ಬೋನಲಿರಿಸಿದ ತಿನಿಸು

ಬೋನಿನ ಒಳಗಡೆ ಇರಿಸಿದ ತಿನಿಸನು

ದಾನವಿದೆನ್ನುತ ಬಯಸದಿರು

ಪ್ರಾಣವ ತೆಗೆಯುವ ರೂಪಿತ ಸಂಚಿದು

ಬೇನೆಯ ಸುಳಿಯಲಿ ಸಿಲುಕದಿರು

ಬಲೆಯಲಿ ಸಿಲುಕಿಸಿ ಹಣಿಯುವ ತಂತ್ರವು

ಒಳಗಡೆ ಇರಿಸಿದ ಸಿಹಿತಿಂಡಿ

ಹಲವಿಧ ಹಾದಿಯ ಹಿಡಿವರು ಜಯಿಸಲು

ಕಲೆಯಲಿ ಜಾಣರು ಈ ಮಂದಿ

ಜಾಲವನರಿಯುತ ಎಚ್ಚರದಿಂದಿರು

ಕೋಲನು ಮರೆಯಲಿ ಇರಿಸಿಹರು

ಕಾಲವು ಬದಲಿದೆ ಅವರಿಗೆ ಅರಿಯಲಿ

ಸೋಲಿನ ರುಚಿಯನು ನೀ ತೋರು||

-ಪೆರ್ಮುಖ ಸುಬ್ರಹ್ಮಣ್ಯ ಭಟ್

(ಚಿತ್ರ ಕೃಪೆ : ಅಂತರ್ಜಾಲ)