ಒಂದು ಗಝಲ್

ಸುತ್ತ ಮುತ್ತಲು ಕಪ್ಪು ಕತ್ತಲೆಯೇ ತುಂಬಿದೆ ಗೆಳೆಯ

ಅತ್ತ ಇತ್ತಲೂ ವಪ್ಪಿಯ ಹಿಡಿತವೇ ಕಂಡಿದೆ ಗೆಳೆಯ

ಕಾವು ತುಂಬಿದ ನೆಲದಲಿ ತಂಪಿನೊಲವು  ಪಸರಿಸಿದೆ ಯಾಕೆ

ಉಸಿರ ಹಸಿರಿನ  ಚೆಲುವದು ನಡೆಯದೇ ನಿಂತಿದೆ ಗೆಳೆಯ

ಮಲ್ಲಿಗೆಯ ಬನದಲ್ಲಿ ಕಂಪ ಪರಿಮಳ ಹರಡದೆ ಇದ್ದೀತೆ

ಮೆಲ್ಲಗೆ ಹತ್ತಿರ ಪ್ರೀತಿಯದು ಓಡುತಲೇ ಬಂದಿದೆ ಗೆಳೆಯ 

ಬಾನು ಬುವಿಯಂತೆ ನನ್ನವಳ ಒಡನಾಟ ಹೀಗೆಯೇ ಸಾಗಲಿ

ಕೈಹಿಡಿದ ನನಸದು ಸವಿಯೊಳು ಹಿತವನೇ ತಂದಿದೆ ಗೆಳೆಯ

ಮನದೊಳಗೆ ಹೊಸ ಬಗೆಯದು ಉಕ್ಕಿ ಹೊಮ್ಮಲಿ ಈಶಾ

ಹಳೆಯ ಕೊಳಕಿನ ವಿಷಯ ಹೊರಗಡೇ ಬೆಂದಿದೆ ಗೆಳೆಯ

-ಹಾ .ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ