ಜನ ಏಕೆ ಹೀಗೆ?

ಕಳೆದ ವಾರಾಂತ್ಯದಂದು ಮಂತ್ರಾಲಯ ಪ್ರವಾಸ ಕೈಗೊಂಡಿದ್ದೆವು. ಬೆಂಗಳೂರಿಂದ ರಾಜ ಧ್ವಂಸ(ಹಂಸ) ಬಸ್ಸಿನಲ್ಲಿ ಹೊರೆಟೆವು. ಧ್ವಂಸ ಏಕೆಂದರೆ ಬಸ್ಸಿನಲ್ಲಿ ಹೋದ ಹಾಗೆ ಇರಲಿಲ್ಲ, ಯಾವುದೋ ರಾಗಿ ಮಿಲ್ ನಲ್ಲಿ ಕೂತಂತ ಅನುಭವವಾಯಿತು. ಅದೇನೋ ಸಮಸ್ಯೆಯಿಂದ ಪೂರ್ತಿ ಪ್ರಯಾಣ ಗಿರ್ ಗಿರ್ ಗಿರ್ ಎಂದು ಸದ್ದು ಮಾಡುತ್ತಾ ಎಲ್ಲರ ನಿದ್ದೆ ಕೆಡಿಸುತ್ತಾ ಮಂತ್ರಾಲಯ ತಲುಪಿತು. ಮುಂಚೆಯೇ ತಂಗಲು ವ್ಯವಸ್ಥೆ ಮಾಡಿದ್ದರಿಂದ ಏನೂ ತೊಂದರೆ ಇರಲಿಲ್ಲ. ನಮ್ಮ ಕೋಣೆಗೆ ತೆರಳಿ ಬಹಿರ್ದೆಶೆ ಮುಗಿಸಿಕೊಂಡು ಸ್ನಾನಕ್ಕೆ ನದಿಗೆ ತೆರಳೋಣ ಎಂದುಕೊಂಡೆವು. ಮೂವರು ಮಾತ್ರ ನಾವು ಇಲ್ಲೇ ಕೋಣೆಯಲ್ಲೇ ಬಿಸಿನೀರು ಸ್ನಾನ ಮಾಡುವುದಾಗಿ ಹೇಳಿದರು. ನಾವು ಕ್ಷೇತ್ರಕ್ಕೆ ಬಂದಿದ್ದೀವಿ ಒಂದು ದಿನವಾದರೂ ನದಿಯಲ್ಲಿ ಸ್ನಾನ ಮಾಡೋಣ ಎಂದಾಗ ಇಲ್ಲ ನಾವು ಇಲ್ಲೇ ಮಾಡುತ್ತೇವೆ ಎಂದು ಅಲ್ಲೇ ಬಿಸಿ ನೀರ ಸ್ನಾನ ಮಾಡಿದರು. ಮಿಕ್ಕ ಎಲ್ಲರೂ ನದಿಯಲ್ಲಿ ಸ್ನಾನ ಮಾಡಲು ಹೊರಟೆವು.

ಅಲ್ಲಿಂದ ಬಂದು ಸೀದಾ ಮಂಚಾಲಮ್ಮನ ದರ್ಶನ ಮುಗಿಸಿ ರಾಯರ ದರ್ಶನಕ್ಕೆ ಹೊರಟೆವು. ಜನ ಸಂದಣಿ ಅಷ್ಟಾಗಿ ಇರದ ಕಾರಣ ರಾಯರ ದರ್ಶನ ಅದ್ಭುತವಾಗಿ ನಡೆಯಿತು. ಎಲ್ಲ ಬೃಂದಾವನಗಳ ದರ್ಶನ ಮುಗಿಸಿ ಊಟಕ್ಕೆ ಹೊರಟೆವು. ಊಟ ಮುಗಿಸಿ ಆಚೆ ಬಂದು ವಿಶ್ರಾಂತಿ ತೆಗೆದುಕೊಂಡು ಅಲ್ಲಿನ ವಾಸಿಯೊಬ್ಬರ ಬಳಿ ಮಾತಾಡುತ್ತಿದ್ದಾಗ ನಮ್ಮ ನದಿ ದಂಡೆಯ ಅನುಭವ ಹೇಳಿದಾಗ ಅವರು ಎಂದರು. ನೀವು ಯಾಕೆ ಅಲ್ಲಿಗೆ ಹೋದಿರಿ. ನಾವು ನದಿಗೆ ಹೋಗುವುದೇ ಇಲ್ಲ. ವರ್ಷಕ್ಕೆ ಒಮ್ಮೆ ಮಾತ್ರ ಮಳೆಗಾಲದಲ್ಲಿ ನದಿ ತುಂಬಿದಾಗ ಹೋಗಿ ಪೂಜೆ ಸಲ್ಲಿಸಿ ಬರುತ್ತೇವೆ ಅಷ್ಟೇ. ಮರುದಿನ ಸುಮ್ಮನೆ ನಮ್ಮ ನಮ್ಮ ಕೋಣೆಯಲ್ಲಿ ಬಿಸಿ ಬಿಸಿ ನೀರು ಸ್ನಾನ ಮಾಡಿದೆವು. ಈಗ ಯಾರಾದರೂ ಹೇಗಿತ್ತು ಮಂತ್ರಾಲಯ ಎಂದರೆ ಹೋಗಿ ರಾಯರ ದರ್ಶನ ಮಾಡಿ ಆದರೆ ನದಿ ಕಡೆ ಮಾತ್ರ ಹೋಗಬೇಡಿ ಎನ್ನುತ್ತೇನೆ..

ಏಕೆ ನಮ್ಮ ಜನ ಹೀಗೆ???