ಜೋಗಿ

ಹತ್ತು ಹಿತ್ತಲ ಸುತ್ತಿ,
ದುಂಡು ಮಲ್ಲಿಗೆ ಎತ್ತಿ,
ಕೆರೆಯ ಏರಿಯ ಕೆಳಗ,
ಸೂರ್ಯ ಇಳಿಯುವ ಒಳಗ,
ನಾನು ಬಂದೆನ ಮುತ್ತು ತಂದೇನ.

ಸಪ್ತ ಸಾಗರ ಸುತ್ತಿ,
ಬಿಳುಪು ಮುತ್ತನು ಹೆಕ್ಕಿ,
ಪಡುವ ಸೂರಿನ ಮೇಗ,
ಚಂದ್ರ ಏರುವ ಒಳಗ,
ನಾನು ಬಂದೆನ ಮುತ್ತು ತಂದೇನ.

ಮಲ್ಲೆ ಮುಡಿಯಲಿ ಕಟ್ಟಿ,
ಮುತ್ತು ಕೊರಳಲಿ ಸುತ್ತಿ,
ಸಂಜೆ ಮುಸುಕಿನ ನಡುವೆ,
ನಿಂತ ಕನಸಿನ ಚಲುವ,
ಕಂಡೆ ನಾ, ಬೆರಗಾಗಿ ನಿಂತೇನಾ.

ಮುತ್ತು ಮೊಗದಲೆ ಇತ್ತು,
ಮಲ್ಲೆ ಕಣ್ನಾಗೆ ಇತ್ತು,
ಕಣ್ಣು ಗುರುತಿಸದೇ ಹೋಗಿ,
ಸುತ್ತಿ ಸೋತ ನಾ ಜೋಗಿ,
ನೊಂದೇನ ಬೇಡಾಗಿ, ನೊಂದೇನಾ....!!!!