ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ನೂರೆಂಟು ಕನಸು ಸಾಲಾಗಿ ನಿಂತು

ಕರೆದಾಗ ನಿನದೇನೆ ನೆನಪು ,

ಕವಿಯಾಗಿ ನಾನು ಬರೆದ ಕವಿತೆಯ

ಪದಗಳಲಿ ನಿನದೇನೆ ಹೆಸರು .

ಏಕೋ ಏನೋ ಈ ಜೀವವಿಂದು

ಲಘುವಾಗಿ ಹೇಳಿದೆ,

ನಿನ್ನನ್ನು ನೋಡುವ ಬಯಕೆಯ ತಿಳಿಸಿದೆ

ಕನಸಲ್ಲಿ ನನ್ನ ನೆನಪನ್ನು ಕಲಕಿ,

ಸಿಹಿಯನ್ನು ಕೊಟ್ಟ ಬಗೆಯು,

ಮರೆತರು ಮರೆಯದ, ಬೇಡೆಂದರು ಬಿಡದ,

ಮರಿಚಿಕೆ ನಿನದೇನೆ ಕನಸು......

ಹೊನಲಂತೆ ಹರಡಿ, ಹೂವಂತೆ ನಕ್ಕು,

ಲತೆ ಬಳ್ಳಿಯಾಗಿ ಕನರಿ,

ಮುಂಜಾವಿನ ತಿಳಿ ಲಾಸ್ಯದ

ಘಳಿಗೆಗೆ ನಿನದೇನೆ ಕನವರಿಕೆ......

ಆ ಬಾನ ಹಾಗೆ, ನೀನ್ ಇರದ

ತಾಣವ ಸಿಗದೆ ಹೋಯಿತೀಗ,

ಅರಸುತ್ತ ಸಾಗುವ ದಿಗಂತದ

ಸಾಟಿಯಿಲ್ಲದೆ ನೀತಿ ಎಲ್ಲೆಯೆಲ್ಲವ ಮೀರಿ
ಕೋಟಿಗಳ ಸ೦ಗ್ರಹಿಪ ಭ್ರಮೆಯನ್ನು ತೊರೆದು
ಮೇಟಿ ವಿದ್ಯೆಯ ಮಾಳ್ಪ ಕಿರಿಯ ನಾ ಪೇಳ್ವೆ ಯಮ
ನೀಟಿ ಭಯದಿ೦ ಬದುಕಿ ನಿಜವನ್ನು ತಿಳಿದು 

ಕಾಯುವವರಾರೀಗ ಸಕಲ ಕಾಯಕ ಮರೆತು
ಮೇಯುತಿಹುದೀ ಬೇಲಿ ಹೊಲನೆಲವನೆಲ್ಲಾ
ಕಾಯ ಶಾಶ್ವತವೆ೦ಬ ಭಾವನೆಯಲಿರುವರೀ
ರಾಯರಾಯವ ತಪ್ಪಿ ನಡೆಯುತಿಹರಲ್ಲಾ 

ನೀತಿನಿಯಮದ ಪಾಟಗಳ ಗಾಳಿಯಲಿ ತೂರಿ
ಆತುರದಿ ಭೂಧನವ ಕಬಳಿಸುತಲಿಹರು
ಯಾತನೆಯದೆ೦ತು ಬಣ್ಣಿಪುದೆ೦ದು ತಿಳಿಯೆನೀ
ಜಾತಿ ರಾಕ್ಷಸರಿ೦ಗೆ ಸನುಮತಿಯ ತೋರು