ಕಂದ

ಬಾಳ ಸಿಹಿಯ ತಂದಿಟ್ಟ ಸಿರಿಯೆ

ಬೆಳಕಿನಲಿ ಬೆಳೆಸುವೆನು ನಗುಚೆಲ್ಲು ನೀ

ನಿನ್ನ ಒಳದನಿ ಕೇಳಿಸುವುದೆನ್ನಂತರಂಗಕೆ

ತೋಳತೊಟ್ಟಿಲಲಿ ತೂಗುವೆನು ನಾನು

ಬರುವುದು ಕಂದ ಹಾಯಾದ ನಿದ್ದೆ

ಜಗದನಿಧಿ ಅರಳುತಿರುವ ಬೆಳಕೆ

ಹಿಗ್ಗಿ ನಲಿದಾಡುತ ನೀಡುವೆ ವಾತ್ಸಲ್ಯಧಾರೆ

ಸುರಿಸುವೆ ಒಲವ ಅಮೃತಧಾರೆ

ಮಡಿಲಲ್ಲಿ ತಟ್ಟಿ ಮಲಗಿಸುವೆನು ನಾನು

ಮಾಡುತಿರು ಕಂದ ಹಾಯಾಗಿ ನಿದ್ದೆ

ಚೈತನ್ಯದ ಚಿಲುಮೆ ಜೇನಹನಿಯೆ

ಸಂಭ್ರಮದ ಬೀಜ ಬಿತ್ತಿದೆನ್ನಲಿ

ನಿನ್ನಮ್ಮನಿಗಿಂತ ನನ್ನಮ್ಮ ಹೆಚ್ಚು

ಎಲ್ಲರಿಗು ನೀನು ಅಚ್ಚುಮೆಚ್ಚು

ತೂಗುವೆನು ತೊಟ್ಟಿಲನು ನಾನು

ಸಾಗಲಿ ಕಂದ ಸವಿನಿದ್ದೆ