ನಲ್ಲ ಇವ ಬಹನೆಂದು...

ನಲ್ಲ ಇವ ಬಹನೆಂದು ಮೊಲ್ಲೆ ಮುಡಿದಿಹೆ ಇಂದು 

ಇಲ್ಲೆ ಈಗಲೇ ಬಂದು ಬೆಲ್ಲವಡಗಿಹ ಸಿಹಿ- ಸೊಲ್ಲ ನುಡಿಯುವನೇ?

ಹರಳಿನುಂಗುರವ ಬೆರಳಿಗಿಟ್ಟೆ

ಸರಳ ಸರವೊಂದ ಕೊರಳಿಗಿಳೆಬಿಟ್ಟೆ

ಹಳದಿ ಸೀರೆಯನುಟ್ಟೆ ಹೊಳೆವ ಬಳೆಗಳನೂ ತೊಟ್ಟೆ;

ಬಳಿ ಸೆಳೆದೆದೆಗೆ ಎದೆಯನು ಕೊಟ್ಟು ದುಗುಡ ಕಳೆಯುವನೇ?

ಸತಿ-ಪತಿ-ಸುತರ ಜಗದೊಳೊಂದಾಗಿ

ಮತಿ ಇಟ್ಟು ಜಗಪತಿಯೊಳಗಿವನು ಜತನ ಮಾಡುತ ನನ್ನ,

ಜೀವನ ಪಥದಲ್ಲಿ ಅತಿಮಾಡದೇ ಎಲ್ಲು,

ನನ್ನೊಡನೆ ಎಂದೆಂದು ಜೊತೆ-ಜೊತೆಗೆ ನಡೆಯುವನೇ? -ಮಾಲು