ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 19, 2023
ಪರಶಿವನ ಆತ್ಮಜನೆ ಷಣ್ಮಖ ಸ್ವಾಮಿಯೇ/
ದುರಿತಗಳ ಪರಿಹರಿಸು ಕಾರ್ತಿಕೇಯನೇ//
ಸುಬ್ರಹ್ಮಣ್ಯದಲಿ ನೆಲೆನಿಂತ ಸುಬ್ಬಪ್ಪನೇ/
ಭಕ್ತರು ನಮಿಪರು ನಿನ್ನಂಘ್ರಿಗೆ ಸ್ಕಂದನೇ//
ದುಷ್ಟ ತಾರಕನ ಅಟ್ಟಹಾಸವ ಮೆಟ್ಟಿದವನೇ/
ಕಷ್ಟಗಳ ನಿವಾರಿಸಿ ಅನವರತ ಪೊರೆಯುವವನೇ//
ಪೂಜೆ ಉಪವಾಸ ವ್ರತ ನೇಮ ನಾಗರಾಜನೇ/
ಹಾಲು ಮೊಸರು ತುಪ್ಪ ಹೂಗಳ ನೈವೇದ್ಯ ಗೊಂಬವನೇ //
ಬ್ರಹ್ಮ ರಥೋತ್ಸವ ಪಲ್ಲಕ್ಕಿ ಮೆರವಣಿಗೆ ವಿಶೇಷನೇ/
ಕರ್ಮಗಳ ನಿವಾರಿಸಿ ಹರಸಿ ಪೊರೆಯುವವನೇ//
ಪಲ್ಲಪೂಜೆ ಬೀದಿ ಮೆರವಣಿಗೆ ವೈಭವ ಗುಹನೇ/…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 18, 2023
ಕಾರ್ತಿಕೇಯ ಸುಬ್ರಹ್ಮಣ್ಯ
ಚರಣಕೆರಗುವೆ
ಹರನ ಸುತನೆ ಗಣಪನನುಜ
ನಿನಗೆ ನಮಿಸುವೆ
ಕುಕ್ಕೆಯಲ್ಲಿ ನೆಲೆಸಿದಂಥ
ನಾಗರೂಪನೆ
ಮಾರ್ಗಶಿರದ ಷಷ್ಠಿ ದಿನದೆ
ಭಕ್ತಿ ವಂದನೆ
ಅಸುರರನ್ನು ಅಳಿಸಿದಂಥ
ಪುಣ್ಯ ದಿನವಿದು
ಜಗದಲಿರುವ ಶಿಷ್ಟ ಜನಕೆ
ಅಭಯವಿತ್ತುದು
ಸುರರ ಸೇನೆಗಧಿಪ ನೀನು
ಭಜಿಪೆ ನಿನ್ನನು
ನವಿಲನೇರಿ ಬಾರೊ ದೊರೆಯೆ
ಹರಸು ನಮ್ಮನು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 18, 2023
ನಯನವ ತೆರೆಯದೆ ಮುರಳಿಯ ನುಡಿಸುವ
ಕೃಷ್ಣನು ಮೈಯನು ಮರೆತಿಹನೆ
ಅಧರದಲಿರಿಸುತ ಊದುವ ಕೊಳಲನು
ರಾಧೆಯ ಮನದಲಿ ನೆನೆದಿಹನೆ
ನಾದವು ಹರಿಯಲು ತನ್ಮಯಗೊಂಡನೆ
ರಾಗಕೆ ಶ್ರೀಹರಿ ಸೋತಿಹನೆ
ತಾನೇ ನುಡಿಸುತ ಪರವಶಗೊಂಡನೆ
ಮಾಧವ ಏನಿದು ಈ ನಟನೆ
ಈ ಜಗದೊಡೆಯನೆ ನಿನ್ನನು ಅರಿಯಲು
ನನಗದು ಸಾಧ್ಯವೆ ಕೇಶವನೆ?
ಸೂತ್ರವು ನಿನ್ನದು ಪಾತ್ರವು ನನ್ನದು
ಪಾಲಿಸು ಕರುಣದಿ ಮುರಹರನೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 17, 2023
ಕೊಬ್ಬಿದ ಕೋಣಗಳೆರಡರ ಓಟವು
ಹಬ್ಬವು ನೋಡುವ ಕಣ್ಗಳಿಗೆ
ನಮ್ಮಯ ನಾಡಿನ ಜನಪದದಾಟವು
ಗಮ್ಮತ್ತೀವುದು ಮನಗಳಿಗೆ
ಕೋಣದ ಜೋಡಿಗೆ ನೊಗವಿದೆ ಹೆಗಲಿಗೆ
ಬಾಣದ ವೇಗವು ಗುರಿಯೆಡೆಗೆ
ನಮ್ಮಯ ನಾಡಲಿ ಮನೆಮಾತಾಗಿದೆ
ಹೆಮ್ಮೆಯು ನಮ್ಮ ಕರಾವಳಿಗೆ
ರೋಚಕ ಎನಿಸುವ ಆಟದ ವೈಖರಿ
ಯೋಚನೆ ಏತಕೆ ನೋಡುಗಗೆ
ನಾಡಿನ ಮಿತಿಯನು ಮೀರಿದ ಕ್ರೀಡೆಯು
ಓಡುತ ಬಂದಿದೆ ಬೆಂಗ್ಳೂರ್ಗೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 16, 2023
ಎಲೆಗಳ ಜೊತೆಯಲಿ ಹೂಗಳಿಗೀದಿನ
ನಡೆದಿಹ ಚಂದದ ಪಂದ್ಯವಿದು
ಎಲೆಗಳ ಲೆಕ್ಕವ ಮೀರಿಸಿ ಬಿರಿಯುವ
ಹೂಗಳ ಛಲವಿದು ಕಂಡಿಹುದು
ತರುವನು ಮರೆಸಲು ಪಣವನು ತೊಟ್ಟಿವೆ
ಅರಳಿದೆ ಹೂಗಳು ಘಮ ಘಮಿಸಿ
ಸುಂದರವೆನ್ನುವ ಪದವಿದು ಸಾಲದು
ಬಣ್ಣಿಸೆ ಕೊರತೆಯ ಪದವೆನಿಸಿ
ಬಯಲಿನ ನಡುವಲಿ ಮೊಳೆತಿಹ ಗಿಡವಿದು
ಹರಡಿದೆ ಕೊಂಬೆಯ ಸೊಗಸಾಗಿ
ಹಸಿರಿನ ಎಲೆಗಳ ಪರದೆಯಲಿರಿಸಿದೆ
ಗಿಡದಲಿ ತುಂಬಿದ ಹೂವಾಗಿ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಅಂತರ್ಜಾಲ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 15, 2023
ಪುರುಷರ ದಿನ!
ಪುರುಷರ ದಿನವಂತೆ
ಪುರುಷರ ದಿನ...!
ಕಂಡಿರುವಿರಾ
ಎಂದಾದರೂ
ಅವನ ಮುಖದಲಿ
ಹರುಷ...?
ಹುಟ್ಟಿನಿಂದ
ಸಾಯುವವರೆಗೂ
ಬರೀ ಕ್ಲೇಶ...
ಓ ಪುರುಷ-
ನೀನೆಲ್ಲಿ ಕಂಡೆಯೋ
ಸಂತೋಷ...!?
***
ಅತ್ಯುತ್ತಮ ತಂಡ-ಭಾರತ
ಈ ಬಾರಿ ವಿಶ್ವ ಕಪ್
ಸೋತರೇನು?
ಭಾರತೀಯರದು
ಪ್ರಪಂಚದ
ಅತ್ಯುತ್ತಮ
ತಂಡವೇ ಬಿಡಿ...
ಇದಕಿಂತಲೂ
ಹೆಚ್ಚಾಗಿ
ನಾವು ಗೆಲ್ಲಲು
ಹೊರಟಿಹೆವು
ವಿಶ್ವ ಭಾತೃತ್ವವೆಂಬ
ಹೃದಯದ ಗುಡಿ!
***
ಸ್ನೇಹಿತರು!
ಸಿದ್ರಾಮಣ್ಣ
ಡಿಕೆಶಿ-ಕುಮಾರಣ್ಣ
ಮೂವರೂ ರಾಜಕೀಯ
ಗರಡಿಯಿಂದ
ಬಂದವರೆ;…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 14, 2023
ಜಳಕಾವ ಮುಗಿಸ್ಕೊಂಡು ನಾಷ್ಟಕ್ಕೆ ಮಾಡಿವ್ನಿ
ಕಾಳುಗಳ ಹಾಕಿರುವ ಚಿತ್ರಾನ್ನ
ನೆತ್ತೀಯ ಮೇಲಿಂದ ಸುಡುತಾನೆ ನೇಸರನು
ಆಯ್ತಲ್ಲ ಬಲುಬೇಗ ಮಧ್ಯಾಹ್ನ
ಕುಡುಗೋಲು ಹಿಡ್ಕೊಂಡು ಹೋಗವ್ನೆ ಯಜಮಾನ
ತೋಟಾದ ಕಳೆಯ ತೆಗೆಯಾಕ
ಬೆಳಗಾನ ಹೋದವ್ನು ದುಡಿತಾನೆ ಉಳಿದವ್ನೆ
ಉಣ್ಣಾಕ ಮನೆಗೆ ಬಂದಿಲ್ಲ
ಎಷ್ಟೊಂದು ಹಸಿವಲ್ಲಿ ಕೂತಿಹನೋ ನನ್ನ ರಾಯ
ಬುತ್ತೀಯ ತೋಟಕ್ಕೆ ಒಯ್ತೀನಿ
ದೇಹಕ್ಕೆ ಬಲವೀಯೆ ದಾಹಕ್ಕೆ ಕುಡಿಯೋಕೆ
ಜೊತೆಯಲ್ಲಿ ಒಂದಿಷ್ಟು ಹಾಲನ್ನು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 13, 2023
ಗಝಲ್ ೧.
ಹಣ್ಣುಗಳು ಸಿಹಿಯಾಗಿದ್ದರು ಒಳಗೊಳಗೆ ಹುಳಗಳು ಇರಬಹುದು ಸತಿಯೆ
ಕಣ್ಣುಗಳು ಸುಂದರವಾಗಿದ್ದರು ಸುತ್ತಲು ಕಲೆಗಳು ಮೂಡಬಹುದು ಸತಿಯೆ
ಓಡುತ್ತಲೇ ಅವನು ಗಟ್ಟಿಯಾಗಿ ಅವಳ ತಬ್ಬಿ ಹಿಡಿದ ಯಾಕೋ ಕಾಣೆ
ಮನದೆನ್ನೆಯ ಕಂಪಲಿ ಸುವಾಸನೆಯ ಅಲೆಗಳು ಏಳಬಹುದು ಸತಿಯೆ
ಒಳ್ಳೆಯ ಮನುಷ್ಯರು ಬರುವವರೆಗೂ ಪ್ರೀತಿಯ ದಾರಿಯನ್ನು ಕಾಯೋಣ
ಕೆಟ್ಟವರ ಜಗತ್ತಿನಲ್ಲಿ ಕೆಲವೊಂದು ಚಿಗುರಿದ ಮರಗಳು ಕಾಣಬಹುದು ಸತಿಯೆ
ಹಸಿವು ಎಲ್ಲರಲ್ಲೂ ಇದೆ ಹಾಗೆಂದು ಯಾರೂ ಹೇಳಿಕೊಳ್ಳುವುದ ನಾನು ಕಾಣೆ
ಜೀವನದ ಸಂಜೆಯಲಿ ನಮ್ಮ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 12, 2023
ಬೆಂಕಿಯುಗುಳುವ ವೇಗದಿಂದಲಿ
ಚೆಂಡನೆಸದನೆ ಎಸೆವವ
ಭಯವ ತೋರದೆ ಅದನು ಎದುರಿಸಿ
ಆಡುತಿರುವನು ದಾಂಡಿಗ
ತನ್ನ ನಿಗದಿತ ಜಾಗದಲ್ಲಿಯೆ
ನಿಂತು ಆಡುತಲಿರುವನು
ಪೂರ್ಣ ಪರಿಣಿತ ಆಟಗಾರನು
ಭಯವನೇತಕೆ ಪಡುವನು?
ಉರಿವ ಸೂರ್ಯನು ಮುಗಿಸಿ ದಿನಚರಿ
ಶರಧಿ ಕಡೆಗವ ಸಾಗುತ
ಹೊಳೆವ ಚೆಂಡಿನ ತರದಿ ಕಾಣುವ
ರವಿಯ ಚೆಲುವಿದು ಅದ್ಭುತ
ಮುಳುಗೊ ಸೂರ್ಯನ ಆಟಗಾರನು
ಚೆಂಡು ಎನ್ನುವ ತರದಲಿ
ಬೀಸಿ ದಾಂಡನು ಭ್ರಮೆಯ ತರಿಸುವ
ಸೆಳೆವ ಯತ್ನವು ಮನದಲಿ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
December 11, 2023
ಪದಪುಂಜಗಳ ಎಳೆಯುತ
ಬರೆದೆ ಅಕ್ಷರಗಳ ಸಾಲು ಸಾಲು
ಕಾಲುವೆಯ ನೀರು ಹರಿಯುವ ಹಾಗೆ
ಬರೆದದ್ದು ಆಯ್ತು ಗದ್ಯವೋ ಪದ್ಯವೋ
ಓದಿದ್ದು ಆಯ್ತು ಕವನವೋ ಕವಿತೆಯೋ
ತ್ರಾಸದಿಂದ ಪ್ರಾಸ ಛಂದಸ್ಸು ಎಳೆದೆನೋ
ಬರೆದಿದ್ದೆಲ್ಲಾ ಕವಿತೆಯಾಗಲಿಲ್ಲ
ಪ್ರಾಸ ಜೋಡಿಸಿದ್ದೆಲ್ಲ ಕವನವಾಗಲಿಲ್ಲ
ನಾ ದೊಡ್ಡ ಕವಿ ಎಂದು ಬೆನ್ನು ತಟ್ಟಿಕೊಳ್ಳುತ್ತಿದ್ದೆ
ಲೇಖನ ಹಿಡಿದು ಲೇಖನಿ ಬರೆದಾಯಿತು
ಸಾಹಿತ್ಯ ಬರೆದು ಬರೆದು ನಾನಾಗಲಿಲ್ಲ ಕವಿ
ಅನ್ನಿಸುತ್ತಿತ್ತು ಆದೇ ನೆನೋ ಬರೀ ಭಾವಜೀವಿ.
-ಚಂದ್ರಶೇಖರ ಶ್ರೀನಿವಾಸಪುರ, ಕೋಲಾರ …