ಬಗೆ ಬಗೆ ಹೂಗಳು

ಅಪ್ಪನು ಹೋದರು ಸ್ನಾನವ ಮಾಡಲು

ನಂತರ ಪೂಜೆಯ ಮಾಡುವರು

ಅಣ್ಣನು ತಂಗಿಯು ಹೂಗಳ ಕೀಳಲು

ಹೂವಿನ ತೋಟಕೆ ನಡೆದಿಹರು

ಘಮ್ಮನೆ ಪರಿಮಳ ಬೀರುವ ಹೂಗಳು

ಮಲ್ಲಿಗೆ ಸಂಪಿಗೆ ಹೂವುಗಳ

ತುಳಸಿಯ ದಳಗಳ ಕಿತ್ತಿಹ ಸಂತಸ

ತುಂಬಿದೆ ಈ ಎಳೆ ಮನಸುಗಳ

ಕಿತ್ತಿಹ ಹೂಗಳ ಬುಟ್ಟಿಯಲಿರಿಸುತ

ನಡೆದರು ಮನೆಕಡೆ ಜೊತೆ ಸೇರಿ

ಬುಟ್ಟಿಯ ಹಿಡಿಯಲು ತನ್ನಲಿ ನೀಡಲು

ಕೇಳಿದ ತಂಗಿಯು ಹಟಮಾರಿ

ಎಡವಿದ ತಂಗಿಯ ಬುಟ್ಟಿಯ ಒಳಗಿನ

ಹೂಗಳು ಬಿದ್ದಿತು ಮಣ್ಣಿನಲಿ

ತಂಗಿಯ ನೋವನು ಅರಿತಿಹ ಅಣ್ಣನು

ಅಳದಿರು ಎಂದನು ಪ್ರೀತಿಯಲಿ||

-ಪೆರ್ಮುಖ ಸುಬ್ರಹ್ಮಣ್ಯ ಭಟ್ 

ಚಿತ್ರ ಕೃಪೆ: ಇಂಟರ್ನೆಟ್ ತಾಣ