ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ನಾನು ರಾಮಸುಬ್ಬ. ಹೇಳಿಕೇಳಿ ರಾಯಲಸೀಮೆಯ ಬೆಂಗಾಡಿನ ಒಂದು ಕುಗ್ರಾಮ ನಮ್ಮೂರು. ಈ ಬಡಹಳ್ಳಿಯ ಸರ್ಕಾರೀ ಶಾಲೆಯಲ್ಲಿನ ಏಕೈಕ ಶಿಕ್ಷಕನಾಗಿ ನಾನು ದುಡಿಯುತ್ತಿದ್ದೇನೆ. ಶಿಕ್ಷಣ ನೀಡುವುದು ನನ್ನ ವೃತ್ತಿ ಮಾತ್ರವಲ್ಲ ಅದು ನನ್ನ ಜೀವನದ ಧರ್ಮ. ಜೀವನದಲ್ಲಿ ಓದು ತುಂಬಾ ಮುಖ್ಯ.

ಓದದ ಬಾಯದು ತಾನ್ ಮೇದಿನಿಯೊಳ್ ಬಿಲದ ಬಾಯ್

ಎಂದು ಹಿರಿಯರಾಡಿದ ಮಾತಿದೆಯಲ್ಲವೇ? ನನ್ನ ಈ ಹಳ್ಳಿಯ ಮಕ್ಕಳು ವಿದ್ಯಾವಂತರಾಗಿ ಹಳ್ಳಿಯ ಹೆಸರನ್ನು ಜಗದ್ವಿಖ್ಯಾತಗೊಳಿಸಬೇಕು ಎಂಬುದು ನನ್ನ ಬಯಕೆ.
ಜೀವನೋಪಾಯಕ್ಕಾಗಿ ನನಗೆ ಪೂರ್ವಜರಿಂದ ಬಂದ ಜಮೀನು ಇದೆ. ಆದರೆ ಬರೀ ಕಲ್ಲು ತುಂಬಿದ ಈ ಬರಡು ಭೂಮಿಯಲ್ಲಿ ಮಳೆಯ ನೀರನ್ನೇ ನೆಚ್ಚಿಕೊಂಡು ಬೆಳೆ ತೆಗೆಯುವುದೇನೂ ಸುಲಭದ ಮಾತಲ್ಲ. ನಮ್ಮಲ್ಲಿನ ಕಲ್ಲುಗಳೋ ಒಂಥರಾ ವಿಚಿತ್ರ. ಅವು ಪದರ ಪದರಗಳಾಗಿ ನೆಲದಾಳದಿಂದ ಗುಡ್ಡಬೆಟ್ಟಗಳಾಗಿ ಮೇಲೆದ್ದಿರುವ ಸ್ಲೇಟುಕಲ್ಲುಗಳು. ಅವುಗಳ ಬಣ್ಣಗಳೂ ವಿಭಿನ್ನ. ಕಪ್ಪು, ಹಸಿರು, ಬಿಳಿ, ಹಳದಿ ಇತ್ಯಾದಿ. ಈಗೀಗ ಇವಕ್ಕೆ ಒಳ್ಳೆಯ ಮಾರುಕಟ್ಟೆಯೂ ಇದೆ.
ಅಂದ ಹಾಗೇ ಬೆಲಂ ಎಂಬುದು ನಮ್ಮೂರಿನ ಹೆಸರು. ಪುಸ್ತಕ ಭಾಷೆಯ ಇಕಾರವೆಲ್ಲ ನಮ್ಮಲ್ಲಿನ ಆಡುಮಾತುಗಳಲ್ಲಿ ಎಕಾರವಾಗಿ ಬದಲಾಗುತ್ತವೆ. ಹಾಗೆಯೇ ಬಿಲ ಎಂಬುದು ಬೆಲವಾಗಿ ಕೇಳಿಸಿದರೆ ಅದರಲ್ಲಿ ನಮ್ಮ ತಪ್ಪೇನೂ ಇಲ್ಲ. ಎಂಥೆಂಥದೋ ಒಳ್ಳೊಳ್ಳೆಯ ಹೆಸರುಗಳು ಇರುವಾಗ ನಮ್ಮೂರಿಗೇಕೆ ಇಂಥ ಚೆಂದವಿಲ್ಲದ ಹೆಸರು ಎಂದು ನಾನು ಎಷ್ಟೋ ವೇಳೆ ಯೋಚಿಸಿದ್ದಿದೆ. ನಮ್ಮೂರಿನಲ್ಲಿ ಓದದ ಬಾಯಿಗಳು ಬಹುಸಂಖ್ಯೆಯಲ್ಲಿವೆ ಎಂಬ ಒಂದೇ ಕಾರಣಕ್ಕೆ ಇಡೀ ಊರನ್ನು ಈ ಹೆಸರಿಂದ ಕರೆಯಬಹುದೇ? ಶುದ್ಧ ಅವಮಾನ. ಹಾಗೆ ನೋಡಿದರೆ ಅವಿದ್ಯಾವಂತರು ಬಹುಸಂಖ್ಯೆಯಲ್ಲಿರುವ ಎಷ್ಟು ಊರುಗಳಿಲ್ಲ! ನಮ್ಮೂರಿಗೆ ಬಿಲ ಎಂದು ಹೆಸರು ಬರಲು ಬೇರೆ ಏನೋ ಕಾರಣ ಇರಲೇಬೇಕು.
ಬಿಸಿಲುಗಾಲದ ಹಗಲಿನಲ್ಲಿ ನಮ್ಮೂರಿನಲ್ಲಿ ಹೊರಗೆ ಅಡಿಯಿಡುವುದೇ ದುಸ್ತರ. ಆಗ ಬಿಸಿಲು ಬೆಂಕಿಯಂತೆ ಬೇಯುತ್ತಿರುತ್ತದೆ. ಹಗಲಿಡೀ ಬಿಸಿಲಿಗೆ ಬೆಂದ ಬಂಡೆಗಳು ರಾತ್ರಿಯಲ್ಲಿ ನಿಟ್ಟುಸಿರು ಬಿಡುವುದರಿಂದ ನಮಗೆ ಸೆಕೆಯೋ ಸೆಕೆ. ಆದರೆ ಮಳೆಗಾಲದಲ್ಲಿ ಪರವಾಗಿಲ್ಲ. ಹಗಲು ಬಿಸಿಲು ರಾಚಿದರೂ ರಾತ್ರಿ ವೇಳೆಗೆ ಎಲ್ಲಿಂದಲೋ ತಂಗಾಳಿ ಬೀಸುವುದರಿಂದ ವಾತಾವರಣ ತಂಪಾಗುತ್ತದೆ.

ಗೋರಖ್ ಪುರಕ್ಕೆ ಹೋಗಬೇಕು, ಸಿದ್ಧರಾಗಿ ಎಂದು ಮೇಲಧಿಕಾರಿಗಳಿಂದ ಕರೆ ಬಂದಾಗ ಮನಸ್ಸು ಗೋರಖ ಎಂಬ ಹೆಸರಿನ ಬಗ್ಗೆ ಚಿಂತಿಸತೊಡಗಿತು. ಉತ್ತರ ಭಾರತೀಯರು ಲಕ್ಷ ಎನ್ನುವ ಕಡೆ ಲಖ ಎಂದು ಉಚ್ಛರಿಸುತ್ತಾರಷ್ಟೆ, ಹಾಗಿದ್ದಲ್ಲಿ ಗೋರಖ, ಗೋರಕ್ಷ ಇರಬಾರದೇಕೆ ಎಂದೆನ್ನಿಸಿತು.ಗೋರಕ್ಷ ಎಂದಾಕ್ಷಣವೇ ನಮ್ಮ ವಚನ ಚಳವಳಿಯ ಅಲ್ಲಮ ನೆನಪಿಗೆ ಬಂದ. ಜೈನ ಧರ್ಮದ ಬಾಹುಳ್ಯ ಹೆಚ್ಚಿ, ಶೈವ ಸಿದ್ಧಾಂತಗಳು ಮೂಲೆಗುಂಪಾಗಿ ಅಸಹನೀಯವೆನಿಸತೊಡಗಿದ್ದ ಕಾಲದಲ್ಲಿ ತನ್ನ ಸನ್ನಡತೆಯ ನಿಮಿತ್ತ ಜನಪ್ರಿಯನಾಗಿದ್ದ ಒಬ್ಬ ಸರ್ಕಾರಿ ಅಧಿಕಾರಿ ಬಸವಣ್ಣನಿಂದಾಗಿ ಶೈವ ಧರ್ಮದ ಅನುಯಾಯಿಗಳು ಬೀದಿ ಬೀದಿಯಲ್ಲೂ ಧೈರ್ಯದಿಂದ ಮಾತಾಡತೊಡಗಿದ್ದ ಕಾಲವದು. ಅದೇ ಗುಂಪಿನ ಅದೇ ಗುಂಗಿನ ಅಲ್ಲಮನೆಂಬ ಅಲೆಮಾರಿ ಊರೂರು ಸುತ್ತಿ ಶೈವ ಸಿದ್ಧಾಂತಗಳ ಪುನರ್ ನವೀಕರಣದಲ್ಲಿ ತೊಡಗಿದ್ದ. ಅದೇ ಸಂದರ್ಭದಲ್ಲಿ ಸಿದ್ಧರಾಮನೆಂಬ ಒಬ್ಬ ಜನೋಪಕಾರಿ ಇಂಜಿನಿಯರನು ಜನಹಿತಕ್ಕಾಗಿ ಜನರಿಂದಲೇ ಶ್ರಮದಾನ ಪಡೆದು ಕೆರೆ ಕಾಲುವೆಗಳನ್ನು ಕಟ್ಟಿಸಿ ಜನಸೇವೆ ಮಾಡುತ್ತಿದ್ದ. ಹೀಗೆ ಒಂದು ರೀತಿಯಲ್ಲಿ ಸಾಮಾಜಿಕ ಸುಧಾರಣೆಯಲ್ಲಿ ತೊಡಗಿದ್ದ ಅವನನ್ನು ಕುಹಕಿಗಳು ಒಡ್ಡರಾಮನೆಂದೂ ಕರೆಯುತ್ತಿದ್ದರು. ವೀರಶೈವ ಮತ ಪ್ರಚಾರದಲ್ಲಿ ತೊಡಗಿದ್ದ ಅಲ್ಲಮ ಸಿದ್ಧರಾಮನಲ್ಲಿಗೆ ಬಂದು ಜನಸೇವೆಯೊಂದಿಗೆ ಲಿಂಗ ಸೇವೆಯನ್ನೂ ಮಾಡಲೆಳಸಿದ. ವಾದ ವಿವಾದ ತರ್ಕ ವಿತರ್ಕಗಳು ನಡೆದು ಸಿದ್ಧರಾಮ ಷಟ್ ಸ್ಥಲ ಸಿದ್ಧಾಂತಕ್ಕೆ ಒಲಿದನೋ ಇಲ್ಲವೋ ತಿಳಿಯದು.ಹೀಗೆ ಅಲ್ಲಮ ಭೆಟ್ಟಿಯಾದ ಮತ್ತೊಬ್ಬ ಗಣ್ಯ ಗೋರಕ್ಷ. ಈತ ನಾಥಪಂಥದ ಯೋಗಿ, ಆಗ್ಗೆ ಸುಮಾರು ಇನ್ನೂರು ಮುನ್ನೂರು ವರ್ಷಗಳಿಂದ ಪ್ರಚಲಿತವಾಗಿದ್ದ ಈ ಪಂಥದ ಅನುಯಾಯಿಗಳು ಹಿಮಾಲಯದ ಬುಡದಲ್ಲೂ ಕೃಷ್ಣೆ ಕಾವೇರಿಯರ ಕಣಿವೆಯಲ್ಲೂ ಪಸರಿಸಿದ್ದರು. ಅಲ್ಲೆಲ್ಲಾ ಅವರು ಮಠಗಳನ್ನು ಸ್ಥಾಪಿಸಿ ಕಠಿಣಯೋಗ ಮತ್ತು ಸನ್ಯಾಸತ್ವವನ್ನು ಸಾಧಿಸಿ ಜೀವಿಸುತ್ತಿದ್ದರು. ಅವರು ಗುರುವಿಗೆ ತುಂಬಾ ಗೌರವ ಮಹತ್ವಗಳನ್ನು ನೀಡುತ್ತಿದ್ದರು. ಶಿವನೇ ಪರಮಗುರು ಹಾಗೂ ಪರಮಯೋಗಿ, ಸಾಧನೆಯಿಂದ ತಾವೂ ಶಿವನ ಸ್ಥಾನಕ್ಕೇರಬಹುದು. ಉಳಿದೆಲ್ಲ ಮಂದಿ ತಮ್ಮ ನೆಲೆಗೆ ನಿಲುಕದ ಹುಲುಮಾನವರೆಂದು ಬಗೆದಿದ್ದವರು. ಅಲ್ಲಮನ ಪ್ರತಿಪಾದನೆಯೂ ಹೆಚ್ಚು ಕಡಿಮೆ ಇದೇ ಆಗಿತ್ತು. ಆದರೆ ಹುಲು ಮಾನವರನ್ನೂ ಶಿವನತ್ತ ಸೆಳೆಯುವ ದೊಡ್ಡ ಆದರ್ಶ ಅವನಿಗಿತ್ತು. ಹೀಗೆ ಗೋರಕ್ಷನ ವಜ್ರಕಾಯದ ಪರೀಕ್ಷೆ ಅಲ್ಲಮನ ನಿರೀಶ್ವರ ಕಾಯದ ಪರೀಕ್ಷೆಗಳು ನಡೆದು ಇಬ್ಬರೂ ಸಮಬಲರಾಗಿ ನಿಲ್ಲುತ್ತಾರೆ. ಗೋರಕ್ಷ ಕೊನೆಗೆ ತನ್ನ ದಾರಿ ತನಗೆಂದು ಹೊರಟುಬಿಡುತ್ತಾನೆ.

ಐರೋಪ್ಯನಾಡುಗಳಿಂದ ಆಗಮಿಸಿ ಅಂದು ಧರ್ಮಪ್ರಚಾರದಲ್ಲಿ ತೊಡಗಿಸಿಕೊಂಡಿದ್ದ ಮಿಷನರಿಗಳು ಪ್ರತಿವರ್ಷವೂ ತಮ್ಮ ಸಾಧನೆಗಳ ಕುರಿತಂತೆ ತಮ್ಮ ವರಿಷ್ಠರಿಗೆ ವಿಸ್ತೃತ ವರದಿಗಳನ್ನು ಕಳಿಸಬೇಕಾಗಿತ್ತು. ಆ ವರದಿಗಳು ಪ್ರಚಾರಕಾರ್ಯದ ಸಾಧ್ಯಾಸಾಧ್ಯತೆ, ಅದಕ್ಕಿರುವ ವಿಘ್ನಗಳು, ಅಂದಿನ ಸಾಮಾಜಿಕ ಪರಿಸ್ಥಿತಿ, ಸಮಕಾಲೀನ ರಾಜಾಳ್ವಿಕೆಗಳು, ಯುದ್ಧಗಳು, ಜನರ ಮನೋಭಾವ, ಜೀವನಶೈಲಿ, ಆಚಾರವಿಚಾರ, ಸಂಸ್ಕೃತಿ, ಅಂದಿನ ರಾಜರುಗಳ ಏಳುಬೀಳು ಹಾಗೂ ಅವರ ಬಲಾಬಲಗಳ ಬಗ್ಗೆ ನಿಷ್ಪಕ್ಷಪಾತವಾದ ಕನ್ನಡಿ ಹಿಡಿದಿವೆ. ಮಿಷನರಿಗಳು ಅವುಗಳನ್ನೆಲ್ಲ ಅಧ್ಯಯನ ಮಾಡಿ ನಗಣ್ಯವೆನಿಸಬಹುದಾದ ಸಣ್ಣ ವಿವರವನ್ನೂ ದಾಖಲಿಸುವುದರ ಜೊತೆಗೆ ತಾವು ಆ ವರ್ಷ ಎಷ್ಟು ಜನರಿಗೆ ಕ್ರೈಸ್ತದೀಕ್ಷೆ ನೀಡಿದರೆಂಬುದರ ಲೆಕ್ಕ ಹೇಳಬೇಕಿತ್ತು. ಇದರೊಂದಿಗೆ ಧರ್ಮಪ್ರಚಾರಕಾರ್ಯದಲ್ಲಿ ಅವರು ಅನುಭವಿಸುತ್ತಿರುವ ಕಷ್ಟಸಂಕಟ ಯಾತನೆಗಳ ಚಿತ್ರಣವೂ ಇರುತ್ತಿತ್ತು. ಜೆಸ್ವಿತ್ ಪತ್ರಗಳು ಎನಿಸಿಕೊಳ್ಳುವ ಈ ವಾರ್ಷಿಕ ವರದಿಗಳು ಕ್ರಿಸ್ತಶಕ ೧೬೪೦ ರಿಂದ ೧೭೫೦ ಅವಧಿಯವಾಗಿದ್ದು ಲತೀನ್, ಸ್ಪಾನಿಷ್, ಪೋರ್ಚುಗೀಸ್, ಫ್ರೆಂಚ್ ಭಾಷೆಗಳಲ್ಲಿ ಬರೆಯಲಾಗಿವೆ. ಇಂದಿಗೂ ಈ ವರದಿಗಳನ್ನು ಕ್ರೈಸ್ತ ಜಗದ್ಗುರುಪೀಠವಿರುವ ವ್ಯಾಟಿಕನ್ನಿನ ಗ್ರೆಗರಿಯನ್ ವಿಶ್ವವಿದ್ಯಾಲಯದ ಪತ್ರಾಗಾರದಲ್ಲಿ ಸಂಗ್ರಹಿಸಿಡಲಾಗಿದೆ.
ಜೆಸ್ವಿತ್ ಪತ್ರಗಳನ್ನು ಇತಿಹಾಸಾಧ್ಯಯನದ ದೃಷ್ಟಿಯಿಂದ ಅವಲೋಕಿಸಿದರೆ ರಾಜರುಗಳ ಪೂರ್ವೋತ್ತರಗಳಕುರಿತ ವರದಿಗಳು ಕರ್ನಾಟಕದ ಇತಿಹಾಸದ ಪುನರ್ ರಚನೆಗೆ ಕಾರಣವಾಗಿವೆ ಎಂದು ಘಂಟಾಘೋಷವಾಗಿ ಹೇಳಬಹುದು. ನಮ್ಮ ದೇಶದ ಪ್ರಾಚೀನ ಇತಿಹಾಸದ ದಾಖಲಿಸುವ ಸಂದರ್ಭದಲ್ಲಿ ಸ್ಥಳೀಯ ಬರಹಗಾರನಿಗೆ ತನ್ನೊಡೆಯನ ಉಪ್ಪಿನ ಋಣವೇ ಭಾರವಾಗುವುದರಿಂದ ಆತ ಒಡೆಯನ ಉನ್ನತಿಯ ವಿಷಯಗಳನ್ನಷ್ಟೇ ದಾಖಲಿಸುತ್ತಾನೆ, ಅವನತಿಯ ವಿಷಯಗಳನ್ನು ಮರೆಮಾಚುತ್ತಾನೆ. ಆದ್ದರಿಂದ ನಮ್ಮ ದೇಶದ ಚರಿತ್ರೆಯನ್ನು ಪುನರ್ ನಿರೂಪಿಸುವಾಗ ನಮ್ಮ ನಾಡಿನ ಆಕರಗಳು ಪೂರ್ಣ ನ್ಯಾಯ ಒದಗಿಸುವುದಿಲ್ಲ. ಆದರೆ ವಿದೇಶೀ ವ್ಯಕ್ತಿಗೆ ಈ ಹಂಗು ಇರುವುದಿಲ್ಲವಾದ್ದರಿಂದ ಆತ ಇತಿಹಾಸವನ್ನು ನಿಷ್ಪಕ್ಷಪಾತವಾಗಿ ದಾಖಲಿಸುತ್ತಾನೆ. ಈ ಒಂದು ದೃಷ್ಟಿಯಿಂದ ಜೆಸ್ವಿತ್ ಪತ್ರಗಳ ಬೆಳಕಲ್ಲಿ ನಮಗೆ ನಮ್ಮ ನಾಡಿನ ಇತಿಹಾಸದ ಸ್ಪಷ್ಟ ದೃಶ್ಯಗಳು ಕಾಣತೊಡಗುತ್ತವೆ.

ಕೆಲವು ಆಲೋ(ಯೋ)ಚನೆಯ ಹನಿ" ಗಳು...ಇದಕ್ಕೆ ಒಂದು ಶೀರ್ಷಿಕೆ ಹುಡುಕಿ ಪ್ಲೀಸ್....

~ ವಿಧುರ ವಿಧವೆಯನ್ನು ಮದುವೆಯಾದರೆ.....ಬಾಳು ಮಧುರವಾಗಬಹುದಲ್ಲವೇ....

~ ಈಗಿನ ಕೆಲವು ಹುಡುಗಿಯರು ಬಟ್ಟೆ ಧರಿಸುತ್ತಾರೆ..... ಅಂಗಪ್ರದರ್ಶನ ಗ್ಯೆಯಲು!!!..

~ ಮನದಾಳದಲ್ಲಿನ ಅಪರಿಚಿತ ಶಬ್ಧಗಳ ತುಡಿತ.....ಪರಿಚಿತ ಶಬ್ಧಗಳ ತನಿಖೆ...ವಿಚಾರಣೆಯಾಗಿರಬಹುದೇ....(?)

! ಹನಿಗವನಗಳು !

ಪರೀಕ್ಷೆ...
ವಿದ್ಯಾರ್ಥಿಗಳ
ಬಾಳಿನ
ನಾಳಿನ
ನಿರೀಕ್ಷೆ...?

!!!ಭಗವಂತ!!!
ಜನರನ್ನು
ತನ್ನ ವಿಧ ವಿಧವಾದ
ವೇಷ ಭೂಷನಗಳಿಂದ
ಹೆದರಿಸಿ ಬೆದರಿಸಿ
ಕಾಪಾಡುವವ...(?)

- ಬಹುಮಾನ... -

ಪ್ರೀತಿಯ
ಆಟದಲ್ಲಿ ಸೋತ ...
ಗೆಳತಿಗೆ
ಗೆಳೆಯನು
ಕೊಟ್ಟ
ಮಗು ! ಎಂಬ
ಬಹುಮಾನ...

! ಕುರಿಗಳು ಸಾರ್...
ಹುಟ್ಟಿದ್ದು, ಬೆಳೆದದ್ದು
ಸಸ್ಯಹಾರಿಯಾಗಿ...
ಸತ್ತದ್ದು
ಮಾತ್ರ
ಮಾಂಸಹಾರಿಗಾಗಿ....

ಬರ್ತ-ಮಾಯ್ಸರ ಹರಟೆ
-----------
ಮಾಯ್ಸ: ಏನಣ್ಣ, ಬರ್ತಣ್ಣ ಏನ್ ಪತ್ತೇನೆ ಇಲ್ಲ. ಎಲ್ಗೆ ಓಗಿದ್ದಣ್ಣ?
ಬರ್ತ:  ಇದ್ಯಾಕಣ್ಣ ನಾನು ನಿಂಗೆ ದೂರುಲಿ ಮಾಡಿರ್ನಿಲ್ವ  ಕಿಸುವೊಳಲಿಂದ. ಯೋಳಿದ್ನಲ್ಲಪ್ಪ ತಿರುಳ್ಗನ್ನಡ ನಾಡು,ಬೇಂದ್ರೆ ನಾಡು ಸುತ್ತಕ್ಕೆ ಹೊಂಟಿವ್ನಿ ಅಂತ. ನೀನೊಳ್ಳೆ

ಎಂದೋ ಕಲಚಿದಕೊಂಡಿ
ಮತ್ತೆ ಕೂಡಿಕೊಂಡಾಗ
ಸಂತಸದ ಹೊನಲು
ಮುಟ್ಟಿತ್ತು ಮುಗಿಲು

ಯಾರ್ಯಾರು ಎಲ್ಲೆಲ್ಲಿ
ಏನೇನು ಮಾಡುವರು
ಮಾಸಿ ಮರೆಯಾಗಿರುವ
ನೆನಪುಳಿಸಿ ಹೊಂಟವರು

ಒಮ್ಮೆ ನೋಡಿಬರುವೆ
ಇರುವ ಗೆಳೆಯರನೆಲ್ಲ
ಕಡೆತನಕ ಹಿಡಿಯುವೆನು
ಕೂಡಿರುವ ಕೊಂಡಿಯನು

ಹಳೆಯ ನೆನಪೇ
ಚುಚ್ಚದಿರು ಮತ್ತೆ ಮತ್ತೆ
ಮರೆಯಲೆಂದೇ ನಿನ್ನ
ಸೋತಿಹೆನು ಪ್ರತಿದಿನ

ಕಹಿಯಾದ ಘಟನೆಗಳ
ಹಳೆಯ ಪುಟಗಳಲಿ
ಮುಚ್ಚಿಟ್ಟು ಆಳದಲಿ
ಮತ್ತೆ ಎದ್ದು ಬರದಿರಲೆಂದು

ಹತ್ತಾರು ವರುಷಗಳಿಂದ
ಹಲವು ಊರುಗಳದಾಟಿ
ನಿತ್ಯ ಹಸಿರನು ಹೊತ್ತು
ನಿನ್ನ ಮರೆಯಲೆಂದೇ

ನಿನ್ನ ತೊರೆಯಲು ನಾ
ಮರಳಿ ಯತ್ನವ ಮಾಡೆನು
ಇರುವೆ ನಿನ್ನ ಜೊತೆಗೇ
ನಾ ಮರೆಯಾಗುವವರೆಗೆ