ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 08, 2024
ಬೋನಿನ ಒಳಗಡೆ ಇರಿಸಿದ ತಿನಿಸನು
ದಾನವಿದೆನ್ನುತ ಬಯಸದಿರು
ಪ್ರಾಣವ ತೆಗೆಯುವ ರೂಪಿತ ಸಂಚಿದು
ಬೇನೆಯ ಸುಳಿಯಲಿ ಸಿಲುಕದಿರು
ಬಲೆಯಲಿ ಸಿಲುಕಿಸಿ ಹಣಿಯುವ ತಂತ್ರವು
ಒಳಗಡೆ ಇರಿಸಿದ ಸಿಹಿತಿಂಡಿ
ಹಲವಿಧ ಹಾದಿಯ ಹಿಡಿವರು ಜಯಿಸಲು
ಕಲೆಯಲಿ ಜಾಣರು ಈ ಮಂದಿ
ಜಾಲವನರಿಯುತ ಎಚ್ಚರದಿಂದಿರು
ಕೋಲನು ಮರೆಯಲಿ ಇರಿಸಿಹರು
ಕಾಲವು ಬದಲಿದೆ ಅವರಿಗೆ ಅರಿಯಲಿ
ಸೋಲಿನ ರುಚಿಯನು ನೀ ತೋರು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
(ಚಿತ್ರ ಕೃಪೆ : ಅಂತರ್ಜಾಲ)
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 07, 2024
ರೆಕ್ಕೆಯು ಕಳಚಿದೆ ಪಕ್ಕದೆ ಬಿದ್ದಿದೆ
ಚೊಕ್ಕದ ಬಾಳಲಿ ಬರಸಿಡಿಲು
ಕೊಕ್ಕಿಗೆ ಕಾಳನು ಇಕ್ಕುವರಿಲ್ಲದೆ
ಹಕ್ಕಿಯು ನರಳಿದೆ ನೋವಿನೊಳು
ಕಿರಿಕಿರಿ ಮಾಡದೆ ಕರುಣೆಯ ನೋಟದೆ
ಕರೆದಿದೆ ಸನಿಹಕೆ ಈ ಹಕ್ಕಿ
ನೆರವನು ಬಯಸಿದೆ ದೊರೆಯುವ ಭರವಸೆ
ಮೊರೆಯನು ಇಡುತಿದೆ ನೋವುಕ್ಕಿ
ಬಿಕ್ಕುವ ಪರಿಯಲಿ ಹಕ್ಕಿಯ ನೋಯಿಸಿ
ದಕ್ಕಿಸಿಕೊಳ್ಳುವ ಧಾವಂತ
ಸೊಕ್ಕಿನ ಕ್ರೌರ್ಯಕೆ ಸಿಕ್ಕದು ಮನ್ನಣೆ
ತಕ್ಕಡಿ ಹಿಡಿದಿಹ ಭಗವಂತ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
(ಚಿತ್ರ ಕೃಪೆ : ವಾಟ್ಸಾಪ್)
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 06, 2024
ಶ್ವಾನಗಳು ತಮ್ಮ ಮಾತನ್ನೇ
ಸಮರ್ಥಿಸಿಕೊಳ್ಳುತ್ತವೆ
ಬಾಲ ಡೊಂಕಾದರೂ
ದೊಡ್ಡವರು ನಾವೆಂಬ ಅಹಂನಲ್ಲಿ
ಕತ್ತೆಗಾದಷ್ಟೂ ಪ್ರಾಯವಾದರೂ ಸಹ !
ಊಟವಾಯ್ತೇಯೆಂದು ಕೇಳಿದರೆ
ಮುಂಡಾಸು ಮೂವತ್ತು ಮಳ
ಎನ್ನುವ ನೀರು ಶುನಕಗಳು !
ಅಪ್ಪ ನೆಟ್ಟಿರುವ ಆಲದ ಮರಕ್ಕೇ
ಸುತ್ತು ಹೊಡೆಯುವ
ಮಗನಂತೆ ,ಕೊನೆಗೆ ಮಂಗನಂತೆ
ಹಳೆಯಕಾಲದ ಗೆಲ್ಲನ್ನೇ ಹಿಡಿದು
ಜೋಕಾಲಿ ಹೊಡೆಯುತ್ತೇನೆ
ಎನ್ನುವ ಹಳೆ ಕಬ್ಬಿಣ ತಾಮ್ರಗಳಿಗೆ
ಎನೆನ್ನೋಣ ?
ಬದಲಾವಣೆಗೆ ತಮ್ಮನ್ನು
ತೆರೆದುಕೊಳ್ಳದವರನ್ನು
ಯಾವುದೇ ಮೇನೆಯಲ್ಲಿ
ಕೂರಿಸಿದರೂ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 05, 2024
ಹನಿ ಹನಿಯ ನೀರು ಸುತ್ತೆಲ್ಲ ಹರಿದು
ನದಿಯಾಗಿ ಜೀವ ತಳೆಯೆ
ಜಲ ಜಲದ ರೂಪ ಮಣ್ಣಿನಲಿ ಬೆರೆತು
ಮುದದಿಂದ ಮುಂದೆ ಸಾಗೆ
ನೀರಾಟವಾಡಿ ಜಲಚರಕೆ ಖುಷಿಯು
ಇಳೆಗೀಗ ಹಸಿರೆ ಉಸಿರು
ಹೊಲದಲ್ಲಿ ಬೆಳೆಯು ನಳನಳಿಸುತಿರಲು
ವರುಣನಿಗೆ ಮತ್ತೆ ಗೆಲುವು
ಹೊಂಗನಸು ತೇಲಿ ರೈತನಿಗೆ ತಾಗೆ
ಹರುಹರುಷ ಮನಸಿನೊಳಗೆ
ಕನಸೆಲ್ಲ ಕರಗಿ ನನಸೊಳಗೆ ಬರಲು
ಮನೆಯೊಳಗೆ ಪ್ರೀತಿ ತೊಡುಗೆ
ಬಂತದೋ ಮಳೆಯು ವೈಯಾರದೊಳಗೆ
ಸುತ್ತೆಲ್ಲ ಮಿಂಚು ಸಿಡಿಲೆ
ಆಗಸದ ತುಂಬ ಹೊಂಗಿರಣದುಡುಗೆ
ಪ್ರಕೃತಿಯೊಳು ಸವಿಯ ಸಂಜೆ
***
ಸಾಹಿತ್ಯವು ಬೆಳಗಲಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 04, 2024
ಪ್ರಕೃತಿಯ ಮಡಿಲಲಿ ಬೆಳೆದಿಹ ಮರವದು
ಇಂದಿಗೆ ಕೇವಲ ನೆನಪಿನಲಿ
ಮನುಜನ ಕ್ರೌರ್ಯದ ಕೊಡಲಿಯ ದಾಳಿಗೆ
ಬೆಳೆದಿಹ ವೃಕ್ಷವು ಧರೆಗುರುಳಿ
ಉಳಿದಿಹ ಕಾಂಡವ ಬಿಸಿಲಿನ ತಾಪವು
ಇರಿಸಿದೆ ನಡುವಲಿ ಅದಸೀಳಿ
ಯಾವುದೊ ಸಸ್ಯದ ಬಲಿತಿಹ ಬೀಜವ
ತಂದಿದೆ ಬೀಸಿದ ತಂಗಾಳಿ
ಸೀಳಲಿ ಉಳಿದಿಹ ಬೀಜವ ನೆನೆಸಿತು
ಮೇಘವು ಮಳೆಯನು ತಾ ಸುರಿಸಿ
ಇದ್ದೆಡೆಯಲ್ಲಿಯೆ ಮೊಳಕೆಯನೊಡೆಯಿತು
ಚಂದದಿ ನಗುತಿದೆ ಅದು ಚಿಗುರಿ
ಜೀವವ ಕಳೆದಿಹ ವೃಕ್ಷವು ಕಾಂಡವ
ದಾನವ ಮಾಡಿತೆ ತ್ಯಾಗಮಯಿ?
ಮಾನವಗಿತ್ತಿದೆ ಮಾದರಿ ಪಾಠವ
ಸಾರ್ಥಕ ಬದುಕಿನ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 03, 2024
ಯಾರೂ
ಕು-ಕವಿಗಳು
ನಾಡಿನಲಿಲ್ಲ
ಬರೆದವನಿಗೆ
ತಲೆ ಸರಿ
ಇಲ್ಲ !
***
ಕಣ್ಣ ಸನ್ನೆಗೆ
ಬಂದಳು
ಬಾಹು ಬಂಧನಕೆ
ಸಿಕ್ಕಳು
ತಾಳಿ ಹಿಡಿದು
ನಿಂತಳು
ನೋಡುವುದೇನು
ಈಗ
ಅವಳ ಸುತ್ತಲೂ
ಮಕ್ಕಳು !
***
ಜೀವನದ ದಾರಿಯಲಿ ಹಲವಾರು ತೊಂದರೆಯು
ಪಾತಾಳ ಸೇರಿದರೂ ಬಿಡದಾದ ಚಂದಿರೆಯು
ಹರಿದಿರುವ ಮನಸ್ಸಿನ ಹಿಂದೆಯೇ ಬರುವಳು
ಬೇಡವೆಂದರೂ ನನ್ನನ್ನೇ ನೋಡುತಲೆ ತಬ್ಬುವಳು
***
ನನ್ನ ಮನೆಯಂಗಳದ ರಾಣಿ
ಬಲ್ಲವರಿಗೆ ಗೊತ್ತು ಅವಳ ವಾಣಿ
ರಾತ್ರಿಯಾದರೆ ಬೊಬ್ಬೆ
ಹಗಲಲ್ಲಿ ಬರಿ ನಿದ್ದೆ
ಉಳಿದವರಿಗೆ ದಿನ ದಿನವು ಜಾಗರಣಿ
***…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 02, 2024
ಬಿಸಿಲಿನ ಬೇಗೆಗೆ ಬಸವಳಿದೀಜಗ
ಕಸಿವಿಸಿಗೊಳ್ಳುತ ಕುಳಿತಿರಲು
ನಸುಕಲಿ ಬಿರಿದಿಹ ಕುಸುಮವು ಮುದುಡಿದೆ
ವಸುಧೆಯು ದಾಹದೆ ನೊಂದಿರಲು
ಮುತ್ತಿದ ಬೇಸಿಗೆ ಕುತ್ತನು ತಂದಿದೆ
ಕತ್ತಲಿನಲ್ಲಿದೆ ಧರೆ ಜೀವಿ
ಶಿಸ್ತನು ಕಾಯದೆ ಹೊತ್ತಿಗೆ ಸುರಿಯದೆ
ಬತ್ತಿದೆ ಸುತ್ತಲ ಕೆರೆ ಬಾವಿ
ಹಕ್ಕಿಯು ಕುಳಿತಿದೆ ಕೊಕ್ಕನು ತೆರೆದಿದೆ
ರೆಕ್ಕೆಯು ಸೋತಿದೆ ದಾಹದಲಿ
ದಕ್ಕಿದ ಕಾಳನು ಮುಕ್ಕಲಿಕಾಗದು
ದಕ್ಕದೆ ಜಲಹನಿ ಸನಿಹದಲಿ
ಜಗದಲಿ ಜೀವಿಯ ಮುಗಿಯದ ನೋವಿಗೆ
ಸಿಗುವುದೆ ಶೀಘ್ರದೆ ಪರಿಹಾರ?
ಮುಗಿಲಿದು ಬಂದಿತು ಗಗನದ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 01, 2024
ನಮ್ಮ ಅವ್ವನ ರಟ್ಟಿ
ರೊಟ್ಟಿ ಬಡಿಯಾಕ ಗಟ್ಟಿ
ಜ್ವಾಳ ಹಸನಮಾಡಿ ಇಟ್ಟಿ
ತೊಗೊಂಡು ಗಿರಣಿಗೆ ಹೊಂಟಿ
ಒಲೆಮ್ಯಾಲೆ ಹೆಂಚು ಇಟ್ಟಿ
ಅದರೊಳಗೆ ನೀರು ಹಾಕಿ ಇಟ್ಟೆ
ಒಲೆಯಲ್ಲಿ ಕಟ್ಟಿಗೆ ಇಟ್ಟೆ
ಹಿಟ್ಟು ಕೊನಂಗಿಯಲ್ಲಿ ಹಾಕಿ ಇಟ್ಟೆ
ರೊಟ್ಟಿ ಬಡಿಯ್ಯಾಕ ಕುಂತಿ
ಕೊನಂಬಿಗಿಯೊಳಗೆ ಡೋಣಿ ಮಾಡಿ
ಹಿಟ್ಟಲಿ ನೀರು ತಿರುಗಿಸಿ ತಿರುಗಿಸಿ
ಹಿಟ್ಟಿಗೆ ಜಿಗುಟು ಹಾಕಿ ಬಿಟ್ಟೆ ಅವ್ವ
ಹದಕ್ಕೆ ಕಲಸಿಕೊಂಡು ಬಿಟ್ಟು
ಅದನ್ನು ಕೈಯಿಂದ ಮಿಜ್ಜಿ ಮಿಜ್ಜಿ
ಹದಕ್ಕೆ ಹಿಟ್ಟು ಮಾಡಿ ಕೊಂಡೆವ್ವ
ಸರಿಯಾಗಿ ಹಿಟ್ಟು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 30, 2024
ದುಡಿಮೆಯಲಿ ನಾ ಸಾಗಿ
ಗಡಿಬಿಡಿಯ ಬಾಳಲ್ಲಿ
ಬಿಡುವನ್ನು ಬಯಸಿ ಮನ ರೋಸಿ ಹೋಗಿ
ಕಡಲತ್ತ ಸೆಳೆದಿರಲು
ದಡದಲ್ಲಿ ನಡೆದಿರಲು
ತಡೆಯೊಡ್ಡಿ ಕರೆದಿತ್ತು ನನ್ನ ಕೂಗಿ
ನಡುವಿನಲಿ ಕರವಿಟ್ಟು
ಬೆಡಗಿನಲಿ ಕುಳಿತಿರುವ
ಹುಡುಗಿಯನು ನಾ ಕಂಡೆ ದಂಡೆಯಲ್ಲಿ
ಕಡು ನೀಲಿ ಪೋಷಾಕು
ಮುಡಿಯಲ್ಲಿ ಹೂವಿಟ್ಟು
ಚಡಪಡಿಕೆ ಇಣುಕಿತ್ತು ಮೋರೆಯಲ್ಲಿ
ನಿಡುಸುಯ್ದು ಉಸಿರಲ್ಲಿ
ನಡುಗುತಿಹ ಧ್ವನಿಯಲ್ಲಿ
ನುಡಿದಿಹಳು ವೃತ್ತಾಂತ ಅಳೆದು ತೂಗಿ
ಬಡತನದ ಬಾಳಲ್ಲಿ
ಕಡೆಗಣಿಪ ಜನರೊಡನೆ
ಹೊಡೆದಾಡಿ ಬಂದಿಹಳು ಸೋತುಹೋಗಿ
ಮಿಡಿಯುತಿಹ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 29, 2024
ಕಿಟಕಿಗಳಿಂದಾಚೆ ಕಣ್ಣೋಟ
ಭಾವ ಹೇಳತೀರದು...!
ಕಿವಿಗೆ ಅಪ್ಪಳಿಸುತ್ತಿದೆ
ಸಂಭಾಷಣೆಯ ಅಲೆ....
ಎಷ್ಟೊಂದು ಚಂದ,ಸುಂದರ
ಆಹಾ.... ಹೇಳತೀರದು ಆ ಸೆಳೆತ...
ಬೆಂಡಾಗಿ ಮಾಗಿದ ಚಿತ್ರ..
ನೋಟದಲ್ಲೇ ಮರುಳು..
ಆ ಹುಡುಗನಿಗೆ
ಗೊತ್ತಾಗುವುದಾದ್ರೂ ಹೇಗೆ...!
ಮಾತಿನ ಭರದಲ್ಲಿ
ಹೇಳಿದ್ದಾಯಿತು ಎಲ್ಲಾ...!
ಆ ಕಡೆಯಿಂದ ನಿಶಬ್ದ
ಛೇ.... ಏನಪ್ಪಾ ಹೀಗಾಯ್ತು...!!
ವಾಸ್ತವದಲ್ಲಿ ಶೂನ್ಯ...
ಉದರದ ಪೋಷಣೆಯಲ್ಲಿ!
ದೃಷ್ಟಿಯಿಂದ ಇಬ್ಬರೂ ಬಹುದೂರ...
ಕಣ್ಣಿಲ್ಲದ ಊರಲ್ಲಿ
ಕನ್ನಡಿಯ ಮಾರಿದಂತೆ...!
ಅದೇ…