ಗುರುವಂದನ..!

 ತಾನುರಿದು ಹಲವು ಜ್ಯೋತಿಗಳುರಿಸಲು

ಕಾರಣನಾದ ತ್ಯಾಗಿಯೇ...

ಬದುಕ ಪಥದಲಿ ಮಾರ್ಗದರ್ಶಕ

ಮಾದರಿಯಾದ ಯೋಗಿಯೇ.....

ಆದರ್ಶವೆಂಬೀ ಪದಕೆ ಅರ್ಥ

ಸಾರ್ಥಕ್ಯ ನೀಡಿದ ಆದರ್ಶಿಯೇ.....

ನಿ ನೀಡಿದ ದಾನಕ್ಕೆ,

ಹೃದಯ ತನ್ನಿರುವ ಮರೆತು

ಅಂಗೈಗಳಿಗಿಳಿದಿದೆ...

ಮುಗಿದ ಕರಗಳಲಿ ಅಡಗಿ

ಮಿಡಿದಿದೆ ಎಲ್ಲರೆದೆಗಳಲಿ

ನಮೋನ್ನಮ; ಎಂದು....!!

ಗುರು ನೀ ಧನ್ಯ..!

ಇಳೆಗೆ ಅಮೃತದ ಸವಿಯನುಣಿಸುತಿರುವ

ನಿನ್ನ ಬದುಕದು ಧನ್ಯ..!!

ಓ ಮಹಾನ್ ಚೇತನ...!

ನೀ ನಮ್ಮೀ ಭವ್ಯಸಂಸ್ಕೃತಿಯ ಕಣಜ.!

ಅದನ ಎಲ್ಲರೆದೆಗಳಲಿ..

ನಾಟಿ ಮಾಡುವ ನೀ ಅಮರ...!

ಅಮರವೆಂಬೀ ಪದಕ್ಕೊಂದು

ಅರ್ಥ ನಿನ್ನಿಂದ......!!!!