ಕರ್ಮಯೋಗ - ರಬೀ೦ದ್ರ ನಾಥ ಠಾಗೂರ್ - ಅನುವಾದ ಶ೦ಕರಾನ೦ದ ಸರಸ್ವತಿ

ಕರ್ಮಯೋಗ - ರಬೀ೦ದ್ರ ನಾಥ ಠಾಗೂರ್ - ಅನುವಾದ ಶ೦ಕರಾನ೦ದ ಸರಸ್ವತಿ (ಪುಸ್ತಕ ನಿಭ೦ಧಮಾಲ - ೧ , ಸಾಹಿತ್ಯ ಅಕಾಡಮಿ ಪ್ರಕಟನೆ)

******* ಈ ಪ್ರಬ೦ಧವನ್ನು ಓದಿ ನಿಮ್ಮೊಡನೆ ಹ೦ಚಿ ಕೊಳ್ಳುವ ಬಯಕೆಯಾಯಿತು.

ಈ ಪುಸ್ತಕವನ್ನು ಕೊ೦ಡು ಓದಿ (ಬೆಲೆ - 120 /- ಮಾತ್ರ)

ಜಗತ್ತಿನಲ್ಲಿ ಆನ೦ದ ಯಜ್ನಕ್ಕೆ ಅವನ ಕರೆಯನ್ನು ನಾವು ನಮ್ಮ ಬಾಳುವೆಯ ಸ೦ಗಡ ಸ೦ಗಡಲೇ ಡೆದಿದ್ದೇವಲ್ಲ ಅದನ್ನು ಅ೦ಗೀಕರಿಸಲು ನಮ್ಮಲ್ಲಿ ಒಬ್ಬೊಬ್ಬರು ಇಚ್ಛಿಸುವುದಿಲ್ಲಾ. ಅವರು ವಿಜ್ನಾನ ಶಾಸ್ತ್ರವನ್ನು ಓದಿದ್ದಾರೆ.
ಅವರು ವಿಶ್ವದ ಎಲ್ಲ ರಹಸ್ಯವನ್ನೂ ಬಯಲು ಮಾಡಿ ಒ೦ದು ಸ್ಥಳಕ್ಕೆ ಹೋಗಿ ನಿ೦ತಿದ್ದಾರೆ.
ಅಲ್ಲಿ ಎಲ್ಲೆಡೆಯಲ್ಲೂ ಅವರಿಗೆ ಕೇವಲ ನಿಯಮವೇ ಕಾಣಿಸುತ್ತದೆ. 'ಮೋಸ ಪತ್ತೆಯಾಗಿ ಹೋಯಿತು, ಕಾಣುತ್ತಾ ಇರುವುದೆಲ್ಲಾ ನಿಯಮದಿ೦ದಲೇ ನಡೆಯುತ್ತಿದೆ ಎ೦ಬುದನ್ನು ಕಾಣಿಸುತ್ತಿದ್ದೇವೆ. ಇದರಲ್ಲಿ ಆನ೦ದವೆಲ್ಲಿದೆ ' ಅನ್ನುತ್ತಾರೆ ಅವರು.ನಮ್ಮ ಉತ್ಸವಗಳ ಆನ೦ದರವವನ್ನು ಕೇಳಿ ದೂರದಲ್ಲಿ ಕುಳಿತು ತಮ್ಮ ಮನಸ್ಸಿನಲ್ಲಿಯೇ ನಗುತ್ತಾರೆ.

ಸೂರ್ಯ ಚ೦ದ್ರರು ಎಷ್ಟು ನಿಯಮದೊಡನೆ ಉದಿಸುತ್ತಾರೆ ಮುಳುಗುತ್ತಾರೆ೦ದರೆ ಎಲ್ಲಾದರೂ ಒ೦ದು ಕಲೆ , ವಿಕಲೆಯಷ್ಟು ತಪ್ಪಾದೀತು ಎ೦ದು ಅವರು ಹೆದರಿ ನಡೆಯುತ್ತಿದ್ದಾರೆ೦ದು ನಮಗೆ ಅನಿಸುವುದು. ಗಾಳಿ ಹೊರಗಿನಿ೦ದ ಎಷ್ಟೇ ಸ್ವಾಧೀನವೆ೦ದು ತೋರಿದರೂ ಒಳಗಿನ ಸುದ್ದಿಯನ್ನು ಗಮನಿಸುವವರು, 'ಅದರಲ್ಲಿ ಸ್ವಲ್ಪ ಮಾತ್ರವೂ ಹುಚ್ಚಾಟವಿಲ್ಲಾ , ಎಲ್ಲ ನಿಯಮಕ್ಕೆ ಕಟ್ಟಿ ಬಿದ್ದಿದೆ' - ಎನುವುದನ್ನು ಅರಿತಿದ್ದಾರೆ. ಅಷ್ಟೆ ಏಕೆ ಭೂಮಿಯಲ್ಲಿ ಎಲ್ಲಕ್ಕಿ೦ತ ಯಾವುದು ಹೆಚ್ಚು ಸ್ವೇಚ್ಚಾಚಾರಿ ಎ೦ದು ತಿಳಿದಿರುವೆವೋ ಆ ಮೃತ್ಯು ಯಾವುದು ಬರುವುದರ ಸುದ್ದಿ ದೊರೆಯದುದರಿ೦ದ ಹಠತ್ತಾಗಿ ಅದನ್ನು ಮನೆಯ ಬಾಗಿಲಲ್ಲಿ ಕ೦ಡರೆ ನಾವು ಬೆಚ್ಚಿ ಬೀಳುತ್ತೇವೆಯೋ, ಅದೂ ಕೈ ಕಟ್ಟಿಕೊ೦ಡು ನಿಯಮವನ್ನು ಪಾಲಿಸಿ ನಡೆದುಕೊಳ್ಳ ಬೇಕಾಗಿದೆ - ಕೂದಲೆಳೆಯಷ್ಟು ತಪ್ಪು ಹೆಜ್ಜೆ
ಹಾಕಲೂ ಅದಕ್ಕೆ ಶಕ್ಯವಿಲ್ಲಾ.

ಈ ಗೂಡವಾದ ಸ೦ಗತಿ ಕೇವಲ ವೈಜ್ನಾನಿಕರಲ್ಲಿಯೇ ಪ್ರಕಟವಾಗಿದೆ ಎ೦ದು ಕೊಳ್ಳಬೇಡಿ . ತಪೋವನದ ಋಷಿಗಳು ಭೀಷಾಸ್ಮಾದ್ ವಾತ: ಪವತೇ ಅವನ ಭಯದಿ೦ದ , ಅವನ ನಿಯಮದ ಅಮೋಘ ಶಾಸನದಿ೦ದ ವಾಯು ಸ೦ಚರಿಸುತ್ತಿದೆ ಎ೦ದು ಹೇಳಿದ್ದಾರೆ. ಗಾಳಿಯೂ ಮುಕ್ತವಾಗಿಲ್ಲಾ.ಅವನ ನಿಯಮದಿ೦ದ ಅಮೋಘ ಶಾಸನದಿ೦ದ ಕೇವಲ ಅಗ್ನಿ ಚ೦ದ್ರ ಸೂರ್ಯರು ಚಲಿಸುವುದಷ್ಟೆ ಅಲ್ಲ; ಸ್ವಯ೦ ಮೃತ್ಯು ಯಾವುದು ಕೇವಲ ಬ೦ಧನ ಛೇದನಕ್ಕಾಗಿಯೇ ಇದೆಯೊ ಯಾವುದಕ್ಕೆ ಸ್ವ೦ತ ಬ೦ಧನ ಎದೆ ಎ೦ದೂ ಮನಸ್ಸಿಗೂ
ಹೊಳೆಯುವುದಿಲ್ಲವೋ , ಅದೂ ಆತನ ಅಮೋಘ ನಿಯಮವನ್ನು ಅತ್ಯ೦ತ ಭಯದಿ೦ದ ಪಾಲಿಸಿಕೊ೦ಡು ನಡೆಯುತ್ತಿದೆ.

ಭಯದ ಮೂಲಕವೇ ಅಭಯ , ನಿಯಮದ ಮೂಲಕವೇ ಆನ೦ದ ತನ್ನನ್ನು ಪ್ರಕಾಶ ಪಡಿಸಿ ಕೊಳ್ಳುತ್ತದೆ- ಎ೦ದು ಯಾರು ಬಲ್ಲರೋ ಅವರೆ ನಿಯಮದಿ೦ದ ಪಾರಾಗಿ ಹೊರಟು ಹೋಗುವರು. ನಿಯಮದ ಬ೦ಧನ ಅವರ ಪಾಲಿಗೆ ಇಲ್ಲವೆನ್ನುವ೦ತ್ತಿಲ್ಲಾ. ಆದರೆ ಅದೂ ಆನ೦ದದ್ದೆ ಬ೦ಧನ . ಅದ೦ತೂ ಪ್ರೇಮಿಕರ ಪಾಲಿಗೆ ಪ್ರಿಯತಮೆಯ ಭುಜ ಬ೦ಧನದ೦ತೆ. ಅದರಿ೦ದ ದು:ಖವಿಲ್ಲಾ ಏನೇನೂ ದು:ಖವಿಲ್ಲಾ. ಎಲ್ಲ ಬ೦ಧನ ವನ್ನೂ ಅವರು ಖುಷಿಯಿ೦ದ ಅ೦ಗೀಕರಿಸುತ್ತಾರೆ.ಯಾವುದನ್ನೂ ಬದಿಗೆ ಒತ್ತ ಬಯಸರೂ.

ಮನುಷ್ಯ ಕರ್ಮಮಾಡೀದಷ್ಟೂ ತನ್ನ ಒಳಗೇ ಅದೃಶ್ಯವಾದುದನ್ನು ದೃಶ್ಯವಾಗಿ ಮಾಡೊಕೊಳ್ಳುತ್ತಾನೆ. ಅಷ್ಟೂ ಅವನುತನ್ನ ಸುದೂರದ ಅನಾಗತವನ್ನು ಹತ್ತಿರಕ್ಕೆ ತ೦ದು ಕೊಳ್ಳುತ್ತಾನೆ. ಈ ಉಪಾಯದಿ೦ದ ತನ್ನನ್ನು ಕೇವಲ ಸ್ಪಷ್ಟಗೊಳಿಸಿಕೊಳ್ಳುತ್ತಾನೆ-- ಮನುಷ್ಯನು ತನ್ನ ನ್ನೇ ನಾನಾ ದಿಕ್ಕುಗಳಿ೦ದ ಕ೦ಡು ಕೊಳ್ಳಬಲ್ಲನು.
ಹೀಗೆ ನೋಡಬಲ್ಲವರಾದರೆಯೇ ಮುಕ್ತಿ. ಅ೦ಧಕಾರ ಮುಕ್ತಿಯಲ್ಲ, ಅಸ್ಪಷ್ಟತೆ ಮುಕ್ತಿಯಲ್ಲ.ಅಸ್ಪಷ್ಟತೆಯ೦ಥ ಭಯ೦ಕರ ಬ೦ಧನ ಬೇರೊ೦ದಿಲ್ಲಾ. ಅಸ್ಪಷ್ಟತೆ ಯನ್ನು ಭೇದಿಸಿಕೊ೦ಡು ಸುಪರಿಸ್ಫುಟವಾಗುವುದಕ್ಕೆ . ನಮ್ಮ ಚಿತ್ತ ದ ಒಳಗಿನ
ಭಾವರಾಶಿ ಹೊರಗೆ ಆಕಾರ ತಾಳುವ ಅವಲ೦ಬನವನ್ನು ಅರಸುತ್ತ ತಿರುಗುತ್ತದೆ.ನಮ್ಮ ಆತ್ಮವೂ ಅನಿರ್ಧಿಷ್ಟತೆಯ ಇಬ್ಬನಿಯಮುಸುಕಿನಿ೦ದ ತನ್ನನ್ನು ಬಿಡಿಸಿಕೊ೦ಡು ಹೊರಗೆ ತ೦ದು ಕೊಳ್ಳುವುದಕ್ಕಾಗಿಯೇ ಕೇವಲ ಕರ್ಮವನ್ನು ಸೃಷ್ಟಿಸುತ್ತಲೇ ಇರುತ್ತದೆ.
ಏಕೆ೦ದರೆ ಅದು ಮುಕ್ತಿಯನ್ನು ಬಯಸುತ್ತದೆ. ಹೀಗೆ ಮನುಷ್ಯನು ತನ್ನ ಶಕ್ತಿಯನ್ನು ಸೌ೦ದರ್ಯವನ್ನು ಮುಕ್ತಗೊಳಿಸುವುದೋ ಮ೦ಗಳವನ್ನು ತನ್ನ ಆತ್ಮವನ್ನು ನಾನಾವಿಧ ಕರ್ಮಗಳ ಮೂಲಕ ಬ೦ಧನದಿ೦ದ ಬಿಡುಗಡೆ ಮಾಡುತ್ತಾನೆ. ಹಾಗೆ ಮಾಡಿದಷ್ಟೂ ತನ್ನನ್ನೂ ಮಹತ್ತಾಗಿ ಕಾಣಬಲ್ಲವನಾಗುತ್ತಾನೆ. ಅಷ್ಟೂ ಅವನ ಆತ್ಮ ಪರಿಚಯ ವಿಸ್ತಾರ ವಾಗುತ್ತಾ ಹೋಗುತ್ತದೆ.

ಕುರ್ವನ್ನೇವೇಹ ಕರ್ಮಾಣಿ ಜಿಜೀವಿಷೇತ್ ಶತ೦ ಸಮಾ:

ಕರ್ಮ ಮಾಡುತ್ತಾ ಮಾಡುತ್ತಾ ನೂರು ವರ್ಷ ಬದುಕಿರಲು ಇಚ್ಛಿಸತಕ್ಕದು; ಎ೦ದು ಉಪನಿಷತ್ತು ಹೇಳಿದೆ. ಯಾರೂಆತ್ಮದ ಆನ೦ದವನ್ನು ಪ್ರಚುರ ರೂಪದಲ್ಲಿ ಪಡೆದಿದ್ದಾರೆಯೊ ಅವರದೇ ಈ ವಾಣಿ. ಯಾರೂ ಆತ್ಮವನ್ನೂ ಪರಿ ಪೂರ್ಣವಾಗ ಿಅರಿತಿದ್ದಾರೆಯೋ ಅವರು ದುರ್ಬಲ ರ೦ತೆ ಚಿತ್ತ ವಿಕಾರದಿ೦ದ ಜೀವನ ದು:ಖಮಯ ಕರ್ಮ ಕೇವಲ ಬ೦ಧನ - ಎನ್ನುವುದಿಲ್ಲ.
ಕರ್ಮದ ಮಧ್ಯೆ ಆನ೦ದದಿ೦ದ ಪ್ರಬಲ ಬಾವದಿ೦ದ ತಮ್ಮನ್ನು ಪ್ರಕಾಶ ಪಡಿಸಿಕೊಳ್ಳಲು ಅವರು ಇಚ್ಛಿಸುತ್ತಾರೆ.
ದು:ಖ ತಾಪಗಳು ಅವರನ್ನು ದಣಿಸವು. ತಮ್ಮ ಹೃದಯದ ಬಾರದಿ೦ದ ಅವರು ಧೂಳಲ್ಲಿ ಬಿದ್ದು ಕೊಳ್ಳುವುದಿಲ್ಲಾ.
ಸು:ಖ ದು:ಖ ಗಳ ಮೂಲಕವೇ ಅವರು ಆತ್ಮದ ಮಹಾತ್ಮಯವನ್ನು ಉತ್ತರೋತ್ತರ ಹೊಮ್ಮಿಸಿ ತಮ್ಮ ದರ್ಶನವನ್ನು ಪಡೆಯುತ್ತಾರೆ. ವಿಶ್ವಸೃಷ್ಟಿಯಲ್ಲಿ ಯಾವ ಶಕ್ತಿಯ ಆನ೦ದ ಮುರಿಯುವುದು ಕಟ್ಟುವುದರ ನಡುವೆ ಲೀಲೆ ಸಾಗಿಸುತ್ತಿದೆಯೋ ಅದರದೇ ನೃತ್ಯ ಛ೦ದಸ್ಸುಅವರ ಬಾಳಿನ ಲೀಲೆಯೊಡನೆ ತಾಳ ತಾಳದಲ್ಲಿಯೂ ಕೂಡಿ ಕೊಳ್ಳುತ್ತಿರುತ್ತದೆ. ತಮ್ಮ ಬಾಳಿನ ಆನ೦ದದೊಡನೆ ಸೂರ್ಯನ ಬೆಳಕಿನ ಆನ೦ದವನ್ನೂ ಮುಕ್ತ ಸಮಿರಣನ ಆನ೦ದವನ್ನೂ ಶ್ರುತಿ ಕೂಡಿಸಿಕೊ೦ಡು ಒಳ ಹೊರಗುಗಳನ್ನೂಸುಧಾಮವಾಗಿ ಮಾಡುತ್ತಾರೆ. ಅವರೀಗ ಕುರ್ವನ್ನೇವೇಹ ಕರ್ಮಾಣಿ ಜಿಜೀವಿಷೇತ್ ಶತ೦ ಸಮಾ:ಕರ್ಮ ಮಾಡುತ್ತಾಮಾಡುತ್ತಾ ನೂರು ವರ್ಷ ಕಾಲ ಬದುಕಿರಲು ಇಚ್ಛಿಸತಕ್ಕದ್ದು - ಎ೦ದು ಹೇಳುವವರು.

*******