ಹನಿಗಳು ಸರ್ ಹನಿಗಳು !

ನೀವು ಬರೆದ

ಕವನವ ಓದಲು

ಕಷ್ಟವೆನಗೆ !

ನಾನು ಬರೆದ

ಕವನವ ಓದಲು

ಕಷ್ಟ ನಿಮಗೆ

ಕಾರಣ ಬಿಡಿ

ನೀವು ನನಗಿದ್ದರೆ

ನಾ ನಿಮಗಿಹೆ !

***

ಹೆಸರು ಪ್ರಶಸ್ತಿಗಾಗಿ

ಸಾಸಿವೆ ಕದ್ದರೂ ಕಳ್ಳನೆ ಆನೆಯ ಕದ್ದರೂ ಕಳ್ಳನೆ

ಚೂರು ಬೇರೆಯವರ ಬರಹವ ಕದ್ದರೂ ಚೌರ್ಯ

ಇಡೀ ಸಾಲುಗಳನು ತನ್ನದೆಂದು ಬರೆದರೂ ಚೌರ್ಯ

ಒಳ್ಳೆಯದೇ ಕವಿ ಲೋಕಕ್ಕೆ ತಿಳಿಯದಾದೆಯಾ ಮಳ್ಳನೆ

***

ಬದುಕೇ ಬರಡಾಗಿರುವಾಗ 

ಮಾತು ಬರುವುದೆ ಹೇಳು

ಕಣ್ಣೀರಿನ ಸಂತೆಯೊಳಗೆ 

ನನ್ನಿರುವಿನ ಬಾಳು

***

ನನ್ನ ಸೋಲೇ ಗೆಲುವಿಗೆ ದಾರಿಯಾಯ್ತು

ನನ್ನ ಗೆಲುವಿಗೆ ಬೆನ್ನೆಲುಬಾದವರಿಗೆ 

ಗೆಲುವಿನಲ್ಲೂ ತಲೆ ಬಾಗಿ ಸೋಲುತ್ತೇನೆ ! 

***

ಅಭಿನಂದನೆಗಳ ಪಡೆಯಲು 

ಇರಬೇಕು ಯೋಗ

ಜೀವನದಿ ನನಸುಗಳೆ ಇರಲು 

ಬರಬೇಕು ಯೋಗ

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ