ಖಾಲಿಯಾದರೆ ಅಖಾಡ..

ಅನಂತದಲಿ ಲೀನ
ಆದ ತಕ್ಷಣ 
ಹೆಸರು ಕೀರ್ತಿ ಕಿತಾಪತಿ
ಜತೆಗೇ ಬರುವವನಾ ? ||

ಕಾಲ್ಜಾಡಿಸಿ ಒದ್ದೆಲ್ಲಾ ಬಿಟ್ಟು
ಹೋದಾ ಮೇಲೂ
ನೆನೆಯೊ ಮಂದಿಗೆ ನೆನಪು
ಗುದ್ದೊ ಸುದ್ದೀನಾ? ||

ಗಳಿಸಿದ್ದು ಉಳಿಸಿದ್ದು
ಕಪಾಟಲಿ ಬೀಗ
ಬೀಗವಿರದ ಬಾಯಿಗೆ ಮಾತ್ರ
ನೆನಪಲಿ ಜಾಗಾನಾ? ||

ವಿಚಾರ, ವಾದ ಮಂಡನೆ
ಪರ, ವಿರೋಧ ಗುಲ್ಲು
ತಾತ್ವಿಕಕು ಸಾತ್ವಿಕ ಘನತೆ ಸುತ್ತು
ಇನ್ನು ಚರ್ಚೆಗೂ ಮೂರ್ಛೆನಾ? ||

ನಂಬಿಕೆಯ ಹೊಡೆದಾಟದಲಿ
ವಾದ-ವಿವಾದ-ವಿರೋಧ
ಮಟ್ಟಿಯ ಕಿಲಾಡಿಯೆ ಖಾಲಿ 
ಅಖಾಡಕೆ ನಿರಾಸೆಯಾ? ||

------------------------------------------------------------------------------------
ನಾಗೇಶ ಮೈಸೂರು, ಸಿಂಗಪುರ
-------------------------------------------------------------------------------------