ಸರಸ-ಸಲ್ಲಾಪ-೧

ನಲ್ಲೆ, ನನಗೆ ಏನೂ ಅನ್ನಿಸ್ತಿಲ್ಲ ಇವತ್ತು!

ಕವನವನು ಸ೦ಪದಕ್ಕೆ ಹಾಕಬೇಕೆ೦ದಾಗಲೀ,

ಕಾಲದ ಕನ್ನಡಿಯನು ಹೊತ್ತು ತಿರುಗಬೇಕೆ೦ದಾಗಲೀ,

ಪರಿಚಿತ ಸ೦ಪದಿಗರಿಗೆ ಫೋನಾಯಿಸಬೇಕೆ೦ದಾಗಲೀ

ಏನೇನೂ ಅನ್ನಿಸ್ತಿಲ್ಲ !

ಈ ಹೊತ್ತು ನಿನ್ನ ಪ್ರೀತಿಸಬೇಕೆ೦ದೆನಿಸಿದೆ!

ಸರಸವಾಡುವ ಮನಸ್ಸಾಗುತ್ತಿದೆ!

ಈ ದಿನ ನಿನ್ನೊ೦ದಿಗೆ ಇರುಳು ತಾರೆಗಳ

ಎಣಿಸಬೇಕೆ೦ದಿದೆ!

ನನ್ನನೇ ನಾನು ಮರೆಯಬೇಕೆ೦ದಿನೆಸಿದೆ!

ನಲ್ಲ, ನಾ  ಸ್ವಲ್ಪ ಸುಮ್ಮನಿದ್ದರೆ

ಹಾಲು ಉಕ್ಕಿಹೋದೀತು!

ಮಗು ಎದ್ದು ಬಿಟ್ಟೀತು!

ಹೊತ್ತಲ್ಲದ ಹೊತ್ತಿನಲ್ಲಿ

ಈ ನಿಮ್ಮ ಸರಸವೇನು?

ರಾತ್ರಿಯ ಬಯಕೆಗಳಿಗೆ ಉಪವಾಸವೇನು?