ನೀ ಎಲ್ಲಿ?

ಅಂದು  ನಿನ್ನ  ಮಿಂಚು  ಮೊಗದಲ್ಲಿ,

  ಮೂಡಿದ್ದ  ,ಆ ಪ್ರೀತಿಯ  ಚೆಲುವು  ಎಲ್ಲಿ?

 ಆ  ಬಳಕುವ   ನಿನ್ನ  ನಡುವಿನಲ್ಲಿದ್ದ

ರಸ  ತುಂಬುವ  ಜಾಣದ  ಬಿಂಕವೆಲ್ಲಿ?

ಆಂದು  ನೀ  ಕನಸ್ಸಿನಲ್ಲಿ   ನನ್ನನಪ್ಪಿ  ಮುತಿಟ್ಟು  ರಮಿಸಿದ  

 ಪ್ರೀತಿಯ  ಚಿಲುಮೆಯ  ತುಂಟಾಟವೆಲ್ಲಿ?

 ಮನದ   ಬಯಕೆಯ  ಭರದಾಟದಲ್ಲಿ  ಭ್ರಮೆಹಿಡಿಸಿದ್ದ

ಆ  ಕಣ್ಣ   ಸೌಂದರ್ಯದ  ಮಿಂಚು  ಮಾಟವೆಲ್ಲಿ?

ಸುಪ್ಪತ್ತಿಗೆಯ  ಸುರೆಯ  ಮತ್ತಿನಲ್ಲಿ  ನಮ್ಮಿಬ್ಬರ

ಸಾನಿಧ್ಯ  ತಪ್ಪಿಸಿದ್ದ  ಆ  ಒರಟುತನದ  ರಕ್ಷೆ  ಎಲ್ಲಿ?

ಎಲ್ಲಲ್ಲೂ  ಹರಿದ  ಮನ,  ಗಲ್ಲಿಗಲ್ಲಿ  ಸುತ್ತಿ

ದಣಿದು  ಮನದಂಗಳೆಯ  ನೆನೆದ  ನನ್ನಮನ,

 ನಿನ್ನಂಗಳ  ಹೊಕ್ಕಿ  ಕಂಗಳಲ್ಲೆ   

ರಮಿಸಿದ  ಆ  ಭಾವಮಂದಿರದ

ನನ್ನ  ಚೇತನ  ಚೆಲುವೆ  ನೀನೆಲ್ಲಿ?