ತಿರುವು ಮುರುವು - ಲಕ್ಷ್ಮೀಕಾಂತ ಇಟ್ನಾಳ

ಹಿರಿಯರಾದ ಹೆಚ್ ಎ ಪಾಟೀಲ ಸರ್ ಜಿ, ತಾವು ಬಹು ವಿಶಾಲ ಹೃದಯದಿಂದ ಪ್ರತಿಯೊಬ್ಬರನ್ನು ಹುರಿದುಂಬಿಸಿ ವಿಶ್ಲೇಷಿಸಿ, ಪ್ರೇರಣೆ ನೀಡುವುದು ನನ್ನಂತಹ ಸಣ್ನವರಿಗೆ ಇ್ಪರೇರಣೆ ನೀಡುತ್ತದೆ. ಎಂತಹ ಸದಭಿಪ್ರಾಯವನ್ನು ಸಲೀಸಾಗಿ, ಸುಂದರವಾಗಿ ಬರೆದುಬಿಡುತ್ತೀರಿ. ಲೇಖಕನಾದವನಿಗೆ, ಕವಿಗೆ ಇಂತಹ ಮಾತುಗಳು ಇನ್ನೂ ಹೆಚ್ಚಿನ ಪ್ರೇರಣೆ ರೂಪಿಯಾಗಿ ಇನ್ನೂ ಹೆಚ್ಚು ಹೆಚ್ಚು ಕನ್ನಡಮ್ಮನ ಸೇವೆಗೆ ಅಣಿ ಮಾಡುವುದನ್ನು ಅನುಭವಿಸಿ ಬಲ್ಲೆ. ಅಂದಹಾಗೆ ಕವನಕ್ಕೆ ತಮ್ಮ ಮೆಚ್ಚುಗೆಗೆ ಧನ್ಯ ಸರ್. ತಾವು ಹುಬ್ಬಳ್ಳಿಗೆ ಬಂದಾಗ, ತಮ್ಮನ್ನು ಭೇಟಿಯಾಗುವ ಅವಕಾಶ ಕಳೆದುಕೊಂಡವನು ನಾನು ಸರ್. ಈ ಸಾರೆ ಬಂದಾಗ ಫೋನ್ ಮಾಡಿ, ;ಅನುವು ಮಾಡಿಕೊಂಡು ಬಂದು ಭೇಟಿಯಾಗುವೆ, ತಮಗೆ ಅನುಕೂಲವಿದ್ದರೆ, ಧಾರವಾಡದ ನನ್ನ ಮನೆಗೂ ಬನ್ನಿ ಸರ್. ತಮ್ಮನ್ನು ನೋಡಿದ ಹಾಗೂ ಆಗುತ್ತದೆ. ಹಾಗೂ ಸಾಹಿತ್ಯದ ಚರ್ಚೆಗಳು ಸಾಧ್ಯವಾದಲ್ಲಿ ಮಾಡಿದ ಹಾಗು ಆಗುತ್ತದೆ. 'ವಸ್ತಿ' ಬಂದು ಬಿಡಿ. ಇನ್ನು ಸಂಪದಕ್ಕೆ ಸ್ವಾಗತಿಸಿದ್ದೀರಿ. ಸಂಪದ ನನಗೆ ಮನೆಯಂತೆ, ಇಷ್ಟಮಿತ್ರರ ಚಾವಡಿಯಂತೆ,...ನನಗೆ ಸಂಪದದ ಗೆಳೆಯರೆಲ್ಲರೂ ನೆರೆಹೊರೆ ಬಂಧುಗಳಿದ್ದಂತೆ. ಕೆಲವೊಮ್ಮೆ ಸಮಯಾಭಾವದಿಂದ ಬರವಣಿಗೆ ಸಾವಕಾಶವಾಗುತ್ತದೆ, ಕೆಲವೊಮ್ಮೆ, ಕೆಲಸಗಳ ಒತ್ತಡಗಳು, ಕೆಲಸಲ ಸಾಹಿತ್ಯಗಳು ಕಡಿಮೆಯೆನಿಸಿದ್ದುಂಟು. ಹೇಗೆ ಹೇಳುವುದು, ಕೇವಲ ಸಾಹಿತ್ಯ ಸಂಬಂಧಿ ಕವನಗಳು, ಲೇಖನಗಳು ಹೆಚ್ಚು ಇರಲಿ ಸಂಪದದಲ್ಲಿ ಎಂದು! ಕೆಲವೊಮ್ಮೆ ಸಾಹಿತ್ಯವಲ್ಲದ ಸಂವಾದಗಳು, ಲೇಖನಗಳು ಬಹಳವಾಗಿ, ಟ್ರ್ಯಾಕ್ ಬಿಡುತ್ತಿದೆಯೇನೊ ಅನ್ನಿಸಿ,, ಆತಂಕಪಟ್ಟಿದ್ದುಂಟು. ಇದಕ್ಕೆ ನಾವೆಲ್ಲರೂ ಕಡಿವಾಣ ಹಾಕಿಕೊಳ್ಲಬೇಕು. ಸಾಹಿತ್ಯಿಕ ಸಂಬಂಧಿ ಬರಹ, ಕವನಗಳಿದ್ದಲ್ಲಿ ಹೆಚ್ಚು ಅರ್ಥಪೂರ್ಣವಾಗಿ 'ಸಂಪದ' ದ ಬೆಳವಣಿಗೆ ನೂರ್ಮಡಿಯಾಗುತ್ತದೆ ಎಂಬುದು ನನ್ನ ಪ್ರಾಮಾಣಿಕ ಅನಿಸಿಕೆ. ಇದು ನನ್ನ ಕಾಳಜಿ ಮಾತ್ರ. ದಯಮಾಡಿ ಅಪಾರ್ಥ ಬೇಡ. ಅಂದಹಾಗೆ ನಾನು ತಮ್ಮ ವಿಳಾಸಕ್ಕೆ ನನ್ನ ಮೋ. ನಂ ಕಳುಹಿಸುವೆ. ಮುಂದಿನ ಸಾರೆ ಬಂದಾಗ ಖಂಡಿತ ಭೇಟಿಯಾಗೋಣ ಸರ್. ನಮಸ್ಕಾರ.