ಸಜ್ಜನ್ ರಾವ್ ದೇವಸ್ಥಾನ !

ಬೆಂಗಳೂರಿನ ವಿಶ್ವೇಶ್ವರಪುರಂ ನಲ್ಲಿರುವ ಸಜ್ಜನ್ ರಾವ್ ಸರ್ಕಲ್ ನ ಹತ್ತಿರವಿರುವ ಸಜ್ಜನ್ ರಾವ್ ದೇವಾಲಯವನ್ನು ನಾನು ಚಿಕ್ಕಂದಿನಿಂದಲೂ ಬಲ್ಲೆ. ನಮ್ಮ ಅಜ್ಜಿ, ಅಮ್ಮ ಅಕ್ಕ ಎಲ್ಲರೂ ಇದೇ ಹೆಸರಿನಲ್ಲಿ ಕರೆಯುತ್ತಿದ್ದರು. ಆದರೂ ಅಲ್ಲಿ ಪುಜಿಸಲ್ಪಡುವ ದೇವರು  ಅವರಿಗೆ ತಿಳಿದಿತ್ತು. ಹಲವು ಬಾರಿ  ಅವರು ನನಗೆ ತಿಳಿಸಿದ್ದರು ಸಹಿತ. ಆದರೆ ನನ್ನ ತಲೆಗೆ ಅದು ಹೋಗಿರಲೇ ಇಲ್ಲ. ಬೆಂಗಳೂರು ಬಿಟ್ಟಮೇಲೆ ಹಲವು ಬಾರಿ ಈದೇವಸ್ಥಾನದ ಬಗ್ಗೆ ಮಾತು ಬಂದಾಗ ನನ್ನ ಗೆಳೆಯರು ನಗುತ್ತಾ ಅರೆ, ಯಾವ್ದ್ರಿ ಅಲ್ಲಿರೊ ದೇವರು ? ಅಂತ ಕೇಳ್ಬಿಡೋದೆ ! ಸರಿಹೋಯ್ತು. ನನಗೂ ಅದೇ ಡೌಟ್ ಇದೆ. ಅಲ್ಲಿನ ಪ್ರಮುಖ ದೇವರು ಸುಬ್ರಹ್ಮಣ್ಯ ಸ್ವಾಮಿ. ಗಣಪತಿಯೂ ಇದೆ. ಸರ್ಕಲ್ಲಿನ ಮತ್ತೊಂದು ಹೆಸರಾಂತ ದೇವಾಲಯ, ಲಕ್ಷ್ಮೀವೆಂಕಟರಮಣ ದೇವಾಲಯದ ನಿರ್ಮಾತ ಶ್ರೀ. ಕೋಟ ಕಾಮಾಕ್ಷಯ್ಯನವರು. ಜನ ಆ ದೇವಾಲಯವನ್ನು ಕೋಟ ಕಾಮಕ್ಷಯ್ಯನವರ ದೇವಸ್ಥಾನವೆಂದೇ ಗುರುತಿಸಿಕೊಳ್ಳುತ್ತಿದ್ದರು !