ಅಸ್ಪೃಶ್ಯ

ಅಸ್ಪೃಶ್ಯ

By dayanandac on Sun, 05/08/2011 - 23:20
ಕವನ
 
ಭುದ್ದ ಬಸವ
ಅಸ್ಪೃಶ್ಯರಾಗಿದ್ದಾರೆ,
ಕಾವಿ ಸುತ್ತಿದವರೆಲ್ಲ
ಕಾಮಿಗಳಾಗಿದ್ದಾರೆ
 
ಪ್ರಬುತ್ವಕ್ಕೆ ಜಾತಿಯ
ಸುಗ೦ಧ,
ಧರ್ಮಕ್ಕೆ ನೆತ್ತರ
ಸಮರ್ಪಣೆ
 
ಮನೆ ಮನೆಗೆ ಕ್ರೌರ್ಯ
ಬಿತ್ತುವ ಬಣ್ಣದ ಡಬ್ಬಿ,
ಕಾವ್ಯಕ್ಕೆ ಹಣದ
ವ್ಯಾಮೋಹ
 
ಜಗದೊಡಲಲಿ ಅಣು ವಿಕಿರಣ
ರಕ್ತ ಬೀಜಾಸುರನ ಅವಾಹನೆ,
ಜ್ಞಾನ-ವಿಜ್ಞಾನ, ಮಾರಾಟದ
ಮಾಯದ ತಕ್ಕಡಿಯ ತೆಕ್ಕೆಗೆ
 
ಸಮತೋಲನ
ತಪ್ಪಿದ
ಸಮಾಜ,
ಪ್ರಕೃತಿ! 
 
ನಿಮ್ಮಿಪ್ಪಮ್ಮ೦ದಿರಿ೦ದಲೆ
ನಿಮ್ಮ ಬಾಲ್ಯದ ಕಗ್ಗೊಲೆ,
ಅಯ್ಯೋ ಮುದ್ದಿನ ಮಕ್ಕಳೇ
ಈ ಕಸ ತೊಲಗಿಸುವ ಹೊಣೆ,ನಿಮ್ಮ ಹೊಣೆ
 
ಭೂಮಿ, ಈ ಜಲ
ಈ ಸಕಲ ಸ೦ಪತ್ತು 
ಈ ಮನೆ ನನ್ನದು
ಆದರೂ, ನಮ್ಮವರಿ೦ದಲೇ
ನನ್ನಿ೦ದಲೇ ಅಸ್ಪೃಶ್ಯ
 
 

 

 

Comments