ಇಲಿಗಳೂ ಮತ್ತು ಸಿಂಹವೂ....

ಧಾವಿಸಿ ಬಂದಿತು ಚಿಕ್ಕಿಲಿ ತಾಯಿ |

ನೋಡಲು ಚಿಕ್ಕಿಲಿ ಸಿಂಹದ ಕೈಯಲಿ |

ತಾಯಿಗೆ ಬಂದಿತು ಜೀವವೆ ಬಾಯಿಗೆ |

ದೈನ್ಯದಿ ಬೇಡಿತು ಚಿಕ್ಕಿಲಿ ಬಿಡುಗಡೆ   || 8 ||

ಕೊಂದೇ ಬಿಡುವೆನು ಎಂದಿತು ಕೋಪದಿ |

ಕಾಡಿನ ರಾಜನೆ ಸೇಡಲಿ ಕೊಂದರೆ |

ನಿನ್ನಯ ಘನತೆಗೆ ಬರದೇ ಕುಂದು |

ಬುದ್ಧಿಯ ಮಾತನು ಹೇಳುವೆ ಮರಿಗೆ |

ಬಿಡುಗಡೆ ಭಾಗ್ಯವ ಕರುಣಿಸು ದೊರೆಯೆ   || 9 ||

ಬಿಡದಿರು ಎಂದಿಗು ನನ್ನಯ ಗುಹೆಯೊಳು |

ಬಿಡುವೆನು ತಾಯಿಯೆ ನಿನ್ನಯ ಮರಿಯ |

ಚಿಕ್ಕಿಲಿ ಬಿಡುಗಡೆ ತಾಯಿಗೆ ಸಂಭ್ರಮ |

ಸಿಂಹಕೆ ನಮಿಸುತ ಧಾವಿಸಿ ಬರುವೆವು |

ನಿನ್ನಯ ಕಷ್ಟಕೆ ಕರೆಯುವ ಮೊದಲೆ  || 10 ||

ಇಲಿಗಳು ನೀವು ಮೃಗರಾಜನು ನಾನು |

ನಿಮ್ಮಯ ಸಹಾಯ ನಿಮಗೇ ಇರಲಿ |

ಕಾಟವ ಕೊಟ್ಟರೆ ಕೊಲ್ಲದೇ ಬಿಡೆನು |

ನಿಮ್ಮಯ ಬಿಲದಲಿ ಸೇರಿರಿ ಮೊದಲು |

ಬಲಾಢ್ಯ ಸಿಂಹವು ಹೇಳಿತು ದರ್ಪದಿ || 11 ||

ಚಿಕ್ಕವರೆಂದು ಉಪೇಕ್ಷೆಯು ಕೂಡದು |

ಕಷ್ಟದಿ ಜೀವಿಗೆ ಕಡ್ಡಿಯೆ ಆಸರೆ |

ಕಡ್ಡಿಯು ಚಿಕ್ಕದೆ ಸಹಾಯ ದೊಡ್ಡದು |

ಪ್ರಾಣವ ಉಳಸಿದ ಋಣವನು ತೀರಿಸೆ |

ಮರೆಯದೆ ಬರುವೆವು ಸಂಕಟ ಸಮಯದಿ  || 12 ||

ಸಿಂಹದ ದಿನಚರಿ ಸುಖದಲಿ ಸಾಗಿರೆ |

ಪಕ್ಕದ ಊರಿನ ಬೇಡರ ಪಡೆಯದು |

ಕಾಡಲಿ ಬೇಟೆಗೆ ಹೊಂಚನು ಹಾಕಲು |

ಬೇಟೆಗೆ ಬಲೆಗಳ ಎಲ್ಲೆಡೆ ಹರಡಿ |

ನಡೆದರು ಊರಿಗೆ ಮರುದಿನ ಬರಲು  || 13 ||

ಹಸಿದಿಹ ಸಿಂಹಕೆ ಬೇಟೆಯ ಆತುರ |

ಕಾಣದ ಬಲೆಯಲಿ ಬಂಧಿತ ಸಿಂಹ |

ಕೋಪದಿ ಕೊಸರಲು ಬಿಗಿಯುವ ಬಂಧನ |

ಬಲೆಯದು ಬಿಗಿಯಲು ಭರ್ಜರಿ ಘರ್ಜನೆ  |

ಪ್ರಾಣಿಗಳೆಲ್ಲಾ ದಿಕ್ಕಾಪಾಲು   || 14 ||

ಬಲೆಯಲಿ ಸಿಲುಕಿದ ಸಿಂಹದ ಘರ್ಜನೆ |

ಕೇಳಿದ ಚಿಕ್ಕಿಲಿ ಓಡುತ ಬಂದಿತು |

ಭಾರೀ ಬಲೆಯಲಿ ಸಿಂಹದ ವಿಲವಿಲ |

ತಕ್ಷಣ ತಿಳಿಸಿತು ತಾಯಿಗೆ ಚಿಕ್ಕಿಲಿ |

ಧಾವಿಸಿ ಬಂದವು ಸಂಕಟ ಸಮಯದಿ  || 15 ||

ಬಲೆಯ ಒಳಗಡೆ ತೂರಿದ ಚಿಕ್ಕಿಲಿ |

ಸಿಂಹಕೆ ನೀಡಿತು ಅಭಯವ ವಿನಯದಿ |

ಚಿಕ್ಕಿಲಿ ತಾಯಿಲಿ ಇಬ್ಬರೂ ಸೇರಿ |

ಕ್ಷಣದಲಿ ಬಲೆಯಾ ಹಗ್ಗವ ಕಡಿದು |

ಬಲೆಯನು ಸಡಿಲಿಸಿ ಬಂಧನ ಬಿಡಿಸಲು  || 16 ||

ಅಹಮಿನ ಸಿಂಹದ ಪ್ರಾಣದ ರಕ್ಷಣೆ |

ಸಿಂಹಕೆ ತನ್ನಯ ತಪ್ಪಿನ ಅರಿವು |

ಮೂರ್ತಿಯು ಚಿಕ್ಕದು ಕೀರ್ತಿಯು ದೊಡ್ಡದು |

ಕ್ಷಮೆಯನು ಕೋರುತ ಇಲಿಗಳ ಹೊಗಳುತ |

ಸಿಂಹಕೆ ಇಲಿಗಳ ಸ್ನೇಹದ ಸಂತಸ     || 17 ||

ಚಿಕ್ಕದು ದೊಡ್ಡದು ಭೇದವು ಸಲ್ಲದು |

ಕೊಟ್ಟಿಹ ಮಾತಿಗೆ ತಪ್ಪದ ಇಲಿಗಳ |

ಸಿಂಹದ ಸ್ನೇಹದ ಸಾಹಸ ವಿಜಯವು |

ಪಶ್ಚಿಮ ದೇಶದ ನೀತಿಯ ಕಥೆಯು |

ಜಯಪ್ರಕಾಶಿತ ಕನ್ನಡ ಕವನವು |

ಕನ್ನಡ ಮಕ್ಕಳ ರಂಜನೆ ಗೀತೆಯು  || 18 ||