ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 16, 2024
ಸೀತಾ ಮಾತೆಯನರಸುವ ಹೊಣೆಯನು
ಮಾರುತಿ ಹೊಂದಿದ ತರುವಾಯ
ಶರಧಿಯ ದಾಟುತ ಸೇರಿದ ಹನುಮನು
ಲಂಕೆಯ ರಾವಣನರಮನೆಯ
ದನುಜನ ಬಂಧನದಲ್ಲಿಹ ಮಾತೆಯ
ಕಂಡನು ಅಶೋಕ ವನದಲ್ಲಿ
ಮುದ್ರೆಯ ಉಂಗುರ ತೋರಿಸಿ ರಾಮನ
ನುಡಿಯನು ಅರುಹಿದ ಮಾತೆಯಲಿ
ಮರಗಳನೇರುತ ಹಣ್ಣನು ತಿಂದನು
ಉದರದ ಹಸಿವನು ಕಳೆವಂತೆ
ಲಂಕೆಯ ವನಗಳ ಕೆಡಿಸಿದ ರೋಷದಿ
ತನ್ನಯ ಮನಸಿಗೆ ಬಂದಂತೆ
ರಾವಣ ಕುವರನು ಬಂಧಿಸಿ ಹನುಮನ
ಬಾಲಕೆ ಬೆಂಕಿಯ ಹಚ್ಚಿದನು
ಬಾಲದ ಬೆಂಕಿಯ ಬಳಸುತ ಮಾರುತಿ
ಸುಟ್ಟನು ದನುಜರ ಲಂಕೆಯನು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್ …
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 15, 2024
ನೀಲಿಯ ಸಾಗರದಲೆಗಳ ಭೇದಿಸಿ
ಸೋಲದೆ ಸಾಗಿದೆ ನೌಕೆ
ಬಾಲೆಯ ಜೊತೆಯಲಿ ಕುಳಿತಿಹ ಪಯಣಿಗ
ಸಾಲದು ಎನಿಸಿದ ಬಯಕೆ
ತರುಣಿಗೆ ತಂದಿದೆ ತುಂಬಿದ ಸಂತಸ
ಕಿರುನಗೆ ಮೊಗದಲಿ ಹೊಮ್ಮಿ
ಕರದಲಿ ಬಂಧಿಸಿ ಕುಳಿತಿಹ ಪ್ರಿಯತಮ
ಸರಸದ ಬಯಕೆಯು ಚಿಮ್ಮಿ
ಸಾಗರದಾಚೆಯ ದಡವನು ಸೇರಲು
ವೇಗದಿ ಸಾಗುವುದಾಸೆ
ಹೇಗದ ಪೇಳಲಿ ನಾವಿಕನರಿಯನು
ಬೇಗುದಿಯರುಹುವ ಭಾಷೆ
ಬಿರಿದಿಹ ಹೂವಿನ ಕರೆಯನು ಆಲಿಸಿ
ಬರುವುದು ಸನಿಹಕೆ ಭೃಂಗ
ಬೆರೆತಿಹ ಮನಗಳ ಬೆರಗಿನ ಜೋಡಿಗೆ
ದೊರೆಯಿತೆ ಸರಸಕೆ ರಂಗ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 14, 2024
೧.
ಹೊನಲು ಬೆಳಕಿನ ನಡುವೆ ನಾನಿರುವೆ ಗೆಳತಿ
ಕನಸು ನನಸಿನ ಬಿಡದೆ ಕಾದಿರುವೆ ಗೆಳತಿ
ಬನವು ಹಸಿರಿನ ಹೊದೆಯೆ ಜಾರುವೆಯ ಏಕೆ
ಗುಣಕು ಚೆಲುವಿನ ಕಹಳೆ ಊದಿರುವೆ ಗೆಳತಿ
ತನುವು ಒಲವಿನ ಮನೆಯೆ ಆಗಿದೆಯ ಹೇಗೆ
ಹಲವು ಒಡಲಿನ ಒಳಗೆ ಸಾಗಿರುವೆ ಗೆಳತಿ
ಮರೆವು ಹುರುಪಿನ ಬಣಕೆ ತಾಗಿದೆಯ ಹೀಗೆ
ಸಿಡುಕು ಮನಸಿನ ಹೊದಿಕೆ ತೆಗೆದಿರುವೆ ಗೆಳತಿ
ಇರಲು ಕಡಲಿನ ಅಲೆಗೆ ಹೋಗದೆಯೆ ಈಶ
ಛಲವು ಗೆಲುವಿನ ಬಳಿಯೆ ನಿಂತಿರುವೆ ಗೆಳತಿ
***
೨.
ಜಾತಿಗೆ ಜಾತಿ ಪಗೆ ನಾವು ಬರೆದದ್ದೇ ಗಝಲ್
ನೀತಿ ನಿಯಮವೇ ಬೇಡ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 13, 2024
ಚಾಣಾಕ್ಷರು
ರಾಜಕೀಯದಲಿ
ಯಾರೂ ಸದಾ
ಪರಮ ಶತ್ರುಗಳಲ್ಲ;
ಯಾವಾಗ
ಬೇಕಾದರೂ
ಹೆಗಲ ಮಿತ್ರ....
ಇದ ಪ್ರಾಕ್ಟಿಕಲ್ ಆಗಿ
ತೋರಿಸಿದವರೇ
ಗೌಡ್ರ ಕುಟುಂಬ-
ಇದು ಅವರ
ಪರಮ ಚಾಣಾಕ್ಷ
ರಾಜಕೀಯ ತಂತ್ರ!
***
ಸಿದ್ಧಾಂತ
ಸಿದ್ಧಾಂತವಿಲ್ಲದ
ಜೀವನ;
ರಾಜಕೀಯ
ಬಹಳಕಾಲ
ಇರದು
ಗೆಳೆಯಾ...
ಇದರಿಂದ
ಯಾರೂ
ಗಳಿಸಲಾರರು
ಸತ್ವ ಭರಿತ
ಸಮಾಜದ
ಬೆಳೆಯಾ!
***
ಸುಳ್ಳಿನ ನಾಯಕರು
ಲೋಕಸಭಾ
ಅಭ್ಯರ್ಥಿಗಳಿಗೆ
ಕೋಟಿ ಕೋಟಿ
ಇದ್ದರೂ
ಕಾರಿಲ್ಲಾ
ಮನೆಯಿಲ್ಲಾ....
ಸತ್ಯದ ಮಾಲಿಕ
ನೀವಲ್ಲಾ ನೀವಲ್ಲಾ...
ಮಹಾ ಸುಳ್ಳಿನ …
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 12, 2024
ಚೈತ್ರದ ಶುಕ್ಲದ ನವಮಿಯ ದಿನದಲಿ
ಬುವಿಯಲಿ ರಾಮನ ಅವತಾರ
ದುಷ್ಟರ ಶಿಕ್ಷಿಸಿ ಶಿಷ್ಟರ ಪೊರೆಯಲು
ಮಾಡಿದ ದನುಜರ ಸಂಹಾರ
ರಾಮನ ನೊಸಲಿಗೆ ಚಂದದ ತಿಲಕವ
ಇರಿಸಿದೆ ಸೂರ್ಯನ ಹೊಂಗಿರಣ
ಎಂತಹ ಸುಂದರ ಕ್ಷಣವಿದು ಎನಿಸಿದೆ
ಧನ್ಯತೆ ಪಡೆಯಿತು ಈ ನಯನ
ಪೃಥ್ವಿಯ ಒಡೆಯನ ಸುಂದರ ನಗುಮೊಗ
ಜಾನಕಿ ರಮಣನ ಸೌಂದರ್ಯ
ಭಕ್ತರ ರಸನದಿ ರಾಮನ ನಾಮವು
ಕೇಳಲು ಎಂತಹ ಮಾಧುರ್ಯ
ಹೃದಯದ ಗುಡಿಯಲಿ ಭಕ್ತಿಯ ಪೂಜೆಯ
ನಡೆಸುತಲಿರುವನು ಹನುಮಂತ
ಮಾತೆಯನರಸಲು ಶರಧಿಯ ದಾಟಿದ
ಸಾಟಿಯು ಇಲ್ಲದ ಧೀಮಂತ||
-ಪೆರ್ಮುಖ ಸುಬ್ರಹ್ಮಣ್ಯ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 11, 2024
ತನಗೆ ತಾನೇ ಸಿಂಗರಿಸಿಕೊಳ್ಳುತಿಹ ಜಾಣೆ
ಒಂದಿಷ್ಟು ವ್ಯತ್ಯಾಸ ಸಹಿಸುವುದ ಕಾಣೆ||ಪ||
ನಯನಕಿಟ್ಟಳು ಕಪ್ಪು
ತುಟಿಗೆ ಲೇಪಿಸಿ ಕೆಂಪು
ಸರಿಸಾಟಿ ತನಗಿಲ್ಲ ಎಂಬ ನಿಲುವು
ಕೆನ್ನೆಗಂಟಿದ ಬಣ್ಣ
ಉಡುಪಿಗೊಪ್ಪುವ ವರ್ಣ
ದರ್ಪಣದೆ ಪ್ರತಿಬಿಂಬ ಸೆಳೆದು ಕಣ್ಣು
ಎಲ್ಲ ಮುಗಿಸಿದ ವನಿತೆ
ಉಳಿದುಕೊಂಡಿದೆ ಕೊರತೆ
ಅರಸಿ ನೋಡುವ ಛಲದಿ ಆಕೆ ನಿರತೆ
ಬೆಳ್ಳಗಾಗಿದೆ ಹೆರಳು
ಸುಕ್ಕುಗಟ್ಟಿದೆ ಕೊರಳು
ಕೆನ್ನೆ ಚುಂಬಿಸಲಿಲ್ಲ ಮುಂಗುರುಳು
ಏನು ಮಾಡಿದರೇನು
ಹರೆಯ ನಿಲ್ಲುವುದೇನು
ತೃಪ್ತಿ ಪಟ್ಟಳು ಮನದೆ ತನಗೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 10, 2024
ಗುಡಿಯ ಸೇರದ ಹೂವು
ಮುಡಿಯಲಾಗದ ಸುಮವು
ಗಿಡದಲರಳದೆ ಬರಿದೆ ನಗುವ ಹೂವು
ಗಂಧವಿಲ್ಲದ ಹೂವು
ಬಂಧಕೆಳಸದ ಸುಮವು
ಬಂದ ದುಂಬಿಗೆ ಜೇನು ಕೊಡದ ಹೂವು
ಮೊಗ್ಗು ಅರಳುವ ಹಿತದ
ಹಿಗ್ಗು ನೀಡದ ಸುಮವು
ಕುಗ್ಗಿ ಹೋಗಿದೆ ಮನದೆ ನೊಂದ ಹೂವು
ಸುದ್ಧಿಯಾಗದ ಹೂವು
ಮುದ್ದು ಎನಿಸದ ಸುಮವು
ಬುದ್ಧಿಗೆಟಕುವೆನೆಂಬ ಕಸದ ಹೂವು
ನಿಂದು ನೋಡುವಿರೇಕೆ
ಕುಂದುಕೊರತೆಗಳುಂಟು
ಎಂದು ನುಡಿಯುತಲಿಹುದು ಕೃತಕ ಹೂವು||
(ತಮಾಷೆಗಾಗಿ)
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 09, 2024
ಕಾತರ....
ಎಲ್ಲಾ
ಪಕ್ಷದವರೂ
ಕಾತರದಿಂದ
ಕಾಯುತಿರುವರು
ಅಭ್ಯರ್ಥಿಗಳ
ಪಟ್ಟಿ ಪಟ್ಟಿ....
ಆಯ್ಕೆ
ಆದವರೇ
ಮುಂದಿನ
ರೋಚಕ
ರಾಜಕಾರಣಕೆ
ಗಟ್ಟಿ-ಗಟ್ಟಿ!
***
ಜೀವನ ಪಾಠ....
ನೀವು ಅನುಭವಿಸಿದ
ನೋವು-ಅವಮಾನ
ಒಂದು ಶಿಕ್ಷೆ
ಎಂದು- ನೊಂದರೆ
ಅದು ನಿಮ್ಮ
ಸೋಲು...
ಅವುಗಳನ್ನೇ-
ವಿದ್ಯಾರ್ಥಿಯಾಗಿ
ಜೀವನದ ಪಾಠ
ಎಂದುಕೊಂಡರೆ
ಅದೇ ನಿಮ್ಮ
ಗೆಲುವು!
***
ನುಡಿದರೆ- ಹೈಕಮಾಂಡ್ ಅಹುದಹುದೆನಬೇಕು....
ರಾಜಕಾರಣಿಗಳೇ-
ನೀವು ಬರೀ
ಜನಪ್ರಿಯರಾದರೆ
ಸಾಲದು;
ಆಗಿರಿ ಮೃದು
ಮಾತಿನ ಒಡೆಯ...
ಆಗ ನೋಡಿ-
ಜಗ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 08, 2024
ಬೋನಿನ ಒಳಗಡೆ ಇರಿಸಿದ ತಿನಿಸನು
ದಾನವಿದೆನ್ನುತ ಬಯಸದಿರು
ಪ್ರಾಣವ ತೆಗೆಯುವ ರೂಪಿತ ಸಂಚಿದು
ಬೇನೆಯ ಸುಳಿಯಲಿ ಸಿಲುಕದಿರು
ಬಲೆಯಲಿ ಸಿಲುಕಿಸಿ ಹಣಿಯುವ ತಂತ್ರವು
ಒಳಗಡೆ ಇರಿಸಿದ ಸಿಹಿತಿಂಡಿ
ಹಲವಿಧ ಹಾದಿಯ ಹಿಡಿವರು ಜಯಿಸಲು
ಕಲೆಯಲಿ ಜಾಣರು ಈ ಮಂದಿ
ಜಾಲವನರಿಯುತ ಎಚ್ಚರದಿಂದಿರು
ಕೋಲನು ಮರೆಯಲಿ ಇರಿಸಿಹರು
ಕಾಲವು ಬದಲಿದೆ ಅವರಿಗೆ ಅರಿಯಲಿ
ಸೋಲಿನ ರುಚಿಯನು ನೀ ತೋರು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
(ಚಿತ್ರ ಕೃಪೆ : ಅಂತರ್ಜಾಲ)
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 07, 2024
ರೆಕ್ಕೆಯು ಕಳಚಿದೆ ಪಕ್ಕದೆ ಬಿದ್ದಿದೆ
ಚೊಕ್ಕದ ಬಾಳಲಿ ಬರಸಿಡಿಲು
ಕೊಕ್ಕಿಗೆ ಕಾಳನು ಇಕ್ಕುವರಿಲ್ಲದೆ
ಹಕ್ಕಿಯು ನರಳಿದೆ ನೋವಿನೊಳು
ಕಿರಿಕಿರಿ ಮಾಡದೆ ಕರುಣೆಯ ನೋಟದೆ
ಕರೆದಿದೆ ಸನಿಹಕೆ ಈ ಹಕ್ಕಿ
ನೆರವನು ಬಯಸಿದೆ ದೊರೆಯುವ ಭರವಸೆ
ಮೊರೆಯನು ಇಡುತಿದೆ ನೋವುಕ್ಕಿ
ಬಿಕ್ಕುವ ಪರಿಯಲಿ ಹಕ್ಕಿಯ ನೋಯಿಸಿ
ದಕ್ಕಿಸಿಕೊಳ್ಳುವ ಧಾವಂತ
ಸೊಕ್ಕಿನ ಕ್ರೌರ್ಯಕೆ ಸಿಕ್ಕದು ಮನ್ನಣೆ
ತಕ್ಕಡಿ ಹಿಡಿದಿಹ ಭಗವಂತ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
(ಚಿತ್ರ ಕೃಪೆ : ವಾಟ್ಸಾಪ್)