ತಾಯಿ ಮೊಲೆ ಹಾಲಾಗ ನೆತ್ತರೊ.. ನೆತ್ತರೊ..

ಅನ್ನ ದೇವನೆ ಬಾರೋ

ಮುನ್ನ ಜವ ಬಂದಾನೊ,

ಬೆನ್ನಿಗಂಟಿದ ಹೊಟ್ಟಿ

ಮ್ಯಾಗ ಕಾಣದ ಬಟ್ಟಿ..

ಕೊಟ್ಟಿಯೆಂದರ ಜಗವೆ ಗಿಡಿತಾದ ಒಳಗ

ಜಗಕ್ಕಿಂತ ದೊಡ್ಡದೊ ನಮ್ಮ ಬಳಗ..

ಅವನಿಗೂ ಹಸಿವಾದ, ಇವನಿಗೂ ಹಸಿವಾದ

ಹುಸಿಯಾಗದಿರಲೆಮ್ಮ ನಂಬಿಕಿ..

ಬಸಿರು ಬಯಕೀ ಹಡಿದು

ಬಾಯ್ಬಿಟ್ಟು ಬೇಡ್ಯಾದ

ಬಾಯ್ ಮಾರಿ ಬದುಕಿ..

ಹಾಕ್ತೀವೊ ಕಾಣ್ಕಿ..

ತುಂಬ್ಯಾದ ಜಗದೊಡಲು

ಕಂಡಾಗ ಕಣ್ ಕಡಲು,

ಬಾಳೊ.. ಬಾಳೊ..  ಬಾಳೊ..

ನಿನಗಿಂತ ಯಾರಾರೊ ಮೇಲೊ

ಅಂದಾರೊ ಯಾರೊ ಯಾರೊ..

ನಾ ನೀನು.. ನೀ ನಾನು..

ಬರಲಿಲ್ಲ ಇನ್ನೂನು ಕೂಳು..

ಸಿಕ್ಕಾರೆ ಹಿಡಿಯಿರೂ, ಬಡಿಯೀರೊ

ಕಡಿಯೀರೊ.. ಅವನ್ನಿಡಿದು...

ನೀನವಗೆ ಅವನಿನಗೆ 

ಹಂಚಿರೊ.. ಹಂಚಿರೊ.. ಹಂಚಿರೊ..

ಚೀರೊ ಕಂದಮ್ಮಗಳ ಘಂಟಲದಾಗಿಷ್ಟು

ಇಣುಕಿ ನೊಡಿರೊ, ಕಾಣಿರೊ..

ತಾಯಿ ಮೊಲೆ ಹಾಲಾಗ ನೆತ್ತರೊ.. ನೆತ್ತರೊ..

ಶಿವಪ್ರಸಾದ್ ಶಹಾಪುರ..