ಕಾಸಿಲ್ಲದ ಖಾಲಿ ಜೇಬು

ಕಾಸಿಲ್ಲದ ಖಾಲಿ ಜೇಬು

ಕೂತು ತಿನ್ನಲು ಇಲ್ಲ ಜಾಬು //

ಕೈ ಕಾಲು ಸರಿಯಿದೆ

ಮಾತಾಡಲು ಬಾಯಿದೆ

ಜಗ ನೋಡಲು ಕಣ್ಣಿದೆ

ದುಡಿಯಲು ಮೂರಡಿ ಜಾಗ ಇಲ್ಲ

ಮಡಿದರೂ ಹೂಳಲು ನನ್ನವರಿಲ್ಲ

ಇದು......

ಕಾಸಿಲ್ಲದ ಖಾಲಿ ಜೇಬು //

ಮನೆಮನೆಗೆ ತಿರುಗುವೆ ಹೊಟ್ಟೆಪಾಡಿಗೆ

ಬೀದಿಯಲಿ ಅಲೆಯುವೆ ತುಂಡು ಬಟ್ಟೆಗೆ

ಮೆಚ್ಚಿನವರು ಮೆಟ್ಟಿ ನಡೆವರು

ಹುಚ್ಚನೆಂದು ಅಟ್ಟಿಬಿಡುವರು

ನಾನೇನು ಮಾಡಲಿ..? ನನ್ನದು..

ಕಾಸಿಲ್ಲದ ಖಾಲಿ ಜೇಬು //

ಗುಣವನ್ನು ಹಣದಿಂದ ಅಳೆವ ಧಿಮಾಕು

ಹಣವಿಲ್ಲದ ಹೈದ ಹೆಣವಾದರೆ ಸಾಕು

ದುಡ್ಡಿದ್ದರೆ ದಡ್ಡನೂ ಬುದ್ಧಿವಂತ

ಪ್ರೀತಿ, ವಿಶ್ವಾಸ ಹೆಸರಿಗಷ್ಟೇ ಸೀಮಿತ

ನಾನೇನು ಮಾಡಲಿ..? ನನ್ನದು..

ಕಾಸಿಲ್ಲದ ಖಾಲಿ ಜೇಬು

ಪ್ರೀತಿಯೊಂದೇ ನನ್ನ ಜವಾಬು //

-ಭಾರತಿ ಗೌಡ. ಶಿರಸಿ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ