ಈ ಸಂಭಾಷಣೆ...ಈ ಪ್ರೇಮ ಸಂಭಾಷಣೆ...!

ಗಮನಿಸಿ: ಈ ಸಂಭಾಷಣೆಯಲ್ಲಿ ಬ್ರ್ಯಾಕೆಟ್ ಒಳಗಿರುವುದು ಹುಡುಗ ತನ್ನಂತಾನೇ ಮಾತಾಡಿಕೊಳ್ಳುವುದು
-------------------------------------------------------------------------

ಅವಳು ಅವನಿಗೆ ಎಂದಿನಂತೆ ಮಿಸ್ಡ್ ಕಾಲ್ ಕೊಟ್ಟಳು. ಅವನೂ ಸಹ ಎಂದಿನಂತೆ ಆ ಕಡೆಯಿಂದ ಕಾಲ್ ಮಾಡಿದ.

ಅವಳು: ಹಲೋ..

ಅವನು: (ಅಯ್ಯೋ ದೇವರೇ...ಇವತ್ತೇನು ಗ್ರಹಚಾರ ಕಾದಿದೆಯೋ?) ಹಾಯ್, ಏನೇ ಸಮಾಚಾರ...?

ಅವಳು: ಏನೂ ಇಲ್ಲ...ಹೀಗೇ ಕಾಲ್ ಮಾಡಿದೆ...

ಅವನು: (ನೀನೆಲ್ಲಿ ಕಾಲ್ ಮಾಡ್ತೀಯ? ...ಬರೀ ಮಿಸ್ಡ್ ಕಾಲ್ ತಾನೇ ಕೊಟ್ಟಿದ್ದು...) ಸರೀ..ನೀನೇನ್ ಮಾಡ್ತಿದ್ದೆ ನನ್ನ ರಾಣಿ?

ಅವಳು: ಈಗ ತಾನೇ ಊಟ ಮುಗಿಸ್ದೆ... ನೀನೇನು ಮಾಡ್ತಿದ್ದೀಯಾ?

ಅವನು: ನಂದೂ ಈಗ ತಾನೇ ಊಟ ಮುಗೀತು...ಈಗ..."ಏನ್ ಹುಡ್ಗೀರೋ ...ಯಾಕಿಂಗಾಡ್ತೀರೋ?" ಹಾಡು ಕೇಳ್ತಿದೀನಿ ಎಫ್ಎಂನಲ್ಲಿ.

ಅವಳು: ಸಖತ್ ಹಾಡಲ್ವ?

(ಆಗ ಅವಳು 'ರಣಧೀರ' ಚಿತ್ರದಿಂದ ಹಾಡೊಂದನ್ನ ಗುನುಗ್ತಾಳೆ.)

ಅವನು: (ಒಳ್ಳೆ ಕಾಗೆ ಕಿರುಚ್ದಂಗಾಗ್ತಿದೆ.... ಅಯ್ಯೋ! ದೇವ್ರೇ ನನ್ನ ಕಾಪಾಡಪ್ಪ!)

ನೀನೆಷ್ಟು ಚೆನ್ನಾಗಿ ಹಾಡ್ತೀಯಾ ನಂಗೆ ಗೊತ್ತೇ ಇರಲಿಲ್ಲ...

ಅವಳು: ಮತ್ತೆ ಗುನುಗ್ತಾಳೆ.

ಅವನು: ಒಂದು ಹಾಡು ಹೇಳೆ ಪ್ಲೀಸ್...

ಅವಳು: ಇಲ್ಲಿ ಎಲ್ರೂ ಮಲಗಿದ್ದಾರೆ...ನಾನು ಹಾಡೋಕೆ ಶುರು ಮಾಡಿದ್ರೆ ಎಲ್ರೂ ಎದ್ಬಿಡ್ತಾರೆ...

ಅವನು:(ಅದೇನೋ ನಿಜ..ಯಾವುದೋ ಭೂತ ಬಂದಿದೆ ಅನ್ಕೋತಾರಷ್ಟೆ...) ಪ್ಲೀಸ್

ಅವಳು: ಪೀಡಿಸ್ಬೇಡ್ವೋ...ನಂಗೆ ಅಷ್ಟು ಚೆನ್ನಾಗಿ ಹಾಡು ಹೇಳೋಕೆ ಬರಲ್ಲ..

ಅವನು: (ಅದು ಇಡೀ ಪ್ರಪಂಚಕ್ಕೇ ಗೊತ್ತು ಬಿಡು...:-) ) ಇಲ್ಲಾ ನೀ ತುಂಬಾ ಚೆನ್ನಾಗಿ ಹೇಳ್ತೀಯ.

ಪ್ಲೀಸ್ ಹೇಳೇ...

ಅವಳು: ಇಲ್ಲಾ ಕಣೋ ನಂಗೆ ಒಂಥರಾ ಆಗುತ್ತೆ

ಅವನು: ಹಾಗೇನಿಲ್ವೆ...ಹೇಳೇ ಪ್ಲೀಸ್

ಅವಳು: ನೀನೇ ಹೇಳ್ಬೋದಲ್ಲ...

ಅವನು: (ನಾನಾ? ನಿಮ್ಮಜ್ಜಿ ನಂಗೇನೋ ಬೇರೇ ದಾರಿ ಇಲ್ಲ ಅದಕ್ಕೆ ಹೇಳ್ದೆ) ಈಗೇನು ನೀನು ಹಾಡ್ತೀಯೋ ಇಲ್ವೋ?

ಅವಳು: ಯಾಕ್ ಹೀಗೆ ತೊಂದ್ರೆ ಕೊಡ್ತೀಯ?

ಅವನು: ಹುಂ....ಓಕೆ

ಅವಳು: ನಂಗೆ ಅಂಥ ಒಳ್ಳೇ ಕಂಠ ಇಲ್ಲ

ಅವನು: (ಅವನಜ್ಜಿ ಕತ್ತೆ ಕೂಡ ನಾಚ್ಕೋಬೇಕು ನಿನ್ ದನಿ ಕೇಳಿ...) ಹುಂ...

ಅವಳು: ನೀನಿಷ್ಟು ಹಟ ಮಾಡ್ತಿದೀಯ...ಬರೀ ಒಂದೇ ಒಂದು ಪ್ಯಾರಾ ಹೇಳ್ತೀನಿ ಸರೀನಾ?

ಅವನು: (ಇನ್ನೇನ್ನೇನು ಸಹಿಸಿಕೋಬೇಕಪ್ಪ ಶಿವನೇ?)

ಅವಳು: ಸರಿ, ಯಾವ ಹಾಡು ಹೇಳಲಿ ಹೇಳು?

ಅವನು: (ನೀನೇನಾದ್ರೂ ಹಾಡ್ಕೋ..ನಂಗಂತೂ ಇವತ್ತು ನಿದ್ದೆ ಹಾಳು..) ಅರಮನೆಯಿಂದ ಪತ್ರ ಬರೆಯಲಾ...ಇಲ್ಲ ಚಿತ್ರ ಬಿಡಿಸಲಾ..

ಅವಳು: ಹಾಡೇನೋ ಚೆನ್ನಾಗಿದೆ..ಆದ್ರೆ ಸಾಹಿತ್ಯ ನೆನಪಿಲ್ವಲ್ಲ...

ಆವಳು: (ನಿನ್ ಟೆಕ್ಸ್ಟ್ ಬುಕ್ ಬಿಟ್ರೆ ಇನ್ನೇನ್ ಗೊತ್ತು ನಿಂಗೆ ಹೇಳು...) ಜಿಂಕೆ ಮರೀನಾ...

ಅವಳು: ಆ ಹಾಡಾ ಅದಾದ್ರೆ ನಾ ಹೇಳೋಲ್ಲ...

ಅವನು: (ನೀ ಯಾವ್ದಾದ್ರೂ ಹಾಡು ಹೇಳು, ಒಟ್ನಲ್ಲಿ ನನ್ ಕಿವಿ ತೂತಾಗೋದಂತು ಗ್ಯಾರಂಟಿ..)

(ಅವಳು ಗಂಟಲು ಸರಿ ಮಾಡ್ಕಂಡು, ಒಂದು ಸಾಲು ಗುನುಗ್ತಾಳೆ)

ಅವಳು: ಇಲ್ಲಾ ಕಣೋ. ನಂಗೆ ನಾಚ್ಕೆಯಾಗುತ್ತೆ.

ಅವನು: ಹೇಳೇ ಪರ್ವಾಗಿಲ್ಲ...ನಿನ್ನ ದನಿಯ ಕಡಲಲ್ಲಿ ಮುಳುಗ್ಬೇಕು ಅಂತಿದ್ದೀನಿ...

ಅವಳು: ನೀನು ನಂಗೆ ಸಿಟ್ಟು ತರಿಸ್ತಿದೀಯ

ಅವನು: (ಗೊತ್ತಾಯ್ತಲ್ವ...ಮತ್ತೆ..)) ಇಲ್ಲ. ನೀನು ನಾಚ್ಜೋತೀಯಲ್ವ ಅದಕ್ಕೆ ನಿನ್ನ ತಣ್ಣಗೆ ಮಾಡ್ತಾ ಇದೀನಿ..

ಅವಳು: ಹುಂ...

ಅವನು: ಪ್ಲೀಸ್ ಹೇಳೇ...

ಅವಳು: ನಾನು ನಾಳೆ ಹೇಳಲಾ?

ಅವನು: (ಸಧ್ಯ...ಬದುಕಿದೆಯಾ ಬಡ ಜೀವವೇ?) ಸರೀನಮ್ಮ ನಿಂಗೆ ಹೇಗನ್ಸುತ್ತೋ ಹಾಗೇ ಮಾಡು.

ಅವಳು: ಹುಂ..

ಅವನು: ಗುಡ್ ನೈಟ್

ಅವಳು: ಗುಡ್ ನೈಟ್

ಅವಳು: ಸ್ವೀಟ್ ಡ್ರೀಮ್ಸ್...

ಅವನು: ನಿಂಗೂ ಸ್ವೀಟ್ ಡ್ರೀಮ್ಸ್...

ಮತ್ತೆ ಸ್ವಲ್ಪ ಹೊತ್ತಾದ ಮೇಲೆ ಮತ್ತೆ ಕಾಲ್ ಮಾಡ್ತಾಳೆ(ಸಾರಿ...ಅವಳು ಯಾವತ್ತೂ ಕಾಲ್ ಮಾಡಲ್ಲ. ಅವಳೇನಿದ್ರೂ ಮಿಸ್ ಕಾಲಷ್ಟೇ ಕೊಡೋದು),,,,

ಅವಳು: ಹಾಯ್.. ಮಲಕ್ಕೋಬಿಟ್ಯಾ?

ಅವನು: ಇಲ್ಲಾ ನನ್ ತಾಯಿ..ವಿದ್ಯುಚ್ಚಕ್ತಿ ಆವಿಷ್ಕಾರ ಮಾಡ್ತಿದೀನಿ...) ಇಲ್ಲಾ ಕಣೇ..

ಅವಳು: ಮತ್ತೇನ್ ಮಾಡ್ತಿದೀಯಾ?

ಅವನು: (ರಾತ್ರಿ ಹೊತ್ತಲ್ಲಿ ಇನ್ನೇನು ಗಿಲ್ಲಿ ದಾಂಡೂನಾ ಆಡ್ತಾರೆ...)ಮ್ಯಾಚ್ ನೋಡ್ತಿದ್ದೆ

ಅವಳು: ಸರಿ...ನೀನು ಮ್ಯಾಚ್ ನೋಡು..

ಅವನು: (ಇಷ್ಟೊತ್ತು ನಿಮ್ಮಜ್ಜಿ ನಾನೇನು ಬಜ್ಜಿನಾ ಸುಡ್ತಿದ್ದೆ...) ಹೇ..ಪರ್ವಾಗಿಲ್ಲ...ಹಳೇ ಮ್ಯಾಚು...

ಅವಳು: ನಾನ್ ಹಾಡ್ಲಿಲ್ಲಾ ಅಂತ ನಿಂಗೆ ಬೇಜಾರಾಯ್ತ?

(ಇದು ಯಾಕೋ ಟ್ರಿಕಿ ಪ್ರಶ್ನೆ ಅನ್ನಿಸಿದ್ರಿಂದ ಸ್ವಲ್ಪ ಹೊತ್ತು ಯೋಚಿಸ್ದ)

ಅವನು: (ಬೇಜಾರ್ ಮಾಡ್ಕೊಳ್ಳೋದಾ? ನೀನು ಹಾಡ್ದೇ ಇರೋದ್ರಿಂದ ಇದು ನನ್ ಜೀವಮಾನದಲ್ಲೇ ಅತ್ಯಂತ ಅದೃಷ್ಟದ ದಿನ..:- ) ಹಾಗೇನೂ ಇಲ್ಲ..ನೀನು ಹಾಡಲಿಲ್ವಲ್ಲ...ಅದಕ್ಕೆ ನಿನ್ನ ಆರಾಮಾಗಿಸೋಣ ಅಂತ...ನೀನೇ ಹೇಳ್ದೆ ನಾನು ನಾಳೆ ಹಾಡ್ತೀನಂತ...ಅದಕ್ಕೆ, ನಾನು ಕಾಯ್ತಿದ್ದೀನಿ...(ನಾನು ಬಚಾವಾದೆ ಅಂತ ಅನ್ಕೊಂಡಿದ್ನಲ್ಲಪ್ಪ...ಥತ್ ತೇರಿಕಿ:-()

ಅವಳು ಹಾಡೋಕೆ ಶುರು ಮಾಡ್ತಾಳೆ

'ಮಳೆ ನಿಂತು ಹೋದ ಮೇಲೆ...'

ಅವನು: ವ್ಹಾ ವ್ಹಾ..ಸಖತ್ತಾಗಿದೆ

ಅವಳು: ಸುಳ್ಳ...ನಂಗೊತ್ತು ನನ್ ಧ್ವನಿ ಅಷ್ಟು ಚೆನ್ನಾಗಿಲ್ಲ ಅಂತ

ಅವನು:(ಸಧ್ಯ...ಈಗ್ಲಾದ್ರೂ self realization ಆಯ್ತಲ್ಲ... :-)... ) ಇಲ್ಲ ಡಾರ್ಲಿಂಗ್ ನೀನು ನಿಜಕ್ಕೂ ಚೆನ್ನಾಗಿ ಆಡ್ತೀಯ!

ಅವಳು: ಇಲ್ಲ, ನಂಗೊತ್ತು ನೀನು ಹೀಗೇ ಹೇಳ್ತಿದಿಯಾ ಅಂತ

ಅವನು: (ವೆರಿ ಗುಡ್..ಕಡೆಗೂ ನಿಂಗೆ ಗೊತ್ತಾಯ್ತಲ್ಲ...)ನಿನ್ ಧ್ವನಿ ಅಷ್ಟು ಕೆಟ್ದಾಗಿದ್ದಿದ್ರೆ ನಾನು ಇಷ್ಟೊತ್ತು ಕೇಳ್ತಾನೆ ಇರ್ಲಿಲ್ಲ.

ಅವಳು: ಸರಿ..ನೀನು ಮಲಕ್ಕೋ..ಗುಡ್ ನೈಟ್

ಅವನು:(ನಿನ್ ಹಾಡು ಕೇಳಿದ್ಮೇಲೂ ನಂಗೆ ನಿದ್ದೆ ಎಲ್ಲಿಂದ ಬರುತ್ತೆ...) ಗುಡ್ ನೈಟ್

ಅವಳು: Take care

ಅವನು: ನೀನುನೂ...

ಅವಳು: ಹೇ...

ಅವನು: (ಅಯ್ಯೋ! ದೇವ್ರೆ..ಯಾಕೋ ಇವತ್ತು ಇವಳು ಬಿಡೋ ಹಾಗೆ ಕಾಣಿಸ್ತಿಲ್ವಲ್ಲಪ್ಪ)..ಏನ್ ಸ್ವೀಟಿ?

ಅವಳು: ನಿಜ ಹೇಳೋ..ನನ್ ದನಿ ನಿಜಕ್ಕೂ ಚೆನ್ನಾಗಿದೀಯಾ...

ಅವನು: (ನಿನ್ ಧ್ವನೀನಾ ರೆಕಾರ್ಡ್ ಮಾಡ್ಕೊಂಡು ನೀನೇ ಯಾಕೆ ಒಂದ್ಸಲ ಕೇಳ್ಬಾರ್ದು)Of course....ನಿಜವಾಗ್ಲೂ..

ಅವಳು: ಎಲ್ಲಾ ಬರೀ ಸುಳ್ಳೂ...

ಅವನು: (ಇವಳಜ್ಜಿ...ಈಗೇನಾದ್ರೂ ನಂಗೆ ಮಲಗೋಕೆ ಬಿಡ್ಲಿಲ್ಲಾ ಅಂದ್ರೆ....) Not at all.

ನೀನು ನಿಜಕ್ಕೂ ಚೆನ್ನಾಗಿ ಹೇಳ್ತೀಯ

ಅವಳು: ನೀನ್ ಹೇಳ್ತಿದೀಯಾ ಅಂದ್ಮೇಲೆ ಅದು ನಿಜಾನೇ ಇರ್ಬೇಕು.. ಸರಿ..ಗುಡ್ ನೈಟ್

ಅವನು: ಗುಡ್ ನೈಟ್...