ಒಂದಿಷ್ಟು ಹನಿಗಳು…

ಕಳ್ಳಾ ಪೋಲಿಸ್ ಆಟ 

ಈ ಸರ್ಕಾರ

ಬಂದಾಗ-

ಇವರೇ ಪೋಲಿಸ್;

ಅವರು

ಮಹಾ ಕಳ್ಳರು-

ಇಲ್ಲಾ ತಿರುಗು ಮುರುಗು...

ಕಣ್ಣು ಬಾಯಿ

ಬಿಟ್ಟುಕೊಂಡು

ಉಸಿರು ಬಿಗಿಹಿಡಿದು

ತಮ್ಮದೆಲ್ಲವ ಬಾಚಿ

ಹಿಡಿದುಕೊಂಡ ಪ್ರಜೆಗಳು 

ಮಾತ್ರ ಬೆರಗು ಬೆರಗು!

***

ಏಪ್ರಿಲ್ ಫೂಲ್ 

ಮೊದಮೊದಲು

ಏಪ್ರಿಲ್ 

ಒಂದರಂದು ಮಾತ್ರ-

ತಮಾಷೆಗಾಗಿ

ಮಾಡುತಿದ್ದರು

ಫೂಲ್...ಫೂಲ್...

ಇಂದು ವರ್ಷವಿಡೀ

ಎಲ್ಲರೂ- 

ಒಂದಲ್ಲಾ ಇನ್ನೊಂದರಲಿ

ಆಗುತಿರುವರು ಸದಾ ಫೂಲ್-

ಇದುವೇ ಇಂದಿನ ಜಗತ್ತಿನ

ವಿಸ್ಮಯದ ಕಮಾಲ್!

***

ಇತಿಹಾಸ ನಿರ್ಮಿಸುವವರು! 

ಜಗತ್ತಿನ 

ರಾಜಕಾರಣಿಗಳು-

ಇತಿಹಾಸ ಓದುವುದಿಲ್ಲ;

ಬರೀ ಹೊಸ

ಇತಿಹಾಸದ

ಸೃಷ್ಟಿಕರ್ತರು...

ಅಸಂಬದ್ಧ

ಆಡಳಿತದಿಂದ

ಪ್ರಜೆಗಳು- 

ದಂಗೆ ಎದ್ದಾರು ಎಂಬ

ಕನಿಷ್ಠ ಜ್ಞಾನವೂ

ಇಲ್ಲದವರು!

***

ಮುಗಿಲು ಮುಟ್ಟಿದ ಹಾಲಿನ ಬೆಲೆ....

ಓ ಸರ್ಕಾರದ

ಸಾಂಭಾವಿತರೇ-

ನಿಮ್ಮ

ಅಧಿಕಾರ ಹಿಡಿಯುವ

ಚಾಣಾಕ್ಷ

ಫ್ರೀ..ಫ್ರೀ..ಫ್ರೀ ಗಳಿಂದ...

ನಾವು ಹೊಟೆಲ್ನಲಿ

ಕುಡಿಯುವ

ಕಾಫಿಯ ಬೆಲೆ 

ಗಗನಕೇರಿ-

ಮನಕಾಗಿದೆ

ದುಗುಡಾನಂದ!

***

ಸರಳ ಮತ್ತು ಸಂಕೀರ್ಣ 

ನಮ್ಮ ತಿಮ್ಮ-

ಗೇರಿಲ್ಲದ

ಕ್ಲಚ್ಛ್ ಇಲ್ಲದ

ಸರಳ ಸ್ಕೂಟಿಯನು

ಕೊಟ್ಟ ಆ ದೇವರಿಗೆ

ನಮಸ್ಕಾರಗಳ ಕೊಟ್ಟ....

ಆದರೆ-

ದೇವಾ ಸರಳ 

ಸ್ಕೂಟಿಯನೇನೋ ಕೊಟ್ಟೆ; 

ಆದರೆ ಸಂಕೀರ್ಣ

ಹೆಂಡತಿಯನೇಕೆ ಇಟ್ಟೆ?-

ಎಂದು ಕೊರಗಿಬಿಟ್ಟ!

-ಕೆ ನಟರಾಜ್, ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ