ಚೆಲುವೆಯ ಹಾದಿ...
ಕವನ
ವೃಷ್ಟಿಯಂತೆಯೆ ಸುರಿದ ಪುಷ್ಪವು
ನಿನ್ನ ಬರುವನು ಸಾರಿದೆ
ಸೃಷ್ಟಿ ಸುಂದರ ಚೆಲುವೆ ಹಾದಿಗೆ
ಹೂವ ಹಾಸಿಗೆ ಹಾಸಿದೆ||
ಮೇಘ ರಾಶಿಯು ತಂಪು ಹನಿಗಳ
ಸುರಿಸಿ ಮಡಿಯನು ಮಾಡಿದೆ
ಸೋಗೆಯಲ್ಲವು ಬೀಸಿ ಚಾಮರ
ಸೊಂಪು ಗಾಳಿಯ ಬೀಸಿದೆ||
ಹಕ್ಕಿ ಇಂಚರ ಹೊಮ್ಮಿಸುಸ್ವರ
ಸ್ವಾಗತಿಸುತಲಿ ಹಾಡಿವೆ
ಚುಕ್ಕಿಪುಂಜವು ಹರಸಿನಿಲ್ಲುತ
ಶುಭವ ಚೆಲುವೆಗೆ ಕೋರಿವೆ||
ಬೆಟ್ಟ ಗುಡ್ಡವು ನದಿಯು ತೊರೆಗಳು
ಇವಳ ನೋಡುತ ನಲಿದಿವೆ
ಇತ್ತ ನವಿಲುವು ಗರಿಯ ಬಿಚ್ಚುತ
ಇವಳ ಅಂದಕೆ ಕುಣಿದಿವೆ||
ನೆಟ್ಟ ದೃಷ್ಠಿಯು ಚೆಲುವೆಯಲ್ಲದೆ
ಬೇರೆ ಏನನು ನೋಡದು
ಪಟ್ಟು ಹಿಡಿದಿದೆ ಮನವು ಏಕೋ
ಇವಳ ಸಂಗವ ಬಯಸಿದೆ||
-*ಶ್ರೀ ಈರಪ್ಪ ಬಿಜಲಿ*
ಚಿತ್ರ್
