ಹಾಳು ಹರಟೆ

ಸಮಯವ ಕಳೆಯಲು ಹಾಳು ಹರಟೆ

ಸತ್ಫಲವಿಲ್ಲದೇ ಬರೀ ಕಾಡು ಹರಟೆ

ಗಡಿಯಿಲ್ಲದ ಗಡಿಯಾರ ಸುತ್ತುವಂತೆ

ಸಾಗುತ್ತದೆ ಮಾತುಗಳ ಅಂತೆ- ಕಂತೆ

ಭತ್ತದ ತೌಡನ್ನು ಒನಕೆಯಿಂದ ಕುಟ್ಟುವಂತೆ

ಉದರದುರಿಯ ಮಾತನ್ನು ಕಕ್ಕುವರಂತೆ

ಗಾಳಿಯಲ್ಲಿ ತೇಲುವ ವ್ಯರ್ಥವಾದ ಸಮಯ

ಅಪಥ್ಯ ಮಾತಿಗಲ್ಲಿ ಇರಲಿಲ್ಲ ಯಾವ ನಿಯಮ.

***

ಬಾಳು ಬೆಳಗು

ಅರಿತರೇ ಜೀವನದ ಸಾರ

ಬದುಕಾಗದು ಎಂದೂ ಭಾರ

ಬದುಕಿಹುದು ಮೂರ್ದಿನದ ಸಂತೆ

ಅರಿತವರಿಗಿಲ್ಲ ಎಂದು ಚಿಂತೆ...

ಬೊಮ್ಮನ ಮಹಾ ವಿಧಿಯಾಟದಲ್ಲಿ

ಪಾತ್ರ, ಪಾತ್ರವು ಅವನ ಸೂತ್ರದಲಿ

ಅರಿವಿರಲಿ ಜೀವನವಿದು ಬಂಗಾರ

ಮಾಡಿ ಕೊಳ್ಳೊಣ ಬಾಳು ಸಿಂಗಾರ.

-ವೀಣಾ ಕೃಷ್ಣಮೂರ್ತಿ, ದಾವಣಗೆರೆ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ