ಒಂದು ಗಝಲ್

ಬೆಂದಿರುತ ನೋವಿನಲಿ ನಡೆದವರ ನೋಡು 

ನೊಂದಿರುತ ಕಣ್ಣೀರ ಸುರಿಸಿದವರ ನೋಡು

ಸಮಾನ ತತ್ವಗಳು ಇಲ್ಲದ ಘೋಷಣೆಗಳು ಯಾಕೆ 

ನಡೆಯುವಾಗ ಚಪ್ಪಲಿಯೇ ಹಾಕದವರ ನೋಡು

ಏನು ಸರಿಯಿದೆಯೆಂದು ಈ ಬುವಿಗೆ ಬಂದೆಯೊ

ವರ್ಣಗಳ ಜೊತೆ ಜೊತೆಗೆ ಒದ್ದಾಡುವರ ನೋಡು

ಕಪಿ ವಂಶದವರೇ ಎಲ್ಲೆಲ್ಲೂ ಕಾಣುತಿಹರು ಏಕೆ

ಮತಿಗೆಟ್ಟ ಲೋಕದೊಳು ಹಾರಾಡುವರ ನೋಡು

ಸ್ವತಂತ್ರ  ಭಾವನೆಗಳು ಸುತ್ತಲೂ ತುಂಬಿದೆ ಈಶಾ

ಬಡತನ ಬುವಿಗಿಂದು ಶಾಪ ಎನ್ನುವರ ನೋಡು

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ