರಿಚಯವಿಲ್ಲದ ಜಾಗದಿ ಸಿಲುಕಿದೆ
ಯಾರನು ಕೇಳಲಿ ತಿನಿಸನ್ನು
ಅಂಜಿಕೆಯಿಂದಲಿ ಮುಂದಡಿ ಇಡುತಿರೆ
ಪಕ್ಕದೆ ಕಂಡಿತು ಕಂದನನು
ಮಗುವಿನ ಮೊಗದಲಿ ಶುದ್ಧದ ನಗುವಿದೆ
ನೋಡುತಲಿದ್ದನು ಮರಿಯನ್ನು
ಇಬ್ಬರು ಎಳೆಯರು ಆದರು ಗೆಳೆಯರು
ನೀಡಿದ ತಿನಿಸಲಿ ಪಾಲನ್ನು
ಅನುದಿನ ಸೇರುತ ಅಡುತಲಿದ್ದರು
ಸ್ನೇಹವು ಬೆಸೆದಿದೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 06, 2024
ಜಯ ಜಯ ಶಂಕರ ಸಾಂಬ ಸದಾಶಿವ
ಭಕ್ತರ ಪೊರೆಯುವ ಮಹಾದೇವ
ಕರವನು ಮುಗಿಯುತ ನಮಿಸುವೆ ಶಂಕರ
ನೀನಿಹ ಭೂಮಿಯೆ ಕೈಲಾಸ/
ಭಕ್ತಿಗೆ ಒಲಿಯುವ ಕರುಣಾ ಸಾಗರ
ಭಕ್ತರ ಮನದಲಿ ಸಾಕಾರ
ಮಣಿದಿಹ ಶರಣರ ಪೊರೆಯುವ ಈಶ್ವರ
ಭಜಿಸಿದೆ ಭಕ್ತರ ಪರಿವಾರ/
ಹಸಿರಿನ ಬನದಲಿ ಹಕ್ಕಿಗಳಿಂಚರ
ಶಂಕರ ನಾಮದ ಝೇಂಕಾರ
ಬಿಲ್ವವನರ್ಪಿಸಿ ಛಮೆಯನು ಪಠಿಸುತ
ಮಾಡುವೆ ಪೂಜೆ ಪುನಸ್ಕಾರ/
ಓಂಕಾರ ರೂಪಿ ತ್ರಿಶೂಲ ಪಾಣಿ
ಅಭಿಷೇಕ ಪ್ರಿಯನೆ ಗಂಗಾಧರ
ಚರಣಕೆ ಎರಗುತ ಕಷ್ಟವನರುಹಲು
ಮಾಡುವೆ ಕ್ಷಣದಲಿ ಪರಿಹಾರ/
ಜಗದಲಿ ದುರ್ಜನ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
January 05, 2024
ಸುಂದರ ಉಡುಪಲಿ ಹೊರಟುದು ಎಲ್ಲಿಗೆ
ಮೊದಲಿಗೆ ನುಡಿಯೆಯ ನೀನಾರು
ಉರಿಯುವ ಹಣತೆಯ ಹಣ್ಣೆಂದೆಣಿಸುತ
ಬೆಂಕಿಯ ಉರಿಯಲಿ ಬೀಳದಿರು
ತನುವಿಗೆ ಈತರ ಹಸಿರಿನ ಬಣ್ಣವ
ಚಂದದಿ ಯಾರದು ಹಚ್ಚಿದರು
ಹಸಿರಿನ ಮೇಲೆಯೆ ಬೆಳ್ಳನೆ ಗೆರೆಯನು
ಹೇಗದು ನೆಟ್ಟಗೆ ಎಳೆದಿಹರು
ನಿನ್ನನು ನೋಡಿದ ಚಿಣ್ಣರು ಹರ್ಷದೆ
ಕರೆದರು ನನ್ನನು ನೋಡೆಂದು
ಕೀಟವೊ,ಚಿಟ್ಟೆಯೊ ಏನೇ ಆಗಿರು
ಸೊಗಸಿಗೆ ಸೋತೆನು ನಾನಿಂದು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್